मोक्पोमा आयोजित फुटबल प्रतियोगिता खेल्ने क्रममा घाइते खेलाडी लक्ष्मणको योङहाङ लिम्बूको उपचारका लागि सहयोग अपिल😢😢🇰🇷🇳🇵
दक्षिण कोरियाको मोक्पोमा आयोजित फुटबल प्रतियोगितामा खेल्ने क्रममा गम्भीर घाइते भएका इक्सान नेपाली फुटबल क्लबका खेलाडी लक्ष्मण योङहाङ लिम्बूको उपचारका लागि आर्थिक सहयोगको अपिल गरिएको छ।
गत अक्टोबर ४ तारिख मोक्पोमा आयोजित फुटबल प्रतियोगितामा खेल्ने क्रममा लडेर उहाँको हातमा गम्भीर चोट लागेको थियो। चोट गम्भीर भएकाले उहाँको अपरेसन गर्नुपरेको र हाल डेजनस्थित 을지대학교 병원 (उल्जी विश्वविद्यालय अस्पताल) मा अपरेसनपछि आराम गरिरहेको जनाइएको छ।
अस्पतालमा उपचार गराइरहनुभएका लिम्बूको उपचार खर्च अत्यधिक हुने भएकाले आर्थिक सहयोग आवश्यक परेको इक्सान नेपाली समाज परिवारले जनाएको छ। यस कठिन परिस्थितिमा उहाँको उपचारमा सहयोग पुर्याउन दक्षिण कोरियामा रहेका नेपाली दाजुभाइ तथा दिदीबहिनी, फुटबलप्रेमी र सहयोगी मनहरूसमक्ष आफ्नो इच्छाअनुसार सक्दो आर्थिक सहयोग गरिदिन अपिल गरिएको छ।
इक्सान नेपाली समाज परिवारले सहयो...









