विशाल आवाज:फ्यङथेक माईग्रेन्ट हिलिङ सेन्टर दक्षिण कोरियाको आयोजनामा फ्यङथेकमा आयोजित दोश्रो नेपाली कम्युनिटी भलिबल कप गुल्मी सम्पर्क समितिले चुम्न सफल भएको छ। यो सिजनको अन्तिम खेल मा पनि लगातार प्रथम स्थान हासिल गर्दै गुल्मी सम्पर्क समितिले ह्याट्रिक गर्न सफल भएको हो।
“शेल्टर व्यवस्थापन तथा आपतकालीन राहत कोष सहयोगार्थ ”फ्यङथेक माईग्रेन्ट हिलिङ सेन्टरले अक्टोबर २० तारिखका आइतबारका दिन 경기도 평택시 청북면 원율북로 23 번길 19-7 मा खेलाइएको दोश्रो नेपाली कम्युनिटी भलिबल कपको फाइनलमा सुदूरपश्चिम समाजलाई पाखा लगाउँदै गुल्मीले प्रथम स्थान हासिल गर्न सफल भएको हो।
प्रतियोगितामा विजेता र उपविजेता भएसँगै गुल्मी र सुदूरपश्चिमले आकर्षक ट्रफी, मेडल र प्रमाण पत्र सहित क्रमशः २१ लाख र १३ लाख कोरियन वोन प्राप्त गरे। तृतीय स्थानको लागि भएको खेलमा भोजपुर लाइ पराजित गरि मोना कोरियाले तृतीय भइ ८ लाख कोरियन वोन संगै ट्रफी, मेडल र प्रमाण पत्र प्राप्त गरे। यसैगरी प्रतियोगिताको उत्कृष्ट खेलाडी भइ शिशिर विश्वकर्मा १ लाख वन र बेस्ट स्पाइकर करण ओली/बेस्ट लिबेरो कुमार दर्लामी/बेस्ट लिफ्टर बिनेश घर्ती मगर ले भइ ५०/५० हजार वन सहित ट्रफि र प्रमाणपत्र प्राप्त गरे।
कुल १३ टिमको सहभागिता रहेको फ्यङथेक माईग्रेन्ट हिलिङ सेन्टर दक्षिण कोरिया द्वारा आयोजित दोश्रो नेपाली कम्युनिटी भलिबल कप लाई सफल बनाउन आर्थिक नैतिक र भौतिक रुपमा सहयोग गर्ने साथै सहभागी टिम, रेफ्री समूह, विभिन्न व्यवस्थापकीय समूह लगायत कोरियामा रहनुहुने समस्त शुभचिन्तक आयोजक संस्थाले हार्दिक धन्यवाद समेत व्यक्त गरेको छ।
