Breaking news 1

दक्षिण कोरियामा अफ्रिकी स्वाइन फिभर (ASF) को संक्रमण तीव्र रूपमा फैलिँदै गएपछि यसको सम्भावित स्रोतका रूपमा नेपालबाट ल्याइने नेपाली परिकार ‘सुकुटी’ माथि आशंका गरिएको छ। कोरियाली पशु स्वास्थ्य निकायले गरेको प्रारम्भिक अनुसन्धानअनुसार हाल देखिएको ASF संक्रमण मार्ग नेपाली समुदायमा प्रचलित सुकुटीसँग जोडिएको हुन सक्ने संकेत पाइएको छ। नेपालमा ASF संक्रमित बङ्गुरबाट तयार पारिएको सुकुटी अवैध रूपमा कोरिया भित्रिएको र त्यसकै कारण संक्रमण फैलिन सक्ने सूचनापछि सम्बन्धित निकाय सतर्क बनेका छन्। जानकारी अनुसार पछिल्लो समय नेपाली खाद्य सामग्री, विशेषगरी मासुजन्य वस्तुहरू, कोरियामा अवैध रूपमा प्रवेश गरिरहेको र केही स्थानमा बिक्रीसमेत भइरहेको पाइएको छ। यसले कोरियाका बङ्गुर फार्महरूलाई गम्भीर संकटमा पार्न सक्ने खतरा बढाएको पशु स्वास्थ्य विज्ञहरूले बताएका छन्। यसैबीच, कोरियास्थित विभिन्न उद्योग, फार्म...

दक्षिण कोरियामा कार्यरत भोजपुरका प्रतिक राईलाई उपचारका लागि ३३ लाख वोन सहयोग हस्तान्तरण दक्षिण कोरियाको ख्यङ्गी–दो ह्वासङ सिटीको फारान क्षेत्रमा अवस्थित फलामको पाइप उत्पादन गर्ने एक कम्पनीमा कार्यरत नेपाल भोजपुर जिल्ला हतुवागढी गाउँपालिका निवासी प्रतिक राई गत वर्ष सन् २०२५ अक्टोबर १६ तारिखदेखि मस्तिष्कघात (Brain Stroke, 뇌졸중) बाट गम्भीर रूपमा पीडित हुनुहुन्छ। मस्तिष्कघातका कारण उहाँको शरीरको एकपट्टिको हात–खुट्टा नचल्ने तथा बोली स्पष्ट नहुने अवस्था देखिएपछि सुरुमा फारानस्थित छुङआङ अस्पतालमा उपचार गरिएको थियो भने त्यसपछि सुवनस्थित 성빈센트병원 हुँदै हाल ‘द फष्ट अस्पताल' मा निरन्तर उपचाररत रहनुभएको छ। उपचार अवधि लामो हुनुका साथै खर्च अत्यधिक लाग्ने भएपछि हालसम्मको सम्पूर्ण उपचार खर्च बिरामी स्वयम्‌ले आफ्नै तलबबाट व्यहोर्दै आउनुभएको थियो। तर औद्योगिक दुर्घटना बीमामा आवेदन दिँदा अस्वीकार भएपछ...

दक्षिण कोरियामा रहेका नेपाली खेलप्रेमीहरूबीच आपसी मेलमिलाप, घनिष्ठता र सामाजिक पहिचान विस्तार गर्ने उद्देश्यले नेपाल मगर संघ गणतन्त्र कोरिया, किम्हे/बुसान शाखाको आयोजना तथा नेपाल फुटबल महासंघ दक्षिण कोरियाको समन्वयमा मार्च १ कारिक किम्हेमा ‘प्रथम लखन थापा फुटसल कप–२०२६’ हुने भएको छ। “स्वस्थ जीवन र मनोरञ्जनका लागि परदेशमै भए पनि खेल खेलौँ !” भन्ने मूल नाराका साथ ४४ औँ राष्ट्रिय मगर दिवसको अवसर पारेर आयोजना हुन लागेको उक्त फुटसल प्रतियोगिता आउँदो २०२६ मार्च १ (आइतबार) का दिन सञ्चालन हुनेछ। खेल कार्यक्रम बिहान ठीक ८ बजेदेखि सुरु हुने आयोजकले जनाएको छ। प्रतियोगिता 경상남도 김해시 김해대로 1798 (초은 풋살 파크) मा आयोजना गरिनेछ। प्रतियोगितामा सहभागी हुन इच्छुक टिमहरूले फेब्रुअरी २२, २०२६ (शनिबार) दिउँसो ४ बजेसम्म टिम दर्ता गरिसक्नुपर्ने आयोजकले जनाएको छ। टिम दर्ता शुल्क ३ लाख ५० हजार कोरियन वोन तोकिएको छ।...

दक्षिण कोरियामा रोजगारीका क्रममा रहेका खोटाङका युवा चन्द्र कुमार राई गम्भीर सवारी दुर्घटनामा परेपछि हाल अस्पतालमा उपचाररत छन्। खोटाङ दिक्तेल रुपाकोट मझुवागढी नगरपालिका–११, खार्मी स्थायी ठेगाना भएका राई दुर्घटना हुनु तीन महिना अघि मात्र छल्लानाम्दो मोक्पोको हेनाम्गुन क्षेत्रमा कामका लागि आएका थिए। गत नोभेम्बर २ बिहान करिब ६ बजे कार्यस्थल जाँदै गर्दा उनी सवारी दुर्घटनामा परेका हुन्। राई NRNA दक्षिण कोरियाका सल्लाहकार र पूर्वी नेपाल समाज कोरियाका संरक्षक लगायत दक्षिण कोरिया का विभिन्न संघसंस्थाका सल्लाहकार रहेका अमृत राईका आफ्नै भाई हुन्। दुर्घटनापछि राईलाई क्रमशः 목포 한국병원, 광주 전남대학교병원 हुँदै हाल 대전स्थित 을지대학교병원 मा स्थानान्तरण गरी उपचार भइरहेको छ। दुर्घटनाबाट उनको देब्रे खुट्टा पूर्ण रूपमा क्षतिग्रस्त भई काटिएको छ भने दाहिने खुट्टा जोगाउन सकिन्छ कि भन्ने आशामा उपचार जारी छ। दुर्घटनाको समयम...

ह्वासङ नेपाली परिवार दक्षिण कोरियाको चौथो अधिवेशन सम्पन्न, गोविन्द अधिकारी गैरआवासीय नेपाली संघकी अध्यक्ष श्रीमती पार्वती मोक्तानको प्रमुख आतिथ्यतामा ह्वासङ नेपाली परिवार दक्षिण कोरिया को चौथो अधिवेशन आज ह्वासङ फारानमा सम्पन्न भएको छ। 경기도 화성시 향남읍 3.1 만세로 1113, 지하 1층 मा आयोजना गरिएको अधिवेशनमा ह्वासङ आसपास बसोबास गर्ने नेपाली समुदायको उल्लेखनीय सहभागिता रहेको थियो। अधिवेशनले नयाँ कार्यसमिति चयन गर्दै गोविन्द अधिकारी को अध्यक्षतामा चौथो कार्यसमिति सर्वसम्मत रूपमा निर्वाचित गरेको छ। वरिष्ठ उपाध्यक्षमा हरि श्रेष्ठ चयन भएका छन् भने उपाध्यक्षहरूमा शोभा लामा, कमल जि.सी., लोकेन्द्र फौजा मगर र पदम रजान मगर चयन भएका छन्। त्यसैगरी महासचिवमा जगत संसार, सचिवहरूमा अर्जुन साम्पाङ र मन्दिप भण्डारी, कोषाध्यक्षमा हेमन्त के.सी. तथा सह–कोषाध्यक्षमा शर्मिला थापा मगर निर्वाचित भएका छन्। कार्यसमिति सदस...

दक्षिण कोरियाको जिन्चन क्षेत्रमा राष्ट्रिय स्वतन्त्र पार्टी (रास्वपा) प्रवास नेपाली सम्पर्क विभाग दक्षिण कोरियाअन्तर्गत नयाँ क्षेत्रीय कार्यसमिति गठन गरिएको छ। आइतबार फेब्रुअरी १, २०२६ मा सम्पन्न कार्यक्रम बाट राजन भट्टको नेतृत्वमा जिन्छन क्षेत्रीय कार्यसमिति चयन गरिएको हो। 충청북도 진천군 진천–읍मा रहेको लालिगुराँस रेस्टुरेन्टको माथिल्लो तल्लामा सम्पन्न भएको भएको कार्यक्रममा केन्द्रिय अध्यक्ष युबिन श्रेष्ठ लगायतको बाक्लो उपस्थिती थियो। कार्यक्रममा प्रवासमा रहेका नेपालीहरूको संगठनात्मक भूमिका, पार्टीको नीति–दिशा र भावी कार्ययोजनाबारे विस्तृत छलफल गरिएको थियो। भेलाले सर्वसम्मत रूपमा राजन भट्टलाई प्रमुख चयन गरेको छ भने उप– प्रमुखमा नयन सिंह कार्की, सचिवमा भूपेन्द्र जोशी र कोषाध्यक्षमा सुमन कार्की चयन भएका छन्। त्यसैगरी कृष्ण कुमार श्रेष्ठ, अरुण चौधरि , श्रवण चन्द्रबङ्शी, बालकृष्ण खनाल, सन्तोष लि...

नेपालस्थित कोरियन दूतावासले कागजात प्रमाणीकरण (Consular Verification / Notarization) सेवालाई थप व्यवस्थित र स्पष्ट बनाउन नयाँ व्यवस्था लागू गर्ने भएको छ । दूतावासका अनुसार आगामी सोमबार, फेब्रुअरी २, २०२६ देखि सबै प्रकारका कागजात प्रमाणीकरण सेवाहरू On-Site Visit प्रणालीमार्फत मात्र प्रदान गरिनेछ । यससँगै हालसम्म सञ्चालनमा रहेको अनलाइन अपोइन्टमेन्ट प्रणाली बन्द गरिने दूतावासले जनाएको छ । अब सेवाग्राहीले दूतावासले तोकेको मिति र मापदण्ड अनुसार प्रत्यक्ष उपस्थित भएर सेवा लिनुपर्नेछ । दूतावासका अनुसार कागजात प्रमाणीकरण सेवा कार्यदिवसहरूमा बिहान ९:३० देखि ११:०० बजेसम्म उपलब्ध हुनेछ । फेब्रुअरी महिनाका लागि सेवाग्राहीहरूको अपोइन्टमेन्ट भने जन्ममिति तथा पासपोर्ट नम्बरको अन्तिम अंकका आधारमा तोकिएको छ । दूतावासले सेवाग्राहीहरूलाई तोकिएको समयमै उपस्थित हुन र सेवा अवधिमा कुनै अव्यवस्था नगर्न आ...

  EPS आन्दोलनरत पक्षलाई HRD Korea प्रमुखको स्पष्ट पत्र “ रोस्टरमा नाम हुँदा मात्र रोजगारी १००% ग्यारेन्टी हुँदैन” दक्षिण कोरियाको रोजगार अनुमति प्रणाली (EPS) अन्तर्गत ‘जब रोस्टर’ मा रहेका तथा हाल आन्दोलनमा सहभागी कामदारहरूलाई लक्षित गर्दै EPS सेन्टर (HRD Korea) प्रमुखले आधिकारिक पत्र सार्वजनिक गरेका छन्। पत्रमार्फत EPS सेन्टरको धारणा स्पष्ट पार्दै आन्दोलनरत पक्षका माग र फैलाइएका हल्लाहरूप्रति प्रष्टिकरण दिइएको छ। पत्रमा उल्लेख गरिएअनुसार हाल ‘पोइन्ट सिस्टम’ परीक्षा सञ्चालन भइरहेकाले परीक्षा केन्द्र प्रमुख कार्यस्थल छोड्न नसक्ने अवस्था रहेको र त्यस कारण बैठकमा प्रत्यक्ष उपस्थित हुन नसकिएकोमा खेद व्यक्त गरिएको छ। यद्यपि लिखित रूपमा भए पनि EPS सेन्टरको आधिकारिक धारणा सार्वजनिक गरिएको बताइएको छ। EPS सेन्टरले आन्दोलनरत पक्षले उठाएको “कोरियामा शतप्रतिशत रोजगारीको ग्यारेन्टी गरिन...

दक्षिण कोरियाको 충북 प्रान्त अन्तर्गत 음성군 맹동면 मा रहेको एक दैनिक उपभोग्य सामग्री उत्पादन गर्ने कारखानामा लागेको भीषण आगलागीबाट एक जनाको शव फेला परेको छ। दमकल विभागका अनुसार जनवरी ३१ गते बिहान १२:३९ बजे, आगलागीबाट भत्किएको संरचनाको भग्नावशेषभित्र, भवनको दोस्रो तलाको सिँढी नजिक पूर्ण रूपमा जलेको अवस्थामा अज्ञात व्यक्तिको शव भेटिएको हो। उक्त कारखानामा जनवरी ३० गते दिउँसो करिब २:५५ बजे अचानक आगलागी सुरु भएको थियो। कागज तथा ज्वलनशील सामग्री उत्पादन हुने उद्योग भएकाले आगो तीव्र रूपमा फैलिएको थियो। करिब ३ घण्टापछि ठूलो आगो नियन्त्रणमा आए पनि, पूर्ण रूपमा निभाउन २० घण्टाभन्दा बढी समय लागेको बताइएको छ। घटनाका बेला कारखानामा ८३ जना कर्मचारी कार्यरत थिए। आपतकालीन घण्टी बज्नासाथ ८१ जना कर्मचारी सुरक्षित रूपमा बाहिर निस्कन सफल भए पनि २ जना विदेशी श्रमिक सम्पर्कविहीन भएका थिए। सम्पर्कविहीन हुनेमा काज...

दक्षिण कोरियाको जेजु सिटीमा रहेको दुई तले अस्थायी गोदाम भवनमा आगलागी हुँदा दोस्रो तलामा बसोबास गर्दै आएकी २० वर्षीया महिलाको मृत्यु भएको छ। जेजु अग्नि तथा विपद् व्यवस्थापन मुख्यालयका अनुसार जनवरी ३० दिउँसो करिब २:१२ बजे जेजु सिटीको दो–र्योनदोंग क्षेत्रमा रहेको गोडाममा आगलागी भएको सूचना प्राप्त भएको थियो। आगो लागेसँगै कालो धुवाँ तीव्र रूपमा फैलिँदा 119 आपतकालीन सेवामा २६ वटा फोन आएको जनाइएको छ। दमकल विभागले भारी उपकरण र ‘हनल्लामे’ नामक हेलिकप्टरसहित ठूलो संख्यामा दमकलकर्मी परिचालन गरी आगो नियन्त्रणमा लिने प्रयास गरेको थियो। करिब साढे तीन घण्टाको कठिन प्रयासपछि साँझ ५:५५ बजे आगो पूर्ण रूपमा नियन्त्रणमा लिइएको हो। घटनास्थलको दोस्रो तलाबाट ती महिलालाई मृत अवस्थामा फेला पारिएको थियो। स्यान्डविच प्यानलबाट निर्माण गरिएको उक्त भवनको पहिलो तला सुन्तला भण्डारण गोदामका रूपमा प्रयोग हुँदै आएक...