Breaking news 1

बिशाल आवाज:स्याङ्जा परिवार दक्षिण कोरियाले आयोजना गरेको पाँचौं स्याङ्जा कप २०२५ भलिबल प्रतियोगिता आइतबारका दिन सुवन स्थित आजु युनिभर्सिटीको सुविधा सम्पन्न हलमा भव्य रूपमा सम्पन्न भयो। “स्वास्थ्य, एकता, सद्भाव र गतिशीलताका लागि हाम्रो अभियान — खेल, संस्कृति र सुशासन हाम्रो पहिचान” भन्ने मूल नाराका साथ आयोजित प्रतियोगिताले परदेशी भूमिमा एकता, सहयोग र सद्भावको अद्वितीय उदाहरण प्रस्तुत गरेको छ । कोरियाको नेपाली भलिबलको ३० बर्षे लामो इतिहासमै पहिलोपटक ३६ टिमको कीर्तिमानी सहभागिता रहेको यस वर्षको स्याङ्जा कप विशेष बन्यो। बिहान ७ बजे शुरू भएर समयमै सम्पन्न कार्यक्रम, र खेलाडी, दर्शक, रेफ्री, आयोजकदेखि प्रायोजकसम्म सबैको जबरजस्त उपस्थितिले प्रतियोगितालाई साँच्चिकै ‘भलिबलको महाकुम्भ’ बनाएको थियो। तीव्र प्रतिस्पर्धाबीच सुदूरपश्चिम समाज दक्षिण कोरियाले उपाधि उचाल्दै पहिलो स्थान हात पार्दा, ...

दक्षिण कोरियामा सक्रिय सस्था नेपाली आदिवासी जनजाति महासंघको आयोजनामा यही अगष्ट १० तारिक सौलमा ३१औं विश्व आदिवासी दिवस तथा नेपाल महोत्सव २०२५ भव्य रूपमा विविध कार्यक्रमसहित मनाइने भएको छ। नेपाल आदिवासी जनजाति महासंघ, दक्षिण कोरियाको नेतृत्वमा १२ वटा जातीय संगठन, फोनिज कोरिया र दुई वटा साहित्यिक संस्थाको संयुक्त आयोजनामा यहि २०८२ साउन २६ गते (अगष्ट १०, २०२५), आइतवार विहान ११ बजेदेखि सउलको दोम्योअप स्टेशन (लाइन नं. १), गेट नं. ३ नजिकैको कार्यक्रमस्थलमा आयोजना गरिने भएको हो।  ‘‘प्राकृतिक श्रोत, जल, जमिन र जंगलमाथि आदिवासी जनजातिको अधिकार सुनिश्चित गर !युनिस्को र आइएलओ १६९ सम्बन्धी सर्बोच्च अदालतको निर्देशनात्मक आदेश कार्यान्वयन गर ! भन्ने मूल सन्देश बोकेको यो महोत्सव प्रवासमा बसेका नेपालीहरूलाई आफ्नो संस्कृति, पहिचान र मौलिकतासँग जोड्ने प्रयास हो। यस्तै, युनिस्को र आइएलओ १६९ अन्तर्गत सर्...

मिर्याङ नेपाली समाजद्वारा आठौं जेजु भ्रमण कार्यक्रम घोषणा दक्षिण कोरियामा कार्यरत नेपाली समुदायबीच आपसी मेलमिलाप, सामाजिक एकता तथा रमाइलो यात्राको अनुभव सँगाल्ने उद्देश्यका साथ मिर्याङ नेपाली समाजले यो वर्ष पनि अक्टोबर ५-७ मा आठौं जेजु भ्रमण कार्यक्रम’ घोषणा गरेको छ। “ग्रामिण शिक्षामा सहयोगार्थ” भन्ने मुल नारासहित आयोजना हुन लागेको यस भ्रमण कार्यक्रम कोरियाली चाड छुसकको अवसरमा **अक्टोबर ५ देखि ७ (३ दिने)**सम्म रहने आयोजकले जनाएको छ ।    सन् २०१६ बाट सुरु गरिएको यो कार्यक्रमले कोरियाभर छरिएर रहेका नेपालीहरूलाई एकै ठाउँमा ल्याउने, भाइचारा सुदृढ गर्ने, र सामाजिक सेवामा टेवा पुर्याउने लक्ष्य राख्दै आएको छ। कोरोना महामारीका कारण २०२१ र २०२२ मा स्थगित गरिएको भए पनि अन्य सबै वर्षहरूमा यो यात्रा निरन्तर आयोजना हुँदै आएको छ। मिर्याङ नेपाली समाजका अनुसार, यस वर्षको भ्रमण कार्यक्रम विगतको...

ह्वासङ्ग, दक्षिण कोरिया :दक्षिण कोरियाको ख्याङ्ग्गिदो प्रान्तको ह्वासङ्गमा रहेको एक प्लास्टिक उत्पादन कम्पनीमा कार्यरत नेपाली एक तामाङको मेसिनमा च्यापिएर ज्यान गएको दुःखद घटना सार्वजनिक भएको छ। तामाङ लमजुङ जिल्लाका स्थायी बासिन्दा थिए र रोजगारीको सिलसिलामा दक्षिण कोरियामा कार्यरत थिए। प्रत्यक्षदर्शीका अनुसार, तामाङ कम्पनीमा नियमित सिफ्टमा कार्यरत रहँदा मेशिन चलाउने क्रममा आकस्मिक रुपमा मेसिनमा च्यापिएर गम्भीर घाइते भएका थिए। उद्धार टोलीले तत्काल उद्धार प्रयास गरे तापनि घटनास्थलमै उनको मृत्यु भएको पुष्टि भएको हो। यो घटनाले कोरियामा कार्यरत नेपाली श्रमिकहरूको श्रम सुरक्षा र सचेतनाको अवस्था प्रति गम्भीर प्रश्न उठाएको छ। उद्योगहरूमा आवश्यक सुरक्षा उपकरण, प्राविधिक प्रशिक्षण र निगरानीको अभावले यस्ता दुर्घटना भइरहेका छन् भन्ने श्रमिकहरूको गुनासो छ। गैरआवासीय नेपाली समाज (NRNA) कोरिया...

यही साउन २६ गतेदेखि ईपीएस भाषा परीक्षाका लागि आवेदन खुला हुने भएको छ। दक्षिण कोरियाको मानव संसाधन विकास सेवाले आज वेबसाइटमार्फत उक्त जानकारी दिएको हो। साउन २६ गतेदेखि साउन ३१ गतेसम्म आवेदन दिन सकिने छ। कुन कुन क्षेत्रमा खुल्ने र कोटा कति हुने भन्ने जानकारी आइसकेको छैन। यसबारे ईपीएस कोरिया शाखाले सूचना प्रकाशन गर्न बाँकी छ।   दक्षिण कोरियाको रोजगार अनुमति प्रणाली (ईपीएस)मार्फत कामदार लैजान कोरियाली सरकारले नेपाल सरकारसँग सन् २००७ मा एमओयू गरेको थियो। त्यसअन्तर्गत सन् २००८ बाट कामदार लैजान सुरु गरिएको थियो।...

बहुसांस्कृतिक आप्रवासी सहयोग केन्द्र र मङ्गेना इन्टरटेनमेन्टबीच समझदारीपत्र (MOU) मा हस्ताक्षर कोरियामा रहेको नेपाली समुदाय र बहुसांस्कृतिक परिवारहरूबीच सांस्कृतिक सद्भाव, आदानप्रदान र सहअस्तित्वलाई प्रवर्द्धन गर्ने लक्ष्यका साथ, बहुसांस्कृतिक आप्रवासी सहयोग केन्द्र (센터장 박상수) र मङ्गेना इन्टरटेनमेन्ट बीच ऐतिहासिक कार्यसम्झौता (MOU) मा हस्ताक्षर सम्पन्न भएको छ। सम्झौताअनुसार दुवै पक्षले संयुक्त रूपमा ‘नेपाली सामुदायिक सद्भाव सांस्कृतिक महोत्सव’ आयोजना गर्ने र महोत्सवलाई दीगो बनाउँदै लैजाने प्रतिबद्धता व्यक्त गरेका छन्। यो सम्झौताले महोत्सवको योजना, तयारी र कार्यान्वयनको लागि एक सहयोगी प्रणाली स्थापना गर्ने लक्ष्य राखेको छ, पारस्परिक सहयोग र बलियो सञ्जालहरूमा निर्माण गर्दै दुई संस्थाहरूले महोत्सव सामग्री विकास, बजेट तयारी, सामुदायिक संलग्नता, र दिगो सञ्चालन प्रणाली स्थापनामा सहकार्य...

खोऱ्यङमा श्रमिक सचेतना तथा राहदानी नवीकरण (E-Passport Renewal) सेवा — २०२५ अगष्ट १० मा हुँदै कोरिया स्थित खोऱ्यङ क्षेत्रमा कार्यरत नेपालीहरूका लागि खुसीको खबर आएको छ। नेपाली राजदूतावासको आयोजनामा र खोऱ्यङ नेपाली समाजको व्यवस्थापनमा, आउँदो २०२५ अगष्ट १० तारिख आइतबार को दिन श्रमिक सचेतना तथा राहदानी नवीकरण (E-Passport Renewal) सम्बन्धी घुम्ती सेवा सञ्चालन हुने भएको छ। यो विशेष कार्यक्रम बिहान ७ बजे देखि 경산시 하양읍 하양로 50, 2층 (금락리 ११६-२७२) (BURGER KING र HAIR BY BOOM रहेको भवनको दोस्रो तला) मा हुने आयोजकले जनाएको छ। यस घुम्ती सेवाको लागि नाम टिपाइसकेका सेवाग्राहीहरूको अन्तिम सूची सार्वजनिक गरिएको छ। सूचीमा समावेश सबैलाई भोली शुक्रबारदेखि (अगष्ट १, ४, ५) भित्र ई-पासपोर्टको अनलाइन फारम अनिवार्य रूपमा भर्नु अनुरोध गरिएको छ। फारम नभरेमा राहदानी बनाउने प्रक्रिया अघि बढ्न सक्दैन। 📱 अनलाइ...

गैर-आवासीय नेपाली संघ (NRNA) कोरियाको विवाद झनै चुलिँदै गएको छ। हालै सामाजिक सञ्जाल फेसबुक म्यासेन्जरमार्फत भएको एक संवाद सार्वजनिक भएपछि सनसनी फैलिएको छ। उक्त संवादमा केन्द्रमा महेश श्रेष्ठ अध्यक्ष रहेको NRNA कोरियाका अध्यक्ष बिपिन कुमार गुरुङले युगल थेगिमलाई सिधै धम्की दिएको देखिन्छ। केही दिनअघि सामाजिक सन्जाल फेसबुकको कमेन्टमा युगलले बिपिन कुमार गुरुङको 𝗡𝗥𝗡𝗔 लाई बैधानिक NRNA भन्न नमिल्ने चुनाव हारेर नयाँ NRNA खोली अध्यक्ष भको भन्ने जस्ता आरोप लगाएका थिए ।   सोही कुरा बाट चिडिएर गुरुङले थेगिमलाई धम्किपूर्ण सन्देश दिएको पाइएको छ। के थियो धम्कीपूर्ण सन्देशमा? बिपिन गुरुङले थेगिमलाई पठाएको म्यासेजमा लेखिएको छ: “NRNA भन्ने के हो तिमीलाई थाहा छ? असल NRNA अभियानमा को हो कता के हो भन्ने कुरा बुझेरै लेख्नू गर। युगल भाइ जीत हारको कुरा मात्र थाहा छ। तिमीलाई एकता महाधिवेशनबाट अभियान्ता शेष...

कोरियाको नेपालस्थित राजदूत पार्क ताए-यङ (박태영) ले मंगलबार नेपाल राष्ट्र बैंकका गभर्नर बिश्व नाथ पौडेलसँग भेटवार्ता गर्दै दुई देशबीचको वित्तीय तथा मौद्रिक क्षेत्रको सहकार्यलाई अझ मजबुत बनाउने विषयमा विस्तृत छलफल गरेका छन्। भेटका क्रममा दुबै पक्षले कोरियन सेन्ट्रल बैंक (Bank of Korea) र नेपाल राष्ट्र बैंक बीच हालसम्म कायम रहेको सहकार्यलाई सकारात्मक रुपमा मूल्यांकन गरे, र यो सम्बन्धलाई आगामी दिनहरूमा थप प्रगाढ बनाउने प्रतिबद्धता व्यक्त गरेका हुन्। कोरियाली केन्द्रीय बैंकले विकासोन्मुख राष्ट्रहरूका केन्द्रीय बैंकसँग “Knowledge Partnership Program (KPP)” मार्फत अनुभव तथा नीतिगत सल्लाह प्रदान गर्दै आएको छ। यस कार्यक्रम अन्तर्गत केन्द्रीय बैंक सम्बन्धी विशेष ज्ञान, वित्तीय प्रणालीको विकास अनुभव र प्रविधिमार्फत नेपाल जस्ता देशहरूसँग निरन्तर सहयोग हुँदै आएको छ। प्रत्येक वर्ष कोरियाली केन्द्...

बुद्दी गुरुङ अध्यक्ष रहेको गैर-आवासीय नेपाली संघ (NRNA) दक्षिण कोरियाको नवौं कार्यसमितिबाट भएको करिब ₩१० करोड कोरियन वन खर्चको विषयमा बिपिन गुरुङ् अध्यक्ष रहेको (NRNA) दक्षिण कोरियाको महासचिव अजय सोडारिले गम्भीर प्रश्न उठाउँदै तीव्र प्रतिक्रिया दिएका छन्। उनले यस्तो खर्चलाई “प्रक्रियागत भ्रष्टाचार” को संज्ञा दिँदै यसले संघको उद्देश्य, मर्यादा र पारदर्शितामाथि गम्भीर आघात पुर्याएको दाबी गर्दै सामाजिक सन्जालमा लेखेका छन। संघ समाजको लागि हो, कुनै व्यक्तिको प्रयोगशाला होइन। श्रमिकको पसिनाबाट बनेको कोषमा यस्तो लापरबाही र मनोमानी व्यवहार अपमानजनक छ सोडारिले भनेका छन। गैर-नाफामूलक, स्वतन्त्र र गैर-राजनीतिक संस्था भएको एनआरएनएको मूल भावना सम्झाउँदै सोडारिले प्रश्न उठाउदै भनेका छन "नवौं कार्यसमितिले समाजको समृद्धि, नीति सुधार वा संस्थागत विकासका क्षेत्रमा के गर्‍यो? त्यो जिम्मेवारीबाट तिनले प...