Breaking news 1

दक्षिण कोरियाका श्रम तथा रोजगार मन्त्री किम यङ-हुनले विदेशी कामदारमाथि सम्मानजनक व्यवहार गर्न स्पष्ट निर्देशन दिएका छन्। अगस्ट ८ मा उत्तर जिओल्ला प्रान्तको वान्जु–गुनस्थित एक कृषि फार्म निरीक्षण गर्दै उनले, “‘야’, ‘야이’ वा ‘너’ जस्ता अपमानजनक सम्बोधन नगरी उनीहरूको नाम लिएर बोलाउनुस्” भन्ने आग्रह गरे। हालै विदेशी कामदारमाथि दुव्र्यवहार, विभेद र मानव अधिकार उल्लङ्घनका घटनाहरू बढ्दै गएको पृष्ठभूमिमा मन्त्रीको यो अभिव्यक्ति आएको हो। निरीक्षणका क्रममा मन्त्री किमले कामदारहरूको बासस्थानमा जाडो–गरमी नियन्त्रण सुविधा, गर्मी लहरका पाँच आधारभूत सुरक्षा नियमको पालना, र कार्यस्थलको अवस्था समेत अनुगमन गरे। साथै उनले “नाम लिएर बोलाउने अभियान” सुरु गर्ने घोषणा गरे। रोजगारी अनुमति प्रणाली (Employment Permit System) अन्तर्गतका सबै कामदारलाई कोरियन भाषामा नाम लेखिएको नेम ट्याग वितरण गर्ने ...

विशाल आवाज : प्रवासी भूमिमा रहेका नेपालीहरूको सांस्कृतिक पहिचानलाई बचाइराख्ने उद्देश्यसहित, बागलुङ समाज दक्षिण कोरिया (थेगु शाखा)ले यही अगस्ट २४, २०२५ आइतबारको दिन विशेष तीज कार्यक्रम आयोजना गर्न लागेको छ। “हरितालिका तीज विशेष – २०२५” शीर्षकमा आयोजना हुने “नाच्छ कोरिया” कार्यक्रम कोरियाको थेगुस्थित 동구 동촌로 28 (구, 르네상스) मा दिउँसो ११ बजेदेखि साँझ ६ बजेसम्म हुनेछ। कार्यक्रममा तीजका पारम्परिक भाकाहरू, लोकनृत्य तथा स्वदेशी स्वादका परिकारहरू प्रस्तुत गरिने आयोजकले जानकारी दिएको छ। गीत संगीतको बहारमा रमाउँदै मौलिक संस्कृतिको संरक्षण र प्रवर्द्धन गर्न बागलुङ समाजले प्रवासमा बसोबास गरिरहेका नेपालीहरूलाई सुसंस्कृत तवरले एक ठाउँमा जोड्ने प्रयासस्वरूप यो कार्यक्रम आयोजना गरिएको हो। कार्यक्रममा लोकप्रिय गायिका रितु थापा मगर, उमा श्रेष्ठ, जितनभाई श्रीस मगर, मिना छन्त्याल, गायक टिका पौडेल, सोम प्रका...

विपिन कुमार गुरुङ अध्यक्ष रहेको गैर आवासीय नेपाली संघ राष्ट्रिय समन्वय परिषद् (NRNA-NCC) दक्षिण कोरियाले पहिलोपटक नेपाली श्रमिक र विद्यार्थीका लागि ‘हेल्प डेस्क’ सञ्चालनमा ल्याउने भएको छ। विपिन कुमार गुरुङको नेतृत्वमा निर्वाचित एनआरएनए दक्षिण कोरियाको नयाँ कार्यसमितिले निर्वाचनको चार महिनाभित्रै यो सामाजिक कार्यको सुरुवात गर्न लागेको हो। हेल्प डेस्कको औपचारिक उद्घाटन कार्यक्रम आउँदो अगस्ट १७ आइतबार, सउलको दोङदेमुनमा दिउँसो ४ बजेदेखि ५ बजेसम्म हुनेछ। त्यसपछि उक्त डेस्कले नियमित सेवा दिन थाल्नेछ।हाल दक्षिण कोरियामा नेपाली श्रमिक तथा विद्यार्थीहरूको संख्या तीव्र रूपमा बढ्दो छ। उनीहरूले कामको थलो, अध्यापन, स्वास्थ्य, भिसा, कानुनी समस्या लगायतका विभिन्न जटिलता भोग्नुपरेको छ। ती समस्या समाधान गर्न संस्थागत र समन्वित रूपमा यो हेल्प डेस्क सञ्चालनमा ल्याउन लागिएको हो। यस अभियानमार्फत ए...

कोरियन फुटबलका गौरव, सोन हुङ-मिन, अब इंग्लिस मैदानको इतिहास भुल्दै अमेरिकी मैदानमा नयाँ इतिहास रच्न अघि बढेका छन्। उनले झन्डै १० वर्षको टोटनह्याम यात्रालाई विदा गर्दै अमेरिकी क्लब LAFC (लस एञ्जेलस एफसी) मा नयाँ अध्याय सुरु गरेका हुन्। दुबै क्लबले उनलाई पूर्ण स्थानान्तरण भएको पुष्टि गरिसकेका छन्। अब उनी MLS (Major League Soccer) को चम्किलो अनुहार बन्ने पक्का जस्तै देखिएको छ। एलएएफसीले उनलाई किन्न २० मिलियन पाउन्डभन्दा बढी तिरेको छ। यो मेजर लिग सॉकर (एमएलएस)को अहिलेसम्मकै महँगो स्थानान्तरण हो। ३३ वर्षीय सनले भने, ‘एलए पहिलो रोजाइ थिएन। तर एलएएफसीका अध्यक्षसँगको कुराकानीले मेरो मन परिवर्तन गर्‍यो। म यहाँ ट्रफी जित्न आएको हुँ।’ सनले टोटनह्यामका लागि १० वर्षमा १७३ गोल गरेका थिए। उनी क्लबका पूर्वसाथी ह्युगो लोरिससँग एलएएफसीमा पुनः एकत्रित भएका छन्। टोटनह्यामका अध्यक्ष ड्यानियल लेभीले...

दक्षिण कोरियाले रोजगार अनुमति प्रणाली (EPS) लागू गरेको २१ वर्ष पुगेको अवसरमा एक विशेष कार्यक्रम आयोजना गरेको छ। कार्यक्रममा कोरियाका श्रममन्त्री किम यङ-हुन ले विदेशी श्रमिकहरूप्रति गहिरो सम्मान व्यक्त गर्दै, उनीहरूलाई गरिँदै आएको विभेद र अमानवीय व्यवहार सह्य नहुने स्पष्ट सन्देश दिएका छन्। श्रममन्त्री किमले सम्मेलनमा भने, “हामी विविधता र समानतालाई सम्मान गर्छौं। न्यायपूर्ण, सुरक्षित र सबैका लागि उपयुक्त कार्य वातावरण निर्माण हाम्रो प्राथमिकता हो।” यो अभिव्यक्ति हालै सार्वजनिक भएको एक भिडियोपछि आएको हो, जहाँ एक श्रीलंकन श्रमिकलाई प्लास्टिकले बाँधेर फोर्कलिफ्टबाट उठाइएको दृश्यले कोरियाभित्रै ठूलो मानवअधिकार बहस जन्माएको थियो। राष्ट्रपतिले समेत त्यस घटनाको आलोचना गर्दै तत्काल सुधारको माग गरेका थिए। EPS अन्तर्गत १० लाखभन्दा बढी श्रमिक सन् २००४ मा सुरु गरिएको EPS कार्यक्रममार्फत ...

दक्षिण कोरियामा एक जना 택배 चालक (कुरियर ड्राइभर) को मासिक आम्दानी ८० लाखदेखि १ करोड वोनसम्म पुगेको समाचारले सबैलाई चकित बनाएको छ। १२ वर्षदेखि CJ대한통운 मा कार्यरत A씨 नाम गरेका ती चालक अहिले हप्तामा ६२ घण्टा काम गर्छन्। तर यो सामान्य मेहनत होइन —उनले डेलिभरीसँगै सामान संकलन पनि गर्छन्। अनि त्यही मेहेनतले उनलाई महिनाको औसत ९३ लाख वोन कमाइको स्तरमा पुर्‍याएको छ। अझ अचम्म त के भने — खर्चपानी कटाएर पनि उनले ९० लाख वोनजति घर लैजाने गरेको बताइएको छ। यो सब त्यत्तिकै भएन। सुरुमा व्यवसायमा असफल भएका उनी, जीवनलाई नयाँ मोड दिन ‘कुरियर’ बने। अनि एक वर्षमै आफ्नै निजी गाडी किनेर काम गर्न थालेपछि त कमाइ झनै चुलिएको हो। सामान्य कामजस्तो देखिए पनि यो कथा बुझाउँछ — कोरियामा अवसर छ, तर त्यसलाई च्याप्न सक्ने आँट र अक्कल चाहिन्छ।...

बिशाल आवाज: नेपाल र दक्षिण कोरियाबीचको सम्बन्धलाई अझ मजबुत बनाउने उद्देश्यले नेपाली कांग्रेसका युवा नेता भुपेन्द्र जंग शाहीले दक्षिण कोरियाको संसद भवनमा Democratic Party of Korea का सांसद Hon. Lee Yong-sun सँग विशेष भेटवार्ता सम्पन्न गरेका छन्। उक्त भेटवार्तामा दुई देशबीचको मैत्री सम्बन्ध, दक्षिण कोरियाको विकास मोडल र त्यसबाट नेपालले सिक्न सक्ने प्रविधि र अनुभव, साथै कोरियामा रहेका नेपालीहरूको समस्यामा सहकार्य लगायतका विषयमा गहन छलफल भएको हो। भेटघाटका क्रममा नेता शाहीले कोरियामा रहेका नेपाली विद्यार्थीहरूको शैक्षिक यात्रा सहज बनाउनका लागि आवश्यक सहजीकरण, नेपाली नागरिकहरूको भिसा प्रक्रियामा सिउलस्थित कोरियन दूतावासबाट हुने जटिलताको समाधान, र नेपाली पर्यटन प्रवर्द्धनमा कोरियाको सहयोग लगायतका विषयमा सांसद ली समक्ष विशेष अनुरोध गरेका थिए। सांसद Hon. Lee Yong-sun ले नेपाली समुदायको योगदा...

बिशाल आवाज –पछिल्लो समय दक्षिण कोरियामा रोजगारी, अध्ययन वा व्यवसायका लागि बसोबास गरिरहेका नेपालीहरू पछिल्लो समय बैंक खाता खोल्नदेखि पैसाको कारोबारसम्ममा असहज स्थिति भोगिरहेका छन्। यसको प्रमुख कारण हो — नेपालको FATF ग्रे लिस्टमा परेको अवस्था।FATF (Financial Action Task Force) एक अन्तर्राष्ट्रिय संस्था हो, जसले मनी लाउन्डरिङ र आतंकवादको वित्तीय स्रोत नियन्त्रण गर्न नीति निर्माण गर्दछ। नेपाल सन् २०२४ मा ग्रे लिस्टमा परेपछि यसको असर विदेशमा रहेका लाखौं नेपालीहरूमा प्रत्यक्ष परेको छ। विशेषगरी कोरियामा जहाँ बैंकहरूले अब नेपाली नागरिकहरूप्रति धेरै नै कडाइ गर्न थालेका छन्। खाता खोल्नका लागि सामान्य पासपोर्ट वा ID मात्र होइन, अब त तलब पर्ची, कामको कागजात, कर विवरणजस्ता धेरै प्रमाणहरू मागिन थालिएको छ। कतिपयले पैसा पठाउन खोज्दा ‘मूल देश उच्च जोखिममा परेको’ भन्दै रोकिने समस्या भोगेका छन्। कोही त यत...

बिशाल आवाज: कोरियामा रहेका नेपाली युवाहरूका लागि अब खेल र मनोरञ्जन मात्रै होइन, दिमागी कसरत गर्ने अवसर पनि आउने भएको छ। GKS Korea ले आगामी अगस्ट ३१ का दिन किम्हेमा प्रथम बुद्धिचाल (Chess) प्रतियोगिता गर्ने भएको छ।  “प्रवासमा नेपाली भाईचारा र बौद्धिक विकासमा पहल” भन्ने नारासहित अगस्ट ३१ का दिन 𝗚𝗞𝗦 𝗞𝗢𝗥𝗘𝗔 को आफ्नै सभाहलमा आयोजना गरिन लागेको यो प्रतियोगिता, नेपाली समुदायबीच बौद्धिक चेतना, मानसिक सन्तुलन र सकारात्मक सोच फैलाउने उद्देश्यले ल्याइएको आयोजकले बताएका छन्।  हाल कोरियामा बसोबास गरिरहेका नेपालीहरूबीच मानसिक तनावका कारण केही दुर्घटनात्मक घटनाहरू बढेको सन्दर्भमा, GKS ले फरक सोचसहित बौद्धिक खेलको माध्यमबाट समाधान खोज्ने प्रयास थालेको हो। पछिल्लो समय कोरियामा नेपालीहरूबीच मानसिक तनावका कारण बढिरहेका अप्रिय घटनाहरूप्रति गहिरो चिन्ता राख्दै, GKS ले यसपटक खेलभन्दा फरक तर गहिरो अर्थ बोके...

राप्ती क्षेत्रका नेपालीहरूद्वारा स्थापित राप्ती समाज दक्षिण कोरिया ले आफ्नो स्थापनाको २० औं वार्षिकोत्सवको अवसर पारेर यही अगष्ट १० तारिख सौलमा “राप्ती स्मारिका–२०८२” विमोचन कार्यक्रमको आयोजना गर्ने भएको छ। सउलस्थित दोङ्देमुनको नेपाल थाई रेष्टुरेन्ट को सभा हलमा दिउँसो १२ बजेबाट सुरु हुने उक्त कार्यक्रम दक्षिण कोरियामा रहनु भएका नेपाली समुदायका लागि विशेष अवसरका रूपमा हेरिएको छ। संस्थाका अध्यक्ष अमृत केसी का अनुसार, प्रवासमा रहँदा पनि आफ्नो जरा र इतिहासप्रति गर्व गर्न सकियोस् भन्ने उद्देश्यले स्मारिका प्रकाशन गरिएको बताएका छन। संस्थाको विकासक्रम, गतिविधिहरू, र राप्ती क्षेत्रको गौरवमय विरासतलाई दस्तावेजिकरण गर्ने प्रयास स्वरूप स्मारिका तयार पारिएको उनले जानकारी दिए। स्मारिकामा प्रवासमा रहेका नेपालीहरूको योगदान, संस्थाको गतिविधि, राप्ती क्षेत्रको ऐतिहासिक र सांस्कृतिक पक्षहरू तथा विभिन्न सन...