Breaking news 1

विशाल आवाज: कोरियनहरूको नयाँ वर्ष सलनालको  अवसर पारि जनवरी २९ तारिख सउलमा फिटनेस नेपालले  सुरेश लामा र भ्योमाको साथमा   नेपहप डान्स पार्टी आयोजना गर्नेभएको छ।  दक्षिण कोरियामा विभिन्न कार्यक्रमहरु आयोजना गर्दै आइरहेको "फिटनेस नेपाल"ले यसपाली कोरियन नयाँ वर्ष सलनालको अबसरमा  सउल‌ स्थित 서울시 동대문구 청호대로 69길12,302.304 호 88 콜라텍 मा नेपहप डान्स पार्टी गर्ने भएको हो। जनवरी २९ तारिख बुधबार का दिन राति ८ बजेदेखि बिहान ५ बजेसम्म नेपाली युवा पुस्तामाझ लोकप्रिय गायक सुरेश लामा र र्याप विधामा आफ्नो छुट्टै पहिचान बनाउन सफल र्यापर भ्योमाको साथमा हुने नेपहप डान्स पार्टीको होस्ट भने गायत्री थापाले गर्नेछिन्। नेपालबाट आमन्त्रित कलाकारहरूको साथमा  डिजे छिरिङ र नया दृश्य लाइभ ब्यान्डको प्रस्तुति रहने  नेपहप डान्स पार्टीको प्रवेश शुल्क ३० हजार कोरियन वन तोकिएको छ। युवा पुस्ताको र्‍याप गीतप्रतिको बढ्...

कास्की जिल्ला अदालतले रास्वपाका सभापति रवि लामिछानेलाई ६५ लाख धरौटीमा छाड्न आदेश दिएपनि उनी तत्काल नछुट्टे अवस्था रहेको छ । रविविरुद्ध यसअघि नै थप जिल्लामा पक्राउ पुर्जी जारी भएको छ । जसकारण कास्कीमा धरौटी बुझाएर पनि उनी नछुट्ने देखिएको हो । यस्तै काठमाडौँ जिल्ला अदालतमा रविविरुद्ध मुद्दा अभियोजन भइसकेको छ । कास्कीको थुनछेक प्रक्रिया सकिएकाले अब उनलाई काठमाडौँ ल्याउने तयारी छ ।   यस्तै रविलाई पक्राउ गरेर आवश्यक सहयोग गरिदिन रुपन्देही, पर्सा र चितवन प्रहरीले पनि यसअघि नै कास्की प्रहरीलाई पत्राचार गरिसकेको छ ।  यसकारण सबै स्थानमा मुद्दाको थुनछेक आदेश नहुँदासम्म उनलाई छुट्न सहज नदेखिएको हो ।  कास्की प्रहरीका एसपी श्यामबाबु ओलीयाले लामिछाने धरौटी बुझाएर रिहा भएपछि काठमाडौँ पठाइने बताए ।...

E-9 भिषामा कार्यरत भएकाले आफ्ना अभिभावकलाई दक्षिण कोरिया लैजाने सुवर्ण अवसर आएको छ ।  ख्यङसाङनाम्दोमा बसोबास गर्दै आउनु भएका E-9 भिषा बाहकले आफ्ना अभिभावकहरुलाई कोरिया भ्रमण गराउन चाहनुहुन्छ भने यो अबसर MAMF आयोजकले पूरा गरिदिने भएको छ ।  경상남도 도청 बाट आवश्यक सम्पुर्ण काग़जी प्रकृयाहरु पूरा गरिदिने संस्थामा कार्यरत नेपाली योगीता गौतमले सामाजिक सन्जालमा पोष्ट गर्दै जानकारी दिनुभएको छ । उहाले सन्जालमा बताउनुभएअनुसारः MAMF महोत्सव आयोजना हुँदै आएको लामो समयपछि, धेरै E9 भिसा भएका दाजुभाइ दिदीबहिनीहरूले आफ्ना आमाबाबुलाई कोरियामा आमन्त्रित गर्न चाहेको प्रस्ताव गरेपछि, महोत्सव आयोजकले यस वर्षको लागि विशेष योजना बनाएको छ। अब E9 भिसा पहिलो प्राथमिकता र अन्य भिसा भएकाहरूका ६०-७० वर्ष उमेरका (१९५५-१९६४ जन्मेका) अभिभावकलाई ग्योङनाम प्रान्त भ्रमण र महोत्सवमा सहभागी गराउने योजना छ। ...

गणतन्त्र कोरियाका कार्यवाहक राष्ट्रपति चोइ साङ मोकसमक्ष नेपालका राजदूत डा शिवमाया तुम्बाहाम्फेले आफ्नो ओहदाको प्रमाणपत्र प्रस्तुत गरेकी छन् । मङ्गलबार सियोलमा आयोजित एक समारोहमा उनले आफ्नो ओहदाको प्रमाणपत्र प्रस्तुत गरेकी हुन् । प्रमाणपत्र पेस गरेपछि राजदूत तुम्बाहाम्फेले कार्यवाहक राष्ट्रपति चोईसँग शिष्टाचार भेट गरेकी सिओलस्थित नेपाली राजदूतावासले आज जनाएको छ । त्यस अवसरमा उनले नेपाल र कोरियाबीच कूटनीतिक सम्बन्ध स्थापना भएको ५० वर्ष पुगेको सन्दर्भमा द्विपक्षीय सम्बन्धलाई अझ सुदृढ बनाउन उच्चस्तरीय भ्रमण आदानप्रदानको महत्वपूर्ण हुने बताउँदै आगामी मेसम्ममा त्यस्ता भ्रमणका निम्ति सहजीकरण गर्न दूतावासलाई अवसर मिल्ने विश्वास व्यक्त गरिन् । आफ्नो कार्यकालमा दुई देशबिचको सम्बन्धलाई सुदृढ बनाउन इमान्दार भएर लाग्ने प्रतिबद्धता व्यक्त गर्दै राजदूत तुम्बाहाम्फेले गणतन्त्र कोरियामा रहेका एक ...

  युवाहरूले दक्षिण कोरिया जान नपाएको भन्दै ललितपुर ग्वार्कोस्थित रोजगार अनुमति प्रणाली (इपिएस) कार्यालय घेराउ गरेका छन्। सोमबार उनीहरूले कार्यालय घेराउ गरेका हुन्। भिसा लागेर पनि टिकट अभावमा कोरिया जान नपाएको तथा भाषा उत्तीर्ण गरेको लामो समय भइसक्दा पनि कोरिया जान नपाएको लगायत गुनासो लिएर उनीहरू इपिएस कार्यालय घेराउ गर्न पुगेका हुन्।  कार्यालय अगाडि भेटिएका इपिएस पासर प्रकाश शर्माले भिसा अवधि सकिन लागिसक्दा पनि टिकटको टुंगो नलागेकाले आफूहरू बाध्य भएर कार्यालयलाई घच्घच्याउन आएको बताए। 'मैले २०२४ मा उत्पादनमूलक क्षेत्र तर्फ भाषा परीक्षा पास गरेको हुँ। २०२४ सेप्टेम्बरमा इस्यु भएर अक्टोबरमा सिसिबिआई आइसकेको छ। भिसा लागेको पनि तीन महिना बित्न लागिसक्यो तर टिकटको टुंगो लागेको छैन,' उनले भने।  एक पटकमा २५ देखि ३० जनाको मात्रै टिकट भइरहेको भिसा अवधि सकिन लागेका १५ सयभन्दा ब...

बिशाल आवाज:गुल्मी सम्पर्क समिती दक्षिण कोरियाले कोरियन नयाँ वर्ष सलनालको अवसर पारि जनवरी २८ तारिख  सौलमा “नयाँ वर्ष सांस्कृतिक साँझ तथा रात्रीभोज कार्यक्रम २०२५” आयोजना गर्ने भएको छ ।   “प्रवासमा गुल्मेली एकता, एक आपसमा सहयोगको आजको आवश्यकता” भन्ने मुल नाराका साथ कला संस्कृतिको जगेर्ना साथै आपतकालीन राहतकोषअभिवृद्धि सहयोगार्थ दक्षिण कोरियामा सक्रिय गुल्मी सम्पर्क समिती दक्षिण कोरियाले जनवरी २८ तारिख मङ्गलबारका दिन साझ  ६ बजेदेखि 서울시 종로구 종로 63-8(2층파노라마) 종각역 7번 출구 स्थित होटेल फानोरामाको हलमा “नयाँ वर्ष सांस्कृतिक साँझ तथा रात्रीभोज कार्यक्रम २०२५”। १४ प्रकारको बुफे परिकार सहित अनलिमिटेड पेय पदार्थ रहने कार्यक्रममा उपस्थिति हुनका  लागि सहयोग स्वरूप ५० हजार कोरियन वन प्रवेश शुल्क तिर्नुपर्ने आयोजक संस्थाका अध्यक्ष जीवन न्यौपानेले विशाल आवाजलाई बताउनुभएको छ।  लुम्बिनी प्रदेश समाज ...

विशाल आवाज: कोरियनहरूको नयाँ वर्ष सलनालको पावन अवसरमा किरात राई यायोक्खा खेलकुद विभाग द्वारा जनवरी २८ तारिखका दिन सुवनमा "प्रथम यायोक्खा पुरुष डबल ब्याडमिन्टन प्रतियोगिता २०२५” को आयोजना हुने भएको छ। किरात राई यायोक्खा खेलकुद विभाग द्वारा प्रवासमा नेपालीहरू बीच सद्भाव एकता।खेलकुद स्वास्थ्य जीवनको आवश्यकता भन्ने मुल नाराका साथ जनवरी २८ तारिख मङ्गलबारका दिन सुवन स्थित 수원시 권선구 이북동 796-16 मा "प्रथम यायोक्खा पुरुष डबल ब्याडमिन्टन प्रिमियर लिग २०२५” आयोजना हुन लागेको हो। प्रतियोगितामा नेपाली खेलाडीहरूले A, B, र C गरि ३ श्रेणीहरूमा भाग लिन पाउनेछन् भने प्रत्येक श्रेणीका विजेता र उपविजेता हुने खेलाडीहरूले चार लाख र दुइ लाख ५० हजार कोरियन वन सहित ट्रफी, मेडल, र प्रमाणपत्र प्राप्त गर्नेछन् । यसैगरी तीनवटै श्रेणीमा तेस्रो हुने खेलाडीहरूले १ लाख ५० हजार कोरियन वन सहित मेडल र प्रमाणपत्र‌ प्राप्त...

दक्षिण कोरियाका अपदस्थ राष्ट्रपति यून सुक येओललाई समात्ने प्रयास स्थगित गरिएको छ । येओललाई पक्राउ गर्न भनेर गएका अनुसन्धाताहरूलाई ६ घन्टासम्म पनि येओलका सुरक्षा टोलीले भित्र छिर्न नदिएपछि उनीहरू रित्तो हात फर्किएका हुन् । उनलाई समात्न व्यवहारिक रूपमा सम्भव छैन भन्नेमा आफूहरू निश्चिन्त रहेको भ्रष्टाचार अनुसन्धान कार्यालय (सीआईओ)ले भनेको छ । डिसेम्बर ३ मा ६ घन्टा मार्शल लगाउने येओलको प्रयासमाथि सीआईओले छानबिन गरिरहेको छ । समीक्षा पछि अर्को कदम निर्धारण गरिने सीआईओले भनेको छ । येओलले कानुनी प्रक्रिया नमान्नु अति नै खेदजनक भएको पनि कार्यालयले बताएको छ । कयौँ दिन देखि येओलका समर्थकहरू उनको आवासबाहिर धर्ना दिएर बसिरहेका छन् । भुईँमा बसेर धर्ना दिइरहेकाहरूको सुरक्षालाई ध्यानमा राखेर अहिलेका लागि अपदस्थ राष्ट्रपतिलाई समात्ने प्रयास त्यागिएको पनि सीआईआले भनेको छ । येओललाई समात्नका लागि अन...

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले स्थानीय तहको उपनिर्वाचनमा आएको मतपरिणामबाट पूर्वी नेपालले माओवादीलाई पहिलो पार्टी बनाइसकेको उल्लेख गरेका छन् । पार्टी प्रवेश, बधाई तथा उदयपुर जिल्लाका नेता कार्यकर्ताहरूसँग बिहीबार पार्टी कार्यालय पेरिसडाँडामा भएको भेटमा उनले आगामी निर्वाचनका लागि यो महत्त्वपूर्ण संकेत भएको बताएका हुन् । यसपटकको उपनिर्वाचनमा कोशी प्रदेशमा जितेका स्थान र लोकप्रिय मत दुवै हिसाबले हाम्रो पार्टी पहिलो बनेको छ’, उनले भने, ‘वडा मात्रै होइन, यसपटक पहिले तेस्रो भएको स्थानमा गाउँपालिकामा नै अत्यधिक मतले विजयी हुनु निकै महत्त्वपूर्ण संकेत हो, अब पार्टीलाई एकताबद्ध बनाउँदै मेहनत गरेर जाने हो भने आगामी निर्वाचनमा देशभरि नै पहिलो पार्टी बन्ने आधार तयार भएको छ ।’ उदयपुरमा यसअघि हारेका दुई वटा वडामा अत्यधिक मतका साथ विजयी हुनु उल्लेख प्रगति भएको स्पष्...

  मंसिर महिनामा मात्रै वैदेशिक रोजगारका लागि विभिन्न मुलुक जान ८४ हजार दुई सय २६ जना युवाले श्रम स्वीकृति लिएका छन्। यो संख्या नयाँ तथा पुनःश्रम स्वीकृति लिनेहरूको हो। वैदेशिक रोजगार विभागको तथ्यांक अनुसार श्रम स्वीकृति लिनेमा ७५ हजार पाँच सयभन्दा धेरै पुरूष र आठ हजार ६ सयभन्दा धेरै महिला छन्। नयाँ श्रम स्वीकृति लिनेको संख्या ४२ हजारभन्दा धेरै छ। विभागको तथ्यांक हेर्दा सबैभन्दा धेरै संयुक्त अरब इमिरेट्स युएईका लागि सबैभन्दा धेरै युवाले श्रम स्वीकृति लिएका छन्। युएईका लागि २४ हजारभन्दा धेरैले श्रम स्वीकृति लिएका छन्। त्यसपछि साउदीका लागि १८ हजार, कतारका लागि १४ हजारभन्दा धेरै युवाले श्रम स्वीकृति लिएका छन्। केही समय मलेसियाले आप्रवासी श्रमिक लैजान कडाई गरेसँगै ठूलो संख्यामा नेपालीहरू युएईतर्फ गइरहेको म्यानपावर व्यवसायीहरूले बताएका छन्।  मंसिरमा मलेसियाका लाग...