विशाल श्रेष्ठ/दक्षिण कोरिया: कोरियन नयाँ वर्ष सलनालको अवसरमा खोटाङ सेवा समाज दक्षिण कोरियाद्वारा जनवरी २९ तारिख आयोजना हुन लागेको “खोटाङ हलेसी सांगीतिक सौगात भाग-५” मा SABIN RAI & PHAROH लगायतले माहोल तताउने पक्का भएको छ।
“खोटाङ हलेसी सांगीतिक सौगात भाग-५” मा उपस्थित हुने भनिएका पप स्टार गायक सविन राईको SABIN RAI & PHAROH लाइभ ब्याण्ड संगै नेपालका ख्याति प्राप्त राष्ट्रिय कलाकार हरु गायिका मिना राइ र युवा पुस्तामाझ लोकप्रिय गायक केहर सिङ लिम्बुको समेत भिसा लागिसकेको कारण कार्यक्रममा माहोल तताउने पक्का भएको हो।
कार्यक्रम नेपाली सम्पर्क समिति दक्षिण कोरियाको सहजीकरण र पूर्वी नेपाल समाज दक्षिण कोरियाको समन्वयमा सामाजिक कल्याणकारी सहयोगार्थ सलनालको दोस्रो दिन जनवरी २९ तारिख बुधबारका दिन दिउँसो १ बजेबाट सुरु हुने छ । यसैगरी कार्यक्रमको हल पनि पहिलेको स्थानबाट परिवर्तन भई मेट्रो लाइन नम्बर ६ को 동묘앞 बाट ३ स्टेसन अगाडि 안암 स्टेसनको exit नम्बर १ बाट Korea university तर्फ अगाडि रहेको 고려대학교 서울캠퍼스 화장 체육관 서울특별시 성북구 안암동 안암로 145 मा हुने आयोजकले जनाएको छ।
कार्यक्रम स्थल सम्म पुग्नको लागि दोङ्देमुन ३ नम्बर गेटबाट बसको समेत व्यवस्था गरिएको कार्यक्रममा नेपालबाट आमन्त्रित कलाकारहरू र स्थानीय कलाकारहरूको बेजोड प्रस्तुति रहने मिडिया विभागका न्युहाङ चाम्सले विशाल आवाजलाई बताएका छन्। दिउसो १ बजे बाट सुरु हुने कार्यक्रमको प्रवेश शुल्क ४० हजार वन रहेको छ।
“खोटाङ हलेसी सांगीतिक सौगात भाग-५”कार्यक्रम लाइ सफल पार्नको लागि विभिन्न समिति बनाएर हाल तिव्र रुपमा अघि बढिरहेको बताउँदै कार्यक्रमको तयारी अन्तिम चरणमा पुगेको हुनाले कार्यक्रमलाइ सफल पार्न आर्थिक,नैतिक र भौतिक रुपमा साथ सहयोग गरि कार्यक्रममा प्रत्यक्ष उपस्थिति भइ भब्य मनोरञ्जन लिनुहुन दक्षिण कोरियामा रहेका सम्पूर्ण नेपाली हरूमा आयोजकले अनुरोध समेत गरेको छ।
