Breaking news 1

दक्षिण कोरियाको छुङछन नाम्दो क्षेत्र अन्तर्गत ओन्याङ ओन्छनमा फेब्रुअरी १६ मा आयोजना हुन लागेको 3rd Chhungnam Cup Pool Tournament को सम्पूर्ण तयारी पूरा भएको आयोजकले जनाएको छ। छुङनाम युथ इन्टरटेनमेन्ट ग्रुपको आयोजनामा फेब्रुअरी १६, २०२६ मा हुने उक्त प्रतियोगिता कोरियन नयाँ वर्षको अवसर पारेर सञ्चालन गर्न लागिएको हो। प्रतियोगितामा सिनियर तथा जुनियर दुवै समूहका खेलाडीहरूले प्रतिस्पर्धा गर्नेछन्। पहिलो चरणका खेलहरू Best of Three तथा सेमिफाइनल र फाइनल चरणका खेलहरू Best of Five को आधारमा सञ्चालन गरिनेछ। 💰 आकर्षक पुरस्कार व्यवस्था • 🥇 प्रथम पुरस्कार: १६ लाख वन नगद, ट्रफी र प्रमाणपत्र • 🥈 उपविजेता: १० लाख वन नगद, ट्रफी र प्रमाणपत्र • 🥉 पहिलो र दोस्रो रनरअप: २–२ लाख वन सान्त्वना पुरस्कार प्रतियोगितामा सहभागिताका लागि प्रवेश शुल्क १ लाख वन तोकिएको छ। सहभागी सम्पूर्ण खेलाडीहरूका लागि लन्च ...

दक्षिण कोरियामा रहेका नवलपुरेलीहरूको साझा संस्था नवलपुर समाज दक्षिण कोरिया को आगामी अधिवेशन यही फेब्रुअरी १५ तारिखमा हुने भएको छ। अधिवेशनको तयारी तीव्र रूपमा अघि बढिरहेको आयोजक समितिले जनाएको छ। यसपटकको अधिवेशन विशेष रूपमा रोचक बन्ने देखिएको छ, किनकि अध्यक्ष पदका लागि पाँच जना सक्षम र सक्रिय व्यक्तित्वहरूले आफ्नो दाबेदारी प्रस्तुत गरेका छन्। अध्यक्ष पदका आकांक्षीहरूमा मनोज पंगेनी, किसान पौडेल, प्रकाश थापा, खेम पंगेनी र नारायण भुसाल रहेका छन्। उम्मेदवारहरू समाजका विभिन्न गतिविधिमा लामो समयदेखि सक्रिय रहँदै आएका व्यक्तित्व हुन्। उनीहरूले आफ्नो अनुभव, कार्ययोजना र प्रतिबद्धतासहित अध्यक्ष पदमा उम्मेदवारी घोषणा गरेपछि नवलपुरेली समुदायमा उत्साह र चासो थपिएको छ। समाजलाई अझ सशक्त, एकताबद्ध र क्रियाशील बनाउने प्रतिबद्धता सबै उम्मेदवारहरूले व्यक्त गरेका छन्। अधिवेशनमार्फत नयाँ नेतृत्व चयनसँ...

प्रवासी नेपाली मञ्च क्यानडाका पूर्व अध्यक्ष रमेश थापाले नेकपा (एमाले) परित्याग गरी राष्ट्रिय स्वतन्त्र पार्टी (रास्वपा) मा प्रवेश गरेका छन्। करिब १५ वर्षदेखि क्यानडामा बसोबास गर्दै आएका थापा नेपालमा त्रिभुवन विश्वविद्यालयमा अध्यापनरत थिए। उनी प्रवासी नेपाली मञ्च क्यानडाको करिब एक दशक अध्यक्षको जिम्मेवारीमा रहनुका साथै प्रवासी नेपाली मञ्च अन्तर्राष्ट्रिय कमिटीमा पनि लामो समय सक्रिय रहेका छन्। हाल उनी गैरआवासीय नेपाली संघ (एनआरएनए) का सल्लाहकार हुन् भने क्यानडाको प्रतिष्ठित ट्रेन्ट विश्वविद्यालयबाट पीएचडी अध्ययनरत छन्। करिब तीन दशकसम्म नेकपा (एमाले) मा सक्रिय भूमिका निर्वाह गर्दै आएका थापाले सामाजिक सञ्जालमार्फत ‘मैले एमाले किन छाडेँ ?’ शीर्षकमा आफ्नो निर्णय सार्वजनिक गर्दै अब राष्ट्रिय स्वतन्त्र पार्टीमा रहेर काम गर्ने घोषणा गरेका हुन्। उनले एमालेले आफ्नै घोषित सिद्धान्त र व्यवहारबीच आवश...

थाइल्यान्डको चुनावमा रोचक नतिजा आएको छ । सामाजिक संजालका चर्चित अनुहार र युवा नेताले भरिएको पिपल्स पार्टीले बहुमत ल्याउने चर्चा सामाजिक सञ्जालमा गरिएको थियो । सामाजिक संजालको माहोल र चुनाव अगाडिका प्रक्षेपणले बलियो जनमत ल्याउने भनिएको पिपल्स पार्टीले ४०० प्रत्यक्ष चुनाव सिटमा २०० कम्तिमा ल्याउने प्रक्षेपण गरिएको बीबीसीमा उल्लेख छ । तर, पार्टीले १५१ मात्रै सिट ल्यायो । सत्ताधारी दल भुमजाइथाइले १९० सिट ल्याएर केही गठबन्धन गरेर सहज सरकार बनाउने देखिएको छ । प्रधानमन्त्री अनुटिन चार्नभिराकुल फेरि पनि सरकार बनाउने अवस्थामा पुगेका छन् । आइतबारको चुनावमा यो परिणामले धेरैलाई चकित बनाएको छ । तर, चुनावमा पराजित भएपछि मतगणनामा घाँधली भएको नयाँ दलका नेता– कार्यकर्ता तथा समर्थकले आरोप लाएका छन् । मतगणनामा पारदर्शिता नदेखाएको भन्दै उनीहरूले आलोचना गरेका छन् । विश्व मिडियाहरूले यसको समाचार प्राथामिकत...

दक्षिण कोरियामा रहेका नेपाली साहित्यप्रेमीहरूका लागि एक महत्वपूर्ण साहित्यिक कार्यक्रम ‘बृहत साहित्य मेला २०२६’ आयोजना हुने भएको छ। नेपाल मुक्तक प्रतिष्ठान, दक्षिण कोरिया शाखाको आयोजनामा हुने उक्त कार्यक्रम नेपाली भाषा, साहित्यको विकास र विस्तार गर्ने उद्देश्यका साथ सञ्चालन गर्न लागिएको हो। आयोजकका अनुसार कार्यक्रम फेब्रुअरी १७ तारिखका दिन दिउँसो १२:३० बजेबाट दोङ्देमुनस्थित शुभेच्छा रेष्टुरेन्टको हलमा आयोजना हुनेछ। कार्यक्रममा मुक्तक, गजल तथा कविता वाचनसँगै दमदार साहित्यिक प्रस्तुतिहरू रहनेछन्। विशेष प्रस्तोताका रूपमा चर्चित साहित्यकारहरू सेसेफुङ शेर्मा, रामचन्द्र शर्मा ,भीषण माइलाको सशक्त प्रस्तुति रहने आयोजकले जनाएको छ। साथै अन्य साहित्यकारहरूको समेत सहभागिता रहनेछ। नेपाल मुक्तक प्रतिष्ठान कोरियाले यस कार्यक्रमलाई भव्य र सफल बनाउन कोरियामा रहेका सम्पूर्ण साहित्यिक मनहरूलाई उपस्थ...

खुम्बु क्षेत्रमा हराइरहेका एक दक्षिण कोरियाली नागरिक येओन साङ–चुङको शव फेला परेको छ। खुम्बु क्षेत्रमा ट्रेकिङमा रहेका येओनसँग सन् २०२५ डिसेम्बर ३१ देखि सम्पर्कविहीन भएपछि खोजी भइरहेको थियो। उनको शव शनिबार दिउँसो करिब २ बजे लोबुचे क्षेत्र नजिकैको कोङ्मा ला पासमा, समुद्री सतहबाट करिब ५ हजार ३०० मिटर उचाइमा फेला परेको हो। खोजी अभियानका क्रममा आमादब्लाम युवा क्लबका पाँच जना सदस्यले शव फेला पारेका थिए। खुम्बु पासाङ ल्हामु गाउँपालिका–४ का वडा सदस्य पासाङ नुर्बु शेर्पाका अनुसार येओनको मृत्यु उचाइबाट लडेर भएको अनुमान गरिएको छ। तर, मृत्युको वास्तविक कारण पोस्टमार्टम परीक्षणपछि मात्र पुष्टि हुने बताइएको छ। शवलाई पोस्टमार्टमका लागि हेलिकप्टरमार्फत फाप्लु लगिएको छ। नेपालस्थित दक्षिण कोरियाली दूतावास तथा कोरियन ट्रेकिङ अपरेटर एसोसिएसन अफ नेपालको पहलमा र आमादब्लाम युवा क्लबको सहयोगमा हराइरहे...

दक्षिण कोरियाको छङ्जुस्थित एक कोरियन रेस्टुरेन्टमा नेपाली भाषामा आपत्तिजनक शब्द लेखिएको अण्डा फेला परेपछि गम्भीर विवाद सिर्जना भएको छ। उक्त अण्डा रेस्टुरेन्टमा कार्यरत एक नेपाली महिला कामदारले प्रयोगको क्रममा देखेपछि रेस्टुरेन्ट सञ्चालकलाई जानकारी गराएकी थिइन्। प्रारम्भिक अनुसन्धान तथा परिस्थितिजन्य प्रमाणका आधारमा उक्त अण्डा नेपाली कामदार कार्यरत अण्डा उत्पादन वा प्याकिङ फ्याक्ट्रीमै आपत्तिजनक शब्द लेखेर पठाइएको आशंका गरिएको छ। अण्डाको बाहिरी खोलमा स्पष्ट रूपमा नेपाली भाषामै शब्द लेखिएको देखिएकाले यो कार्य उत्पादन वा प्याकिङ प्रक्रियाकै क्रममा भएको हुन सक्ने देखिन्छ। त्यही अण्डा सप्लाई हुँदै कोरियन रेस्टुरेन्टसम्म पुगेको बताइएको छ। घटनापछि ती नेपाली महिला कामदारले यसलाई सामान्य मजाकका रूपमा लिन नमिल्ने भन्दै रेस्टुरेन्ट मालिकलाई प्रहरीमा उजुरी दिन आग्रह गरेको बताएकी छन्। उनका अनुसार...

कोरियाबाट जीवन कुमार थापा राष्ट्रिय स्वतन्त्र पार्टीको केन्द्रीय आर्थिक विभाग सदस्यमा चयन दक्षिण कोरियामा रहेर लामो समयसम्म नेपाली कांग्रेसमा सक्रिय राजनीतिमा संलग्न हुँदै आएका कोरियाका सफल व्यवसायी जीवन कुमार थापा राष्ट्रिय स्वतन्त्र पार्टी (रा.स्व.पा.) मा प्रवेश गर्दै केन्द्रीय आर्थिक विभागको सदस्य मा चयन भएका छन्। रा.स्व.पाले मिति २०८२ माघ २२ गते पार्टीप्रतिको विश्वास व्यक्त गर्दै थापालाई केन्द्रीय आर्थिक विभाग सदस्यको जिम्मेवारी प्रदान गरेको हो। मोरङ जिल्लाका स्थायी बासिन्दा थापा हाल दक्षिण कोरियामा रहेर व्यवसायसँगै सामाजिक तथा राजनीतिक गतिविधिमा सक्रिय रहँदै आएका छन्। यसअघि पनि थापा कोरियाबाट राष्ट्रिय स्वतन्त्र पार्टीलाई विभिन्न माध्यमबाट सहयोग गर्दै आएका थिए। पार्टीप्रतिको निरन्तर सहयोग, योगदान र प्रतिबद्धतालाई मूल्यांकन गर्दै उनलाई केन्द्रीय जिम्मेवारी प्रदान गरिएको पार्टी...

नेपाल भलिवल संघ दक्षिण कोरिया शाखाको चौथो कार्यसमितिको पहिलो बैठक भर्चुअल माध्यमबाट २०२६ फेब्रुअरी २ तारिखका दिन सम्पन्न भएको छ। बैठक संस्थाका अध्यक्ष विरेन्द्र राहुँ मगरको अध्यक्षतामा सम्पन्न भएको हो। बैठकमा संघको वर्तमान अवस्था, संगठनात्मक संरचना तथा आगामी सिजनका कार्यक्रमहरूबारे विस्तृत छलफल गर्दै विभिन्न प्रस्तावहरू पारित गरिएको छ। बैठकले मुख्यत: रिक्त पदपूर्ति, संरक्षक तथा सल्लाहकार मनोनयन र सिजन २०२६ का भलिवल प्रतियोगिता कार्यक्रमसम्बन्धी प्रस्तावहरूमा निर्णय गरेको छ। रिक्त पदपूर्ति सम्बन्धी प्रस्ताव अन्तर्गत उपाध्यक्षमा पुस्कल पुन, महासचिवमा देवेन्द्र पुन, कोषाध्यक्षमा संजिव खतिवडा, सह–कोषाध्यक्षमा लोकराज पाण्डे तथा सदस्यमा संगम क्षेत्रीलाई चयन गरिएको छ। संरक्षक तथा सल्लाहकार मनोनयन सम्बन्धी प्रस्ताव अन्तर्गत संरक्षकमा बिपिन कुमार गुरुङ, बरिष्ठ सल्लाहकारमा भजिन्द्र क्षेत्...

दक्षिण कोरियामा रहेका नेपाली संगीतप्रेमीहरूका लागि लोकप्रिय ब्याण्ड ‘जोन एन्ड दि लोकल्स’ ले सउलमा भव्य लाइभ कन्सर्ट प्रस्तुत गर्ने भएको छ। धराने इभेन्ट्स कोरिया को आयोजनामा कोरियाली नयाँ वर्ष सलनाल को अवसर पारेर यही फेब्रुअरी १७ (मंगलबार) विशेष सांगीतिक कार्यक्रम आयोजना हुन लागेको हो। ‘जोन एन्ड दि लोकल्स’ को साउथ कोरिया टुर अन्तर्गत हुने यो कन्सर्ट सउल नजिकै रहेको माङ्वोल्सा स्टेशन (लाइन नम्बर १) गेट नम्बर ४ नजिकैको सिन्‍हान विश्वविद्यालय (신한대학교) परिसरमा आयोजना गरिने आयोजकले जनाएको छ। कार्यक्रम हलमा प्रवेश दिउँसो ३ बजेदेखि खुला हुनेछ भने कन्सर्टका लागि टिकट शुल्क ५० हजार कोरियन वन तोकिएको छ। कार्यक्रममा मुख्य आकर्षणका रूपमा जोन एन्ड दि लोकल्स को लाइभ प्रस्तुति रहनेछ भने ओपनिङ ब्याण्डका रूपमा चर्चित समूह ‘फुल्याङ’ ले दर्शकलाई तताउनेछ। कार्यक्रमको सञ्चालन रेश्मा राई ले गर्नेछिन् भने डि...