दक्षिण कोरियामा रहेका नेपाली समुदायबीच आपसी एकता, भाइचारा र स्वस्थ जीवनशैलीको प्रवर्द्धन गर्ने उद्देश्यले तमू धीं दक्षिण कोरियाले “अम्बर गुरुङ स्मृति फुटसल कप २०२६” आयोजना गर्ने भएको छ। नेपाल फुटबल महासंघ दक्षिण कोरियाको समन्वयमा सञ्चालन हुने प्रतियोगिता जुलाई ५, २०२६ (आइतबार) मा छनानस्थित म्याचअप फुटसल फिल्ड मा हुनेछ।
महिला तथा पुरुष दुवै विधामा सञ्चालन हुने प्रतियोगिताको टिम दर्ता शुल्क ३ लाख ५० हजार कोरियन वोन तोकिएको छ। सहभागी टोलीहरूले जुन २७ साँझ ५ बजेसम्म उरी बैंकको खाता नम्बर 1005-004-816418 मा शुल्क जम्मा गरी दर्ता गर्न सक्नेछन्।
प्रतियोगिताको विजेताले ४० लाख वोन, उपविजेताले २० लाख वोन तथा सेमिफाइनल पुग्ने दुई टोलीले जनही ४ लाख वोन प्राप्त गर्नेछन्। साथै उत्कृष्ट खेलाडी, उत्कृष्ट गोलरक्षक र सर्वाधिक गोलकर्तालाई जनही १ लाख वोन पुरस्कार प्रदान गरिने आयोजकले जनाएको छ।
आयोजकले दक्षिण कोरियामा रहेका नेपाली संघसंस्था, फुटबल क्लब, खेलाडी तथा खेलप्रेमीहरूलाई प्रतियोगितामा सहभागी भई कार्यक्रम सफल बनाउन आग्रह गरेको छ।
