Breaking news 1

कास्की परिवार, दक्षिण कोरिया ख्याङ्सानाम्दो शाखाले आफ्नो तेस्रो अधिवेशन किम्हे स्थित न्यू लिटिल इन्डिया रेस्टुरेन्टको सभाहलमा भव्यताका साथ सम्पन्न गरेको छ। ख्याङ्साङ–बुसान क्षेत्रका विभिन्न नेपाली संघसंस्थाका प्रतिनिधि, अगुवा तथा समुदायजनहरूको बाक्लो उपस्थिति रहेको अधिवेशन उत्साहपूर्ण वातावरणमा सम्पन्न भएको हो। अधिवेशनले आगामी २०२५–२०२७ कार्यकालका लागि नयाँ कार्यसमिति चयन गरेको छ। सर्वसम्मत निर्णयअनुसार अध्यक्षमा रमेश थापा, उपाध्यक्षमा सिता बि.क. (साथै अर्को उपाध्यक्ष कार्यसमितिबाट मनोनित हुने), सचिवमा सन्जिव बराल, सह-सचिवमा सूर्य मोहन खनाल, कोषाध्यक्षमा टेक प्रसाद दाहाल, सह-कोषाध्यक्षमा कल्पना काफ्ले निर्वाचित भएका छन्। कार्यसमितिमा सदस्यका रूपमा कल्पना अधिकारी, बिनिस थापा मगर, रबिन्द्र थापा, चिन्तामणि सुवेदी, राजेन्द्र परियार, ॐ भण्डारी, आदिति खड्का र अमर बि.क. चयन भएका छन्। अधिवेश...

किरात राई यायोक्खा, दक्षिण कोरियाको केन्द्रीय समितिले आफ्नो १३औँ महाधिवेशन यही सेप्टेम्बर १४, २०२५ मा गर्ने भएको छ। राजधानी सउलस्थित MG सेमाउल गुम्गो सभा हल, चाङसिनडोङ (LINE 1, Exit 1) मा हुने उक्त महाधिवेशनमा कोरियामा कार्यरत सम्पूर्ण राई समुदायलाई उपस्थित रहन आग्रह गरिएको छ। संस्थाले स्थापना कालदेखि नै आप्रवासी नेपाली समुदायको पहिचान, अधिकार र सांस्कृतिक संरक्षणमा क्रियाशील किरात राई यायोक्खाले यसपटकको महाधिवेशनलाई विशेष बनाउन विभिन्न तयारीहरू थालेको जनाएको छ। महाधिवेशनले विगत दुई वर्षको गतिविधिको समीक्षा गर्दै नयाँ कार्यसमिति गठन गर्नेछ। कार्यक्रममा संस्थागत प्रतिवेदन प्रस्तुत गर्ने, नेतृत्व चयन गर्ने, आगामी योजनामाथि छलफल गर्ने तथा सांस्कृतिक प्रस्तुति रहने आयोजकले जनाएको छ। साथै, कोरियामा रहेका राई समुदायबीच आपसी मेलमिलाप र एकता सुदृढ पार्ने उद्देश्यले यस महाधिवेशनलाई महत्वपूर्ण...

नेपाली जनसम्पर्क समिति, दक्षिण कोरियाले क्रियाशील सदस्यता दर्ताका लागि औपचारिक आह्वान गरेको छ। नेपालको प्रजातान्त्रिक आन्दोलनको ऐतिहासिक विरासत बोकेको नेपाली कांग्रेसप्रति आस्था राख्ने सम्पूर्ण नेपालीलाई समितिले लोकतान्त्रिक मूल्य–मान्यताको सुदृढीकरणका लागि यो अभियानमा सहभागी हुन आग्रह गरेको हो। समितिका सभापति भजिन्द्र बहादुर क्षेत्रीले कोरियामा रहेका नेपालीलाई सुव्यवस्थित र संगठित गर्दै उनीहरूको समस्यामा सामूहिक आवाज उठाउने उद्देश्य यस अभियानको मुख्य आधार रहेको बताए। उनले भने, “क्रियाशील सदस्यताले प्रवासी नेपालीलाई राष्ट्रिय नीति निर्माणको प्रक्रियामा प्रत्यक्ष सहभागी हुने वैधानिक अधिकार दिलाउँछ। व्यक्तिगत स्वार्थ मात्र नभई समग्र प्रवासी नेपाली समुदायको हितका लागि हामी निर्णायक भूमिका निर्वाह गर्दै आएका छौं।” समितिले क्रियाशील सदस्यताबाट प्राप्त हुने प्रमुख लाभहरूमा सशक्त सामाजिक तथ...

दक्षिण कोरियामा रोजगारका लागि आवश्यक कोरियन भाषा परीक्षामा दोहोरो भुक्तानी गरेका आवेदकहरूले रकम फिर्ता लिन सक्ने भएका छन्। ईपीएस कोरियन शाखाले आज प्रकाशित सूचना अनुसार रकम फिर्ता पाउनका लागि प्रमाणित कागजातसहित निवेदन दिनुपर्नेछ। दोहोरो भुक्तानी भएका आवेदकहरूले ७ दिनभित्र आवेदन दिनुपर्ने उल्लेख गरिएको छ। शाखाका अनुसार डबल तिरेको रकममध्ये केही रकम सम्बन्धित वालेट खाता वा बैंक खातामा फिर्ता पठाइसकिएको छ। बाँकी रकम पनि आवेदकले समयमै निवेदन दिएको खण्डमा फिर्ता गरिनेछ। यस्तै, सन् २०२५ को कोरियन भाषा परीक्षाका लागि साउन २६ गतेदेखि ३१ गतेसम्म फाराम भर्ने क्रममा भएका त्रुटि सच्याउने काम सकिएको शाखाले जनाएको छ। अनलाइन आवेदन दर्ता गर्दा प्राविधिक कारणले प्रवेश पत्रमा नाम वा थर अपुरो आएका विवरण पनि सच्याइसकिएको जानकारी सूचनामा उल्लेख गरिएको छ।...

दक्षिण कोरियामा आगामी वर्षदेखि स्वास्थ्य बीमा शुल्क बढ्ने भएको छ। सरकारले बीमा प्रिमियम दरलाई हालको ७.०९ प्रतिशतबाट बढाएर ७.१९ प्रतिशत पुर्‍याउने निर्णय गरेको हो। दक्षिण कोरियाको स्वास्थ्य तथा कल्याण मन्त्रालयले अगस्ट २८ मा बसेको १५औं स्वास्थ्य बीमा नीतिसमिति बैठकमार्फत उक्त निर्णय गरेको हो। यो वृद्धि ३ वर्षपछि पहिलोपटक गरिएको हो। कति बढ्छ? नयाँ निर्णयअनुसार रोजगारीमा रहेका कर्मचारीले तिर्नुपर्ने मासिक औसत व्यक्तिगत बीमा शुल्क १,५८,४६४ वोनबाट बढेर १,६०,६९९ वोन पुग्नेछ। यसरी प्रत्येक महिनामा करिब २,२३५ वोन थपिने भएको छ। कर्मचारीहरूको बीमा शुल्क भने पहिलेझैँ मजदुर र रोजगारदाताले समान रूपमा आधा–आधा तिर्नुपर्ने व्यवस्था यथावत रहनेछ। विगतका दर  • २०२१ मा : २.८९% वृद्धि  • २०२२ मा : १.८९% वृद्धि  • २०२३ मा : १.४९% वृद्धि  • २०२३ र २०२४ मा स्थिर (७.०९%)  • २०२५ मा : ...

तनहुँ समाज, दक्षिण कोरियाले कोरियनहरूको महान् चाड छुसकको अवसरमा भव्य सांगीतिक कार्यक्रम ‘सेतीमादी सांगीतिक सौगात–भाग २’ आयोजना गर्ने भएको छ। कार्यक्रम आगामी अक्टोबर ४, शनिबार, सउलको 종로구 대학로 3길29 (종로5가역 नजिकै) मा हुनेछ। नेपालबाट चर्चित कलाकारहरूको विशेष प्रस्तुति रहने कार्यक्रमको विस्तृत जानकारी तथा कलाकारहरूको विवरण आयोजकले छिट्टै सार्वजनिक गर्ने जनाएको छ। तनहुँ समाजले गण्डकी प्रदेश समाजको समन्वय र गैरआवासीय नेपाली संघ (NCC) को सहजीकरणमा तनहुँ घर तथा कल्याणकारी कोष स्थापना गर्ने उद्देश्यसहित कार्यक्रमको आयोजना गर्न लागेको हो। आयोजक समितिले दक्षिण कोरियामा रहेका सम्पूर्ण नेपालीहरूलाई आपसी सहयोग, सद्भाव र एकताको भावनासहित कार्यक्रममा उपस्थित भई सांगीतिक सौगातलाई सफल बनाउन हार्दिक निमन्त्रणा गरेको छ।...

दक्षिण कोरियाको मोक्पोमा खेलकुद र मनोरञ्जनलाई लक्षित गर्दै दोस्रो MCC कप 2025 आयोजना हुने भएको छ। मोक्पो सान्हो साझा चौतारी र Mokpo Cricket Club (MCC) को संयुक्त आयोजनामा हुने प्रतियोगिता सेप्टेम्बर 14 (आइतबार) बिहान ७:०० बजे देखि सुरु हुनेछ। खेल 전라남도 영암군 삼호읍 소등공원2길 4 (영암 소방서 옆쪽) मा हुने आयोजकले जानकारी दिएको छ। प्रतियोगितामा Mokpo CC Red, Mokpo CC Blue, JN CC, Deabul United CC, Himalayan Tiger, Samho Nepali CC, Deagu Thunders र Jeonju United गरी ८ टोलीको सहभागिता रहनेछ। प्रतियोगिताको विजेताले २५ लाख वोन सहित ट्रफि, मेडल र प्रमाणपत्र प्राप्त गर्नेछन् भने उपविजेताले १० लाख वोन सहित ट्रफि, मेडल र प्रमाणपत्र पाउनेछन्। यस्तै, म्यान अफ द सिरिजलाई १ लाख वोन र ट्रफि तथा प्रत्येक खेलको म्यान अफ द म्याचलाई ट्रफि प्रदान गरिनेछ। सर्वाधिक १० ओभरमा खेलाइने खेलहरू हार्ड टेनिस बल प्रयोग गरेर सम्...

दक्षिण कोरियामा रहेका नेपालीहरूबीच धर्म, संस्कृति र परम्पराको जगेर्ना गर्ने उद्देश्यले MRR TEAM KOREA द्वारा भजन–कीर्तन कार्यक्रम आयोजना हुने भएको छ। कार्यक्रम आगामी सेप्टेम्बर ६ (शनिबार) साँझ ७:३० बजेदेखि १० बजेसम्म सुवनस्थित उरि हिमालय सभाहल (Suwon Station Exit 7 and 11, 경기도 수원시 팔달구 매산로1가 16-10) मा सम्पन्न हुनेछ। यस अवसरमा सहभागीहरूले कृष्ण भक्ति र शिव आराधना सहितको भजन–कीर्तनमा सहभागी भएर अध्यात्मिक आनन्द, मानसिक शान्ति र सामूहिक एकताको अनुभव गर्ने अवसर पाउनेछन्। भजनलाई नेपाली समाजमा मनलाई शुद्ध गर्ने, नकारात्मकता हटाउने र भक्तिभाव जगाउने साधनका रूपमा मानिन्छ। विदेशजस्तो व्यस्त जीवनमा यसले तनाव कम गर्ने, आपसी भाईचाराको भावना बढाउने र संस्कृतिसँग जोड्ने महत्त्वपूर्ण काम गर्ने विश्वास लिइएको छ। आयोजकका अनुसार, भजन–कीर्तन केवल धार्मिक साधना मात्र नभई सांस्कृतिक जगेर्ना र नयाँ पुस्...

दक्षिण कोरियाको छल्लानाम्दो प्रान्तमा यस वर्ष विदेशी मौसमी श्रमिकहरूको संख्या उल्लेखनीय रूपमा बढेको छ। प्रान्तीय प्रशासनका तथ्यांकअनुसार २०२५ मा कुल २०,७१८ जना श्रमिक यहाँ परिचालित भएका छन्। गत वर्ष १०,४०३ मात्र रहेकाले यसपटक १०,३१५ जनाको वृद्धि भएको हो। मौसमी श्रमिक कार्यक्रम ग्रामीण तथा माछापालन क्षेत्रमा श्रमिक अभाव पूरा गर्न बनाइएको आठ महिनाको रोजगार योजना हो। यसअन्तर्गत स्थानीय प्रशासनले विदेशी सरकारहरूसँग सम्झौता गर्ने वा विवाह आप्रवासीका आफन्त तथा विदेशी नागरिकता भएका कोरियालीहरूलाई आमन्त्रण गर्ने प्रावधान राखिएको छ। यो वर्ष छल्लानाम्दोका २७ सहर/जिल्लामा श्रमिक परिचालन गरिएको छ। तीमध्ये १५,०५ जनाले कृषिक्षेत्रमा पसिना बगाइरहेका छन् भने ५,७१३ जना माछापालनमा सक्रिय छन्। स्थानीय सरकारका अधिकारीहरूका अनुसार ग्रामीण क्षेत्रमा कामदारको तीव्र कमीका कारण यस वर्ष श्रमिक संख्यामा उल्...

दक्षिण कोरियामा रहेका काभ्रेली समुदायलाई एक्यवद्ध गर्ने उद्देश्यले स्थापना भएको काभ्रे सम्पर्क समिति, दक्षिण कोरियाले आफ्नो आठौँ अधिवेशन आगामी अक्टोबर ४, शनिबार भव्य रूपमा आयोजना गर्ने भएको छ। अधिवेशन कार्यक्रम सउलको दोङ्देमुनस्थित नमस्ते रेस्टुरेन्टको सभाहलमा बिहान ११ बजे हुने तय भएको छ। २०११ सालमा स्थापना भएदेखि निरन्तर रूपमा कोरियामा सामाजिक गतिविधिमा सक्रिय यस संस्थाले काभ्रेली मात्र नभई अन्य नेपाली समुदायलाई पनि आवश्यक परेमा सहयोग गर्दै आएको छ। प्रवासी भूमिमा आइपर्ने समस्या समाधानका लागि हातेमालो गर्दै अघि बढ्ने यस समितिको यो अधिवेशनमा नयाँ नेतृत्व चयनसँगै आगामी कार्यकालको कार्यदिशा तय गरिनेछ। समितिका अध्यक्ष सुमन चौलागाईंले अधिवेशनमा उपस्थित भई अमूल्य सल्लाह सुझाव दिएर कार्यक्रमलाई सफल बनाउन सम्पूर्ण काभ्रेली दाजुभाइ तथा दिदीबहिनीलाई हार्दिक अनुरोध गर्नुभएको छ। अधिवेशनमा ...