Author: विशाल श्रेष्ठ

राप्ती समाज दक्षिण कोरियाको सातौं अधिवेशन सम्पन्न, किशन ओलीको अध्यक्षतामा नयाँ कार्यसमिति चयन दक्षिण कोरियामा रहेका राप्तीवासीहरूको अग्रणी संस्था राप्ती समाज दक्षिण कोरियाले आफ्नो सातौं अधिवेशन सउलको दोङदेमुनस्थित नेपाल थाई रेस्टुरेन्टको सभाहलमा सम्पन्न गरेको छ। “हामी जहाँ भएपनि हाम्रो एउटै विशेषता, विशुद्ध सामाजिक कामका लागि राप्ती समाजको एकता” भन्ने मूल नारासहित सन् २००६ मा स्थापना भएको यस संस्थाले विगत १९ वर्षदेखि कोरियामा कार्यरत राप्तीवासी तथा सम्पूर्ण नेपालीबीच आपसी सहयोग, सद्भाव, समझदारी र भाइचाराको सम्बन्ध अभिवृद्धि गर्दै आएको छ। २०२३-२०२५ कार्यकाल सफलतापूर्वक पूरा गरेका तत्कालीन अध्यक्ष अमृत के.सी. तथा सम्पूर्ण कार्यसमितिलाई कार्यक्रममा धन्यवादसहित बधाई दिइएको थियो। यसै अवसरमा सम्पन्न निर्वाचनबाट २०२५–२०२७ कार्यकालका लागि नयाँ कार्यसमिति सर्वसम्मत रूपमा चयन गरिएको छ। कार्...

  जेनजी पुस्ता (सन् १९९७ देखि २०१२ को बीचमा जन्मिएका) ले सोमबार काठमाडौंमा प्रदर्शन गर्ने भएका छन्। भ्रष्टाचार र सामाजिक सञ्जाल बन्द विरोधमा उनीहरूले काठमाडौंको माइतीघर मण्डलमा प्रदर्शन गर्न लागेका हुन्। माइतीघर मण्डलमा भदौ २३ गते बिहान ११ बजे प्रदर्शन हुनेछ। विद्यार्थीहरूको पोशाक लगाएर, परिचय पत्रसहित, कम्तीमा एउटा किताब र एफोर साइजको खाली कागजसहित माइतीघर मण्डलमा उपस्थित हुन भनिएको छ। यसबारे सामाजिक सञ्जाल टिकटकमा ट्रेण्ड नै चलिरहेको छ। प्रधानमन्त्री भइसकेका मानिसहरू भ्रष्टाचारमा संलग्नको आरोप लागे पनि कानुनी कारबाही नभएकोलगायत विषयमा उनीहरूले प्रदर्शन गर्न लागेका हुन्। ठूला भ्रष्टाचार, वंशवाद, असमान सम्झौता, नागरिक अधिकार हनन्, बेरोजगारीलगायत मुद्दा उठान गर्दै जेनजी पुस्ताले प्रदर्शन गर्न लागेका हुन्। उनीहरूले देशमा सुशासन र रोजगारी सिर्जनाको वातावरण हुनुपर्ने बताएका छन...

कोरियाबाट गणेश तामाङ योञ्जनको दोस्रो प्रस्तुति तथा शब्दमा रहेको नयाँ तामाङ सेलो भाकाको गीत ‘चरी त बस्यो डालीमा’ सार्वजनिक भएको छ। यो गीत Click Nepal YT मार्फत रिलिज गरिएको छ। गीतमा नेपाली संगीत क्षेत्रकी सर्वाधिक लोकप्रिय गायिका सुमिना लो र गायक आस्मान लोप्चनले आफ्नो सुमधुर स्वर दिएका छन्। संगीत तथा एरेन्जको जिम्मा विश्व दोङले सम्हालेका हुन् भने मिक्सिङ दीपेश प्रधानले गरेका छन्। रेकर्डिङ र निर्माण कार्य दोङ स्टुडियोमा सम्पन्न भएको हो। यो गीतले तामाङ समुदायको मौलिक भाकालाई आधुनिक शैलीमा प्रस्तुत गरेको छ। ‘चरी त बस्यो डालीमा’ प्रेम, उमंग र मौलिकतालाई समेटिएको सेलो भाकामा प्रस्तुत गरिएको छ र दर्शक–श्रोतामाझ विशेष प्रिय हुने अपेक्षा गरिएको छ। पूरा गीत यहाँ सुन्न सकिन्छ: चरी त बस्यो डालीमा https://youtu.be/GLHKFDmvXLc?si=nY9AjkfSmz1dQm09...

दक्षिण कोरियास्थित नेपाली दूतावासले E-7 भिसा (विशेष योग्यता प्राप्त प्रविधिक श्रमिक) सम्बन्धी नयाँ सूचना सार्वजनिक गर्दै वैदेशिक रोजगारीका नाममा हुने ठगीप्रति सावधानी अपनाउन आग्रह गरेको छ। कोरियास्थित नेपाली राजदूतावासले कोरियामा सीपयुक्त श्रमिक पठाउनका लागि हालसम्म कुनै मागपत्र प्रमाणीकरण आवेदन प्राप्त नभएको स्पष्ट पारेको छ । सिओलस्थित दूतावासले जारी गरेको विज्ञप्तिमा भनिएको छ, ‘रीतपूर्वक मागपत्र प्रमाणीकरणका लागि आवेदन आएमा दूतावासले आवश्यक प्रक्रिया अघि बढाउनेछ ।’ तर, अहिलेसम्म कुनै आवेदन नआएकाले दूतावासले जानाजान प्रमाणीकरण नगरेको भन्ने सञ्चारमाध्यममा आएको हल्ला पूर्ण रूपमा असत्य हो । श्रम, रोजगार तथा सामाजिक सुरक्षा मन्त्रालयले कोरियामा सीपयुक्त कामदार पठाउने सम्बन्धी कार्यविधि, २०८० को तेस्रो संशोधन पारित गरी प्रक्रिया अघि बढाएको थियो । कार्यविधि अनुसार, विशेष योग्यता पूरा गरेका इ...

  आइतबारका दिन जुम भर्चुअल माध्यममार्फत नेकपा (माओवादी केन्द्र) निकट प्रवासी संगठन नेपाली जनप्रगतिशील मञ्च दक्षिण कोरिया मातहतको लिम्बुवान राष्ट्रिय मुक्ति मोर्चा दक्षिण कोरिया महाशाखा को प्रथम भेला भव्यतापूर्वक सम्पन्न भएको छ। भेलामा लिम्बुवान राष्ट्रिय मुक्ति मोर्चा नेपालका अध्यक्ष तथा नेकपा (माओवादी केन्द्र) का केन्द्रीय सदस्य मुक्सामहाङ मेन्याङ्बो “क. मुकेश” प्रमुख अतिथि रहेका थिए भने नेपाली जनप्रगतिशील मञ्च दक्षिण कोरियाका अध्यक्ष क. जीवन खतिवडा विशिष्ट अतिथिको रूपमा सहभागी भएका थिए। साथै अन्य जिम्मेवार नेताहरूको पनि विशेष आतिथ्य रहेको थियो। “किराँत लिम्बुवान कोचीला प्रदेश” नामाङ्कनको प्रस्ताव: प्रमुख अतिथि क. मुक्सामहाङ मेन्याङ्बोले भेलालाई सम्बोधन गर्दै पार्टीले छिट्टै कोशी प्रदेशसभामा नयाँ नामाङ्कनका लागि फरक मत प्रस्तुत गर्ने जानकारी दिए। उनले माओवादी निकट लिम्बुवान...

गणेश तामाङ योन्जनको प्रस्तुति तथा शब्दमा रहेको नयाँ तामाङ सेलो भाकाको गीत ‘चरी त बस्यो डालीमा’ यहि शुक्रबार सार्वजनिक हुँदैछ। गीतलाई Click Nepal YT मार्फत शुक्रबार दिउँसो ४:१५ बजे रिलिज गर्ने तयारी गरिएको छ। गीतमा गायक आश्मान लोप्चन र गायिका सुमिना लो को स्वर रहेको छ भने संगीत तथा एरेन्ज विश्व दोङ ले गरेका हुन्। गीतलाई दिपेश प्रधान ले मिक्सिङ गरेका छन् भने रेकर्डिङ तथा निर्माण कार्य दोङ स्टुडियो मा गरिएको हो। तामाङ समुदायको मौलिक भाकालाई आधुनिक शैलीमा प्रस्तुत गरिएको यो गीत दर्शक–श्रोतामाझ विशेष प्रिय हुने आशा लिइएको छ। गीतलाई थप आकर्षक बनाउन भिडियोमा समेत नवीनता दिन प्रयत्न गरिएको निर्माण पक्षले जानकारी दिएको छ। ‘चरी त बस्यो डालीमा’ मार्फत परदेशी नेपालीहरूलाई आफ्नै संस्कृति र परम्परासँग जोड्ने प्रयास गरिएको जनाएका छन्। गीतलाई प्रेम, उमंग र मौलिकतासँग जोडिएको सेलो भाका स्वरूप प्रस...

  विशाल आवाज:दक्षिण कोरियामा बस्ने नेपाली युवाहरूका लागि यसपालि छुसक पर्व विशेष हुने भएको छ। चर्चित कलाकार नवाज अन्सारी आफ्नो लाइभ प्रस्तुतिसहित सिओलमा हुने Nepkor Night 2025 Vol–II मा स्टेज तताउन आउँदैछन्। नेपकोर इन्टरटेन्मेन्टको प्रस्तुतिमा अक्टोबर ५ (आइतबार) का दिन आयोजना हुने सो कार्यक्रममा अन्सारीले आफ्ना चर्चित गीत–संगीतका साथ कोरियाको माहोललाई झन् ताताउने अपेक्षा गरिएको छ। कार्यक्रमको घोषणासँगै युवामाझ उत्साह थपिएको छ भने आयोजकहरूले यसलाई यस वर्षको सबैभन्दा ठूलो मनोरञ्जनात्मक जमघट हुने दाबी गरेका छन्। गत संस्करणको सफलतापछि यसपालीको Nepkor Night लाई अझ भव्य बनाउन तयारी भइरहेको आयोजकहरूले बताएका छन्। सौलको मुख्य स्थानमा हुने कार्यक्रमले नेपाली मात्र नभई विविध देशका संगीतप्रेमीलाई आकर्षित गर्ने अपेक्षा गरिएको छ। कलाकार अन्सारी आउने यो छुसक विशेष कार्यक्रममा ऊर्जा, संगी...