विशाल आवाज:दक्षिण कोरियामा बस्ने नेपाली युवाहरूका लागि यसपालि छुसक पर्व विशेष हुने भएको छ। चर्चित कलाकार नवाज अन्सारी आफ्नो लाइभ प्रस्तुतिसहित सिओलमा हुने Nepkor Night 2025 Vol–II मा स्टेज तताउन आउँदैछन्।
नेपकोर इन्टरटेन्मेन्टको प्रस्तुतिमा अक्टोबर ५ (आइतबार) का दिन आयोजना हुने सो कार्यक्रममा अन्सारीले आफ्ना चर्चित गीत–संगीतका साथ कोरियाको माहोललाई झन् ताताउने अपेक्षा गरिएको छ। कार्यक्रमको घोषणासँगै युवामाझ उत्साह थपिएको छ भने आयोजकहरूले यसलाई यस वर्षको सबैभन्दा ठूलो मनोरञ्जनात्मक जमघट हुने दाबी गरेका छन्।
गत संस्करणको सफलतापछि यसपालीको Nepkor Night लाई अझ भव्य बनाउन तयारी भइरहेको आयोजकहरूले बताएका छन्। सौलको मुख्य स्थानमा हुने कार्यक्रमले नेपाली मात्र नभई विविध देशका संगीतप्रेमीलाई आकर्षित गर्ने अपेक्षा गरिएको छ।
कलाकार अन्सारी आउने यो छुसक विशेष कार्यक्रममा ऊर्जा, संगीत र मनोरञ्जनको धमाका हुनेछ। स्टेजमा प्रस्तुत हुने उनको ‘पावर–प्याक्ट’ लाइभ परफर्मेन्सले सहभागीलाई झुमाउने आयोजकहरूको विश्वास छ।
नेपकोर इन्टरटेन्मेन्टले यसबारे थप जानकारी र टिकट व्यवस्थापन सम्बन्धी विवरण छिट्टै सार्वजनिक गर्ने जनाएको छ।
झण्डै ३० जना युवाहरु रहेको नेपकोर इन्टरटेन्मेन्टले युवा हरुको चाहना अनुसारका मनोरञ्जनका विभिन्न कार्यक्रम हरु साथ-साथै दक्षिण कोरिया लगायत नेपालमा विभिन्न सामाजिक कार्यहरु पनि गर्दै आइरहेको छन्।
