Breaking news 1

लगातारको विवाद र पद रिक्ततापछि नयाँ नेतृत्वको आगमन बिपिन कुमार गुरुङ अध्यक्ष रहेको गैर–आवासीय नेपाली संघ (NRNA–NCC South Korea) को कार्यसमितिले नयाँ महासचिवको रूपमा नरेश शर्मालाई मनोनित गरेको छ। संघका तात्कालिन महासचिव अजय सोडारी (पूर्ण वहादुर बुढा) नेपाल फर्किएपछि रिक्त बनेको पदमा शर्मा नियुक्त गरिएको हो। आइतबार दोङ्देमुनस्थित संघको कार्यालयमा बसेको कार्यसमिति, सल्लाहकार र संरक्षक सहितको बैठकले उक्त निर्णय गरेको हो। गत केही हप्तादेखि संघभित्र आन्तरिक विवाद तीव्र बनेको थियो।उक्त घटनाले संस्था नै विवादको केन्द्रमा परेपछि, नेतृत्वले महासचिवको पद रिक्त घोषणा गर्दै नयाँ अनुशासन र स्थायित्वका लागि नरेश शर्मालाई जिम्मेवारी दिएको हो। बैठकले सो अवसरमा खाली रहेका सचिवमा अनन्त आचार्य,युवा संयोजकमा खगेन्द्र जोशी र सदस्यमा सन्जिब जङ कार्की लाई पनि नयाँ मनोनयन गरेको छ। अध्यक्ष गुरुङले नयाँ...

पूर्वी नेपाल समाज, दक्षिण कोरियाले २५ अक्टोबर २०२५, शनिबार साँझ निक नेपाल ट्राभल्सको सभाहल, दोङ्देमुनमा दशैं, तिहार, छठ र नेपाल सम्बत ११४६को अवसरमा भव्य शुभकामना आदान–प्रदान कार्यक्रम २०२५ सम्पन्न गरेको छ। “हाम्रो भाषा, धर्म र संस्कृतिमा विविधता — प्रवासमा रहेका नेपालीहरूमा एकता” भन्ने मूल नारासहित हुने यो कार्यक्रम प्रवासमा नेपालीहरूबीच आपसी भेटघाट, सुसंस्कृति र परम्परा जगेर्ना गर्ने उद्देश्यले आयोजना गरिएको कार्यक्रमको सफल समापनपछि सहभागी, सहयोगी तथा शुभेच्छुक सबैप्रति आयोजकले आभार व्यक्त गरेको छ। कार्यक्रममा सहभागीहरूले नेपाली परम्परागत परिकार (जस्तै सेल रोटी, अचार, दालभात), सांस्कृतिक प्रस्तुति, र विभिन्न समुदायबीच शुभकामना आदान–प्रदान गर्दै देउसी भैलो समेत् खेलेका थिए । पुर्वी नेपाल को आयोजना तथा पुर्बी नेपाल अन्तर्गतको विभिन्न जातिय र क्षेत्रीय संघ–संस्थाहरूको सहआयोजनामा भएक...

२०औं MAMF (Migrants’ Arirang Multicultural Festival)–2025 मा सुदूरपश्चिम समाज बुसानले आफ्नो क्षेत्रको मौलिक पहिचान झल्काउने भव्य देउडा नृत्य प्रस्तुत गरेको छ। देउडा खेलमा सुदूरपश्चिमका धार्मिक र पर्यटकीय स्थलहरूलाई समेटिएका मार्मिक शब्दहरू प्रयोग गरिएका थिए। सहभागीहरूले मौलिक पहिरनमा सजिएर आकर्षक ढंगले सांस्कृतिक झल्को प्रस्तुत गरे। कार्यक्रममा दुई समूहमा विभाजन भई ५/५ जना सहभागीहरूले तालमेलसहित देउडा खेल प्रस्तुत गरेका थिए। उक्त अवसरमा सुदूरपश्चिम समाज बुसानका अध्यक्ष देवराज बडु स्वयंले देउडा गीत गाएर प्रस्तुति दिनुभएको थियो। सांस्कृतिक विविधताबीच नेपालको सुदूरपश्चिम पहिचानलाई उजागर गर्ने यो प्रस्तुति कार्यक्रममा उपस्थित दर्शकहरूको आकर्षणको केन्द्र बनेको थियो।...

दक्षिण कोरियाको 강원도 원주시 मा कार्यरत एक नेपाली श्रमिकको औद्योगिक दुर्घटनामा परी मृत्यु भएको छ। मृतक केहरसिंह छन्त्याल, स्थायी घर बागलुङ, नेपालका हुन्। उनी कार्यरत कम्पनीमा फोर्कलिफ्टले च्यापिँदा उनी गम्भीर घाइते भएका र घटनास्थलमै मृत्यु भएको पुष्टि गरिएको छ। दुर्घटना 강원도 원주시 소초면 도도리길 98 मा रहेको कम्पनी परिसरभित्र भएको हो।छन्त्याल गत आठ वर्षदेखि दक्षिण कोरियामा कार्यरत रहेका थिए। घटनास्थलमा पुगेका प्रतिनिधिहरूका अनुसार, मृतकको शव प्रहरी आएर लैसकेको र प्रारम्भिक बुझाइ अनुसार एक जना कोरियन व्यक्ति पनि त्यहाँ उपस्थित रहेका थिए। घटनाको प्रकृति हेर्दा केही शंकास्पद पक्षहरू पनि देखिएको घटनास्थलमा पुगेका हरुले बताएका छन। यसबाहेक, घटना भएको वरिपरि CCTV क्यामेरा नभएको कारणले दुर्घटना कसरी र किन भयो भन्ने विषयमा अझै स्पष्टता नआएको र सबै पक्ष अनविज्ञ अवस्थामै रहेको बताइएको छ। गायन र वाद्...

“सामाजिक एकता र समृद्ध नुवाकोट, हाम्रो अठोट” भन्ने नारासहित नुवाकोट समाज दक्षिण कोरियाले आफ्नो १२औं वार्षिक साधारण सभा तथा अधिवेशन कार्यक्रम आगामी नोभेम्बर १६, २०२५ (बिहान १२ बजे) गर्ने भएको छ। कार्यक्रम राजधानी सउलको देदेमुन–३ नं गेटस्थित नेपाली थाई रेस्टुरेन्टमा हुने समाजले जनाएको छ। कोरियामा विभिन्न पेशा, व्यवसाय तथा रोजगारीमा संलग्न सबै नुवाकोटवासीलाई उक्त कार्यक्रममा सहभागी हुन समाजले हार्दिक स्वागत तथा निमन्त्रणा गरेको छ। नुवाकोट समाज दक्षिण कोरियाले विगतका वर्षहरूमा नुवाकोट जिल्लामा आपतबिपतका लागि सहयोग, सांस्कृतिक संरक्षण, र प्रवासी नेपालीबीच एकताको भावना विस्तार गर्ने उद्देश्यले निरन्तर रूपमा समाजसेवामूलक कार्य गर्दै आएको छ। कार्यक्रममा नयाँ कार्यसमिति चयन, वार्षिक प्रतिवेदन प्रस्तुतिकरण, सदस्यता नवीकरण तथा आगामी वर्षका योजनाबारे छलफल गरिने जनाइएको छ।...

बोम्जन गुरुङ:“आजको आवश्यकता प्रवासी पर्वतेहरुको एकता, भूमिमा हाम्रो एकता, समुन्नत समाज, समृद्ध पर्वत निर्माणमा हाम्रो अभियान” भन्ने मूल नारालाई आत्मसात् गर्दै अगाडि बढिरहेको क्षेत्रीय संस्था पर्वत समाज दक्षिण कोरियाले आफ्नो पाँचौ अधिवेशन आगामी नोभेम्बर २३ (आइतबार) का दिन आयोजना गर्ने भएको छ। संस्थाका अध्यक्ष दीपक केसीका अनुसार, चौथो कार्यसमितिको कार्यकाल सफलतापूर्वक सम्पन्न भइसकेकाले नयाँ कार्यसमिति चयन गरी संस्थालाई अझ सशक्त र गतिशील बनाउने उद्देश्यका साथ यो अधिवेशन आयोजना गर्न लागिएको हो। सन् २००८ मा स्थापना भएको पर्वत समाज दक्षिण कोरियाले प्रवासी पर्वतेहरुलाई एकताको सूत्रमा बाँध्दै विभिन्न परोपकारी, सामाजिक र सांस्कृतिक गतिविधिहरूमा निरन्तर सक्रियता देखाउँदै आएको छ। संस्थाका महासचिव डा. कमला केसीले अधिवेशनका सबै तयारी तीव्र गतिमा अगाडि बढेको जानकारी दिँदै, कार्यक्रम बिहान ११:०० बज...

परिश्रम, अनुशासन र आत्मविश्वासले जे पनि सम्भव हुन्छ भन्ने ज्वलन्त उदाहरण बनेका छन् — राजन श्रेष्ठ। ईपीएस (E-9) कार्यक्रमअन्तर्गत सामान्य श्रमिकको रूपमा दक्षिण कोरिया आएका उनले आज महिनाको १ करोड वोनभन्दा बढी तलब पाउने स्तरमा पुगेर सम्पूर्ण प्रवासी नेपाली समुदायका लागि प्रेरणाको स्रोत बनेका छन्। सुरुवातमा साधारण श्रमिकका रूपमा काम थालेका श्रेष्ठले कठिनाइ, अपमान र चिसो–तातो मौसमको पर्वाह नगरी आफ्नो काममा निरन्तरता दिए। उनका नजिकका साथीहरू भन्छन् — “७:५५ मा उठेर पनि मुख नधोई काममा पुग्ने, र दिनभर घाम–पानीको पर्वाह नगरी काममा तल्लिन रहने राजन दाइजस्तो समर्पण विरलै देखिन्छ।” श्रेष्ठको दैनिकीमा विलास छैन — तर उद्देश्य छ। उनी भन्छन्, “म कमजोर छु भनेर कहिले हरेस खानु हुँदैन। कोरियनले गाली गर्‍यो भनेर डराउने होइन, बरु उसकै काम खोस्ने गरी राम्रो गर्नुपर्छ।” यही आत्मबल र लगनका कारण आ...

दक्षिण कोरियामा २५औं वार्षिकोत्सव भव्य रूपमा सम्पन्न गरी २९ औ बसन्तमा प्रवेश गरेको स्याङ्जा परिवार दक्षिण कोरियाले अब आफ्नो नाम परिवर्तन गरी ‘स्याङ्जा समाज दक्षिण कोरिया’ राख्ने निर्णय गरेको छ। संस्थाले “स्याङ्जाली एकता उपकारी मन, सद्भाव संगै बिताऔं परदेशी जीवन” भन्ने मूल उद्देश्यलाई आत्मसात गर्दै एकीकृत, सशक्त र व्यवस्थित संरचना बनाउने उद्देश्यले संस्थाको नाम आधिकारिक रूपमा परिवर्तन गरेको हो। संस्थाका अध्यक्ष सुशिल गुरुङ र सचिव टोजिन्द्र गुरुङले संयुक्त रूपमा जारी गरेको विज्ञप्तिमा भनिएको छ — “संस्थाको विगतका कार्य, संरचना र उद्देश्यलाई निरन्तरता दिँदै अब सबै गतिविधि ‘स्याङ्जा समाज दक्षिण कोरिया’ नामबाट सञ्चालन गरिनेछ।” यससँगै संस्थाका शाखा — स्याङ्जा परिवार दक्षिण कोरिया थेगु शाखा र किम्हे/बुसान शाखा — पनि नयाँ नाम स्याङ्जा समाज दक्षिण कोरिया अन्तर्गत रहनेछन्। २९ वर्षदेखि दक...

जेन्जी आन्दोलन, नेपालका तर्फबाट रवि किरण हमालले नेपाल प्रहरी महानिरीक्षकलाई प्रधानमन्त्री सुशीला कार्कीविरुद्ध औपचारिक निवेदन दर्ता गरेका छन्। निवेदनमा कार्कीमाथि "सत्ता कु गरेर अवैधानिक रूपमा प्रधानमन्त्री पदमा आसिन भएको" र "जेन्जी विद्रोहका क्रममा युवामाथि भएको हिंसा र बलिदानको अपमान गरेको" आरोप लगाइएको छ। निवेदनमा भनिएको छ, “प्रधानमन्त्री कार्कीले देशका युवाको रगत माथि सत्ता कब्जा गरेर राष्ट्रको गरिमा, गोपनीयता र मर्यादाविपरीत गम्भीर राष्ट्रघातको खतरा उत्पन्न गर्नुभएको छ।” रवि किरण हमालले आफ्नो निवेदनमार्फत प्रधानमन्त्री कार्की र उनको मन्त्रिपरिषद्का सदस्यहरूलाई “भ्रष्टाचार, राष्ट्रविरोधी गतिविधि र बलिदानीहरूको अपमानमा संलग्न भएको” आरोप लगाउँदै तत्काल पक्राउ गरी निष्पक्ष कानुनी छानबिन गर्न माग गरेका छन्। निवेदनमा उल्लेख गरिएको छ कि कार्कीको नेतृत्वमा बनेको सरकारले जेन्जी विद्रो...

बोम्जन गुरुङ:दश वर्षअघि दर्शकमाझ चर्चित बनेका कबड्डी फिल्मका जोडी दयाहाङ राई र रिश्मा गुरुङ अभिनीत नेपाली कथानक चलचित्र ‘रिमै’ अब दक्षिण कोरियाको सउलमा प्रदर्शन हुने भएको छ। तमु धीं दक्षिण कोरियाको आयोजनामा नोभेम्बर २ (आइतबार) का दिन विद्यार्थीको अक्षय कोष स्थापना सहयोगार्थ सउलको [종로구민회관, 서울 종로구 지봉로 5길 7-5] मा चलचित्र प्रदर्शन गर्न लागिएको हो। संस्थाका अध्यक्ष तेज गुरुङका अनुसार, यो प्रदर्शनले एकातिर आर्थिक रूपमा कमजोर तर मेधावी विद्यार्थीको भविष्यका लागि अक्षय कोष स्थापनामा सहयोग गर्नेछ भने अर्कातिर नेपाली चलचित्रको प्रोत्साहनमा समेत टेवा पुग्नेछ। ‘रिमै’ चलचित्र खिल बहादुर गुरुङको निर्देशनमा बनेको हो। गुरुङ समुदायको सामाजिक तथा सांस्कृतिक पृष्ठभूमिमा आधारित यस फिल्मले परम्परा र व्यक्तिगत इच्छाबीचको द्वन्द्व, साँचो प्रेमको खोजी, र छोरीचेलीको महत्व जस्ता गहिरा विषय उठाएको छ। दया...