नीर शाह स्टारर फिल्म ‘परान’ २०८२ सालमा अहिलेसम्म सबैभन्दा धेरै कमाउने नेपाली फिल्म बनेको छ । प्रदर्शनको २१ औं दिन बिहीबार बेलुका ६ बजेसम्म फिल्मले सिनेपाः बक्सअफिसमा १२ करोड ६६ लाख रुपैयाँ नेरु ग्रस कमाएको छ ।
फिल्मले अनमोल केसी स्टारर रोमान्टिक ड्रामा ‘जेरी अन टप’ को कमाइलाई समेत उछिनेको छ । जेरीको कमाइ बिहीबार बेलुका ६ बजेसम्म बक्सअफिसमा १२ करोड १४ लाख नेरु ग्रस छ ।दीपक आचार्य ‘काकु’ निर्देशित ‘परान’ ले आगामी सप्ताहन्त (शुक्रबार र शनिबार) १४ करोडको आँकडा पार गर्ने प्रक्षेपण छ । यो अनुमानका सूचक सकारात्मक यसकारण देखिएका छन् कि फिल्मले विकडेजमा पनि दैनिक ३० देखि ५० लाख औषत कमाइरहेको छ, जुन सशक्त हो ।
बलियो ‘वर्ड अफ माउथ’ लाई, जसको कारण यो फिल्मको गति अझै रोकिएको छैन । फिल्म अन्तर्राष्ट्रिय बजारहरूमा पनि प्रदर्शन तयारीमा छ । यसै अनुरुप कोरियामा पनि डाइनामिक मोरङ कमिटिले कोरिया प्रदर्सन अधिकार पाए संगै कोरियाको बिभिन्न शहरहरुमा प्रदर्सन हुने पक्का भएको छ ।
कोरियाको आनसान सहित बिभिन्न शहरहरुमा नोभेम्बर २९ तारिक देखिनै प्रदर्सन हुने चलचित्र कोरियाको अन्य शहरहरुमा प्रदर्शन गर्न इच्छुकले डाइनामिक मोरङ कमिटिलाई संपर्क गर्न अनुरोध समेत गरिएको छ।
