तनहुँ समाज दक्षिण कोरियाले आन्तरिक वनभोज कार्यक्रम साथै १५ औँ अधिवेशन समारोह गर्दै
विशाल आवाज: दक्षिण कोरियाको सक्रिय संस्था तनहुँ समाज दक्षिण कोरियाले मे ३ र ४ तारिखका दिन सउलमा आन्तरिक वनभोज कार्यक्रम २०२५ साथै १५ औँ अधिवेशन समारोह एवं मौलिक कौडा नृत्य प्रस्तुति गर्ने भएको छ।
“आपसी मेलमिलाप, सद्भावना र सहभागिता आजको एकता नै प्रवासीको आवश्यकता” भन्ने नारासहित दक्षिण कोरियामा रहेको तनहुँ समाज दक्षिण कोरियाले 서울시 광복구 우이동 산 75번지 먹거리마을 मा आन्तरिक वनभोज कार्यक्रम २०२५ साथै १५ औँ अधिवेशन समारोह एवं मौलिक कौडा नृत्य प्रस्तुति गर्ने भएको छ।
विभिन्न नेपाली परिकार सँगै विविध सांस्कृतिक कार्यक्रम र आरामदायी बासको सम्पूर्ण व्यवस्थासहितको कार्यक्रममा सहभागिता जनाउनका पुरुषको लागि ७० हजार वन र महिलाको लागि ५० हजार वन र दक्षिण कोरिया प्रवेश गरेको छ महिनाभन्दा कम समय भएको विद्यार्थीहरूका लागि ३० हजार वन प्रवेश शुल्क तोकिएको छ।
बिगतका बर्षहरुमा जस्तै यसपालिको कार्यक्रममा प...
