जेजुदोमा दोस्रो KYC JEJU फुटसल कप २०२५ आयोजना हुँदै
जेजु, दक्षिण कोरिया – किरात याक्थुङ चुम्लुङ जेजुदो शाखाले आफ्नो सातौँ वार्षिकोत्सवको अवसर पारेर दोस्रो KYC JEJU फुटसल कप २०२५ आयोजना गर्ने भएको छ। प्रतियोगिता यही सेप्टेम्बर २७ तारिख साँझ ६ बजेदेखि राति १ बजेसम्म जेजु सहरको 연삼로 ६२७ (거로풋살장) मा हुने बताइएको छ।
प्रतियोगितामा सहभागी हुने टिमहरूले सेप्टेम्बर २३ सम्म दर्ता गर्नुपर्नेछ। टिम दर्ता शुल्क २ लाख ५० हजार वोन तोकिएको आयोजक समितिले जनाएको छ। प्रत्येक टिममा ६ खेलाडी र अतिरिक्त ३ जना समावेश गर्नुपर्ने व्यवस्था गरिएको छ।
खेललाई आकर्षक बनाउन उच्च रकमको पुरस्कार तोकिएको छ। प्रथम हुने टिमले १० लाख वोनसहित ट्रफी, मेडल र प्रमाणपत्र प्राप्त गर्नेछ भने दोस्रो हुने टिमलाई ५ लाख वोनसहित ट्रफी, मेडल र प्रमाणपत्र प्रदान गरिनेछ। साथै उत्कृष्ट गोलरक्षक, उत्कृष्ट खेलाडी र सर्वाधिक गोलकर्ताले जनही ५० हजार वोनसहित मेडल प्राप्त गर्नेछन्।
...
