दक्षिण कोरियामा रहेका नेपालीहरूबीच आपसी सहयोग, एकता र संस्कृतिको संरक्षणमा सक्रिय उदयपुर सेवा समाज दक्षिण कोरियाले यस वर्षको छुसक पर्वलाई विशेष बनाउन “साईला साईली डान्स पार्टी–भाग २” आयोजना गर्ने भएको छ।
आपतकालीन राहत कोष स्थापना गर्ने उद्देश्यसहित हुने यो कार्यक्रम आगामी अक्टोबर ६ तारिख (सोमबार) का दिन सोलस्थित 서울시 동대문구 천호대로 69길 12, 콜라텍मा साँझ ६ बजेबाट सुरु भई भोलिपल्ट बिहान ५ बजेसम्म निरन्तर चल्नेछ।
कार्यक्रमलाई आकर्षक बनाउन चर्चित कलाकारहरूको विशेष प्रस्तुति रहनेछ जसमा डीजे RUM ACE, र्यापर AKA MYDEV, र्यापर तथा नृत्याङ्गना दिव्या खड्का, मिस पिगलेट र डान्सर दीप मगरले प्रस्तुत गर्ने भएका छन्। छुसकको रमाइलो अवसरलाई अझ उल्लासमय बनाउन आयोजकले तयारी पूरा गरिसकेको जनाइएको छ।
नेपाली समुदायबीचको भेटघाट र मनोरञ्जनसँगै समाजसेवाको लागि सहयोग गर्ने उद्देश्यले आयोजना गरिएको यो कार्यक्रम प्रवेश टिकट ३०००० वोन तोकिएको छ। Metro Line No.5 को 답십리역 गेट नं.१ बाट नजिकै पुग्न सकिने स्थलमा पुग्न सहज बनाउन 동대문역 गेट नं.३ बाट बसको व्यवस्था समेत गरिएको छ।
आयोजक उदयपुर सेवा समाज दक्षिण कोरियाले सम्पूर्ण दाजुभाइ दिदीबहिनीलाई उपस्थित भई कार्यक्रमलाई सफल बनाउन हार्दिक अनुरोध गरेको छ।
