कालीगण्डकी समाज दक्षिण कोरियाको छैठौं अधिवेशन तथा सलनाल भेटघाट सम्पन्न अध्यक्षमा कृष्ण प्रसाद न्यौपाने सर्वसम्मत चयन
कालीगण्डकी समाज दक्षिण कोरिया द्वारा आयोजित छैठौं अधिवेशन तथा सलनाल भेटघाट कार्यक्रम नमस्ते रेष्टुरेन्टको सभाहल, सउलमा भव्य रूपमा सम्पन्न भएको छ।
सन् २०१५ मा स्थापित संस्थाको मूल नारा “हाम्रो चाहना, समृद्ध समाज निर्माणको परिकल्पना” लाई आत्मसात गर्दै सम्पन्न अधिवेशन समाजका कार्यवाहक अध्यक्ष अनिल अधिकारी राजु ज्यूको सभाध्यक्षता तथा गण्डकी प्रदेश समाज दक्षिण कोरिया का अध्यक्ष नर कुमार गुरुङ ज्यूको प्रमुख आतिथ्यतामा सम्पन्न भएको हो।
कार्यक्रममा समाजका संरक्षक तथा पूर्व कार्यवाहक अध्यक्ष ह्यारी बोण्ड ज्यूले स्वागत मन्तव्य व्यक्त गरेका थिए भने कोषाध्यक्ष केशव पाण्डेय ज्यूले प्रगति प्रतिवेदन तथा आर्थिक आय–व्यय विवरण प्रस्तुत गरेका थिए।
विशेष अतिथिहरूमा स्याङ्जा समाज दक्षिण कोरिया, कास्की परिवार दक्षिण कोरिया, नेपाल मुक्तक प्रतिष्ठान कोरिया शाखा, गुल्मी सम्पर्क समिति दक्षिण कोरिया, वन्जु ...
