राप्ती समाज दक्षिण कोरियाले कोरियन नयाँ वर्ष तथा महाशिवरात्रि को पावन अवसरमा प्रवासी भूमिमा रहँदै आएका नेपाली समुदायबीच आपसी एकता, सद्भाव र भाइचारा कायम गर्नुका साथै मातृभूमिको कला–संस्कृतिको संरक्षण र प्रवर्द्धन गर्ने उद्देश्यले फेब्रुअरी १५, २०२६ मा आयोजना गरेको ‘राप्ती सांस्कृतिक साँझ तथा रात्री भोज कार्यक्रम २०२६’ को आय–व्यय विवरण सार्वजनिक गरेको छ।
सार्वजनिक गरिएको विवरण अनुसार कार्यक्रमबाट कुल २ करोड १० लाख ६७ हजार ३३३ वोन आम्दानी भएको छ। आम्दानीतर्फ संस्थागत सहयोगबाट २० लाख २६ हजार वोन, उपस्थितिबाट १ करोड ४१ लाख ६० हजार वोन, कार्यक्रम लक्षित सहयोगबाट ४१ लाख २० हजार ३३३ वोन तथा प्रायोजनबाट ७ लाख ६१ हजार वोन संकलन भएको उल्लेख गरिएको छ।
त्यस्तै कार्यक्रम सञ्चालनका क्रममा १ करोड २९ लाख १६ हजार वोन खर्च भएको छ। जसअन्तर्गत प्रचार–प्रसार, व्यानर तथा टिकट व्यवस्थापनमा ५ लाख ४६ हजार वोन र होटल, कलाकार तथा फोटोग्राफर व्यवस्थापनमा १ करोड २३ लाख ७० हजार वोन खर्च भएको विवरणमा उल्लेख छ।
कुल आय–व्ययको हिसाब गर्दा कार्यक्रमबाट ८१ लाख ५१ हजार ३३३ वोन बचत गर्न संस्था सफल भएको जनाएको छ।
उक्त आय–व्यय विवरणमा महासचिव अर्जुन केसी, कोषाध्यक्ष प्रकाश चन्द्र घर्ती, कार्यक्रम संयोजक सुबिन्द्र मगर तथा अध्यक्ष किशन वली ले हस्ताक्षर गर्दै सार्वजनिक गरेका हुन्। साथै कार्यक्रम सफल बनाउन सहयोग गर्ने सम्पूर्ण नेपाली समुदाय, सहयोगी संस्था तथा प्रायोजकहरूलाई संस्थाले धन्यवाद व्यक्त गरेको छ।
