Author: एलिना

दक्षिण कोरियाली खाद्य कम्पनी साम्याङ फुड्सको विश्वप्रसिद्ध ‘बुल्डाक रामेन’लाई उत्तर कोरियाले नक्कल गरी चीनको बजारमा उतारेको तथ्य सार्वजनिक भएको छ। डोङ–ए विश्वविद्यालयका प्राध्यापक काङ डोङ–वानले मंगलबार आफ्नो युट्युब च्यानलमार्फत यो नुडल्स देखाउँदै आफूले चीनबाट ल्याएको जानकारी दिएका हुन्। ‘स्पाइसी किम्ची बिबिम खुक्सु’ नाम दिइएको उक्त नुडल्स पाँच प्याकको सेटमा बिक्री भइरहेको छ, जसको प्याकेजिङ साम्याङको उत्पादनसँग अत्यन्तै मिल्दोजुल्दो छ। प्याकेटमा कालो पृष्ठभूमि, रातो र सेतो अक्षरको संयोजन, साथै आगो फ्याँकिरहेको कुखुराको कार्टुन पात्र प्रयोग गरिएको छ, जुन साम्याङको आधिकारिक मस्कट ‘होची’सँग झण्डै उस्तै देखिन्छ। प्याकेजिङको पछाडिपट्टि उत्पादन कम्पनीलाई ‘रासोन र्योङ्सोन जोइन्ट भेन्चर कम्पनी’ भनेर उल्लेख गरिएको छ भने उत्पत्तिस्थानमा ‘डेमोक्रेटिक पिपल्स रिपब्लिक अफ कोरिया’ अर्थात् उत्तर कोरिया...

नेपाल आदिवासी जनजाति महासंघ ख्यङ्साङनाम्दो बुसान शाखाले आफ्नो ऐतिहासिक पाँचौं अधिवेशन २०२५ आगामी सेप्टेम्बर २८ आइतबारका दिन गर्ने भएको छ। “मौलिक भाषा, धर्म, संस्कृति र परम्पराहरुको संरक्षण गर्दै आत्मसम्मान, सहअस्तित्व र पहिचान प्राप्तिको लागि गोलबद्ध बनौँ” भन्ने मूल नारासहित स्थापना भएको यो महासंघले आदिवासी जनजातिहरुको साझा पहिचान, अधिकार र ऐक्यबद्धताका लागि यो अधिवेशनलाई महत्वपूर्ण मानिएको छ। अधिवेशन न्यू लिटल इण्डियाको सभाहल, किम्हे (경상남도 김해시 서상동 27-31) मा दिउँसो १२ बजे सुरु हुनेछ। आयोजकहरूले सम्पूर्ण महानुभाव, संघसंस्था, अग्रज, साथीभाइ र शुभेच्छुकहरुलाई गरिमामय उपस्थितिको लागि हार्दिक निमन्त्रणा गरेका छन्। यस अधिवेशनमार्फत संस्थाको आगामी कार्ययोजना, नेतृत्व चयन तथा समुदायबीचको आपसी सहयोग र एकतामा टेवा पुग्ने अपेक्षा गरिएको छ।...

सेयर बजारमा नेगेटिभ सर्किट ब्रेक लागेको छ। खुलेको २ मिनेटमै नेप्से परिसूचक ४ प्रतिशतले अंकले घटेपछि नकारात्मक सर्किट लागेको हो। नेप्से परिसूचकमा नकारात्मक सर्किट लागेपछि कारोबार २० मिनेटका लागि स्थगित गरिएको छ। आज प्रि ओपन सेसनमा नेप्से परिसूचक उच्च अंकले घटेको थियो। जेनजी आन्दोलनपछि बन्द भएको सेयर बजार आजबाट खुलेको हो। कारोबार सुरू भएको पहिलो एक घण्टाभित्र ४ प्रतिशतले बजार बढेमा वा घटेमा सर्किट ब्रेक लाग्ने व्यवस्था छ । सर्किट ब्रेक लागेमा २० मिनेटका कारोबार बन्द हुन्छ। कारोबार सुरू भएको पहिलो घण्टामा ४ प्रतिशत,दोस्रो घण्टामा ५ प्रतिशत र त्यसपछि ६ प्रतिशतले घटे वा बढेमा सर्किट ब्रेक लाग्ने व्यवस्था छ। पहिलो सर्किट ब्रेक लाग्दा नेप्से परिसूचक १०७.०४ अंकले घटेर २५६५.२१ विन्दुमा पुगेको छ।...

गैर आवासीय नेपाली संघ, राष्ट्रिय समन्वय परिषद् (NRNA) दक्षिण कोरिया र कोरियन मेडिकल विभागको संयुक्त पहलमा कोरियामा कार्यरत नेपाली समुदायलाई लक्षित गर्दै निशुल्क स्वास्थ्य शिविर आयोजना हुने भएको छ। आयोजकले जारी गरेको सूचनाअनुसार उक्त कार्यक्रम २०२५ सेप्टेम्बर २०, शनिबार का दिन सउलस्थित 서울점프정형외과 (Seoul Jump Orthopedic Hospital) मा हुने छ। शिविरमा सामान्य स्वास्थ्य परीक्षण, आवश्यक परामर्श, बृहत स्वास्थ्य जाँच लगायतका सेवा निशुल्क रुपमा प्रदान गरिनेछ। एनआरएनए कोरियाका अध्यक्ष पार्वती तामाङका अनुसार कोरियामा कार्यरत नेपाली श्रमिक, विद्यार्थी तथा आप्रवासीहरूको स्वास्थ्य पहुँच सहज बनाउन यो पहल गरिएको हो। उहाँले सबै नेपाली समुदायलाई उक्त दिन उपस्थित भई सेवा लिन आग्रह गर्नुभएको छ। सम्पर्क व्यक्ति:  • पार्वती तामाङ : 010-8535-8860  • तारा पुन मगर : 010-7342-0412  • मिलन गुरुङ : 010...

दक्षिण कोरियाको हामान नेपाली समाजले आगामी महान चाड छुसकको अवसर पारेर नेपाली कथानक चलचित्र ‘बलिदान’ को प्रदर्शन गर्ने भएको छ। यसअघि सफलतापूर्वक ‘१२ गाउँ’ प्रदर्शन गरिसकेको समाजले दोस्रो पटक चलचित्र प्रदर्शन गर्ने तयारी गरेको हो। समीर भट्टद्वारा अभिनीत, सन्तोष सेनद्वारा निर्देशित चलचित्र ‘बलिदान’ आगामी अक्टोबर ५ (आईतबार) का दिन खिम्हे–बुसान क्षेत्रमा सार्वजनिक प्रदर्शनमा आउँदैछ। कार्यक्रम 김해시 활철로 294 (은석문화회) मा दिउँसो १:३० बजेबाट सुरु हुने आयोजकले जनाएको छ। चलचित्र हेर्नको लागि टिकट मूल्य २५,००० वोन तोकिएको छ। चलचित्र तोकिएको समयमा नै सुरु हुने भएकाले दर्शक महानुभावहरूलाई समयमै उपस्थित रहन आयोजकले अनुरोध गरेको छ। हामान नेपाली समाज दक्षिण कोरियाले सम्पूर्ण नेपाली समुदायलाई उपस्थित भई नेपाली चलचित्रलाई माया र साथ दिन आग्रह गर्दै यस कार्यक्रमलाई सफल पार्न सहयोग गर्न हार्दिक निमन्त्रणाक...