गैर आवासीय नेपाली संघ, राष्ट्रिय समन्वय परिषद् (NRNA) दक्षिण कोरिया र कोरियन मेडिकल विभागको संयुक्त पहलमा कोरियामा कार्यरत नेपाली समुदायलाई लक्षित गर्दै निशुल्क स्वास्थ्य शिविर आयोजना हुने भएको छ।
आयोजकले जारी गरेको सूचनाअनुसार उक्त कार्यक्रम २०२५ सेप्टेम्बर २०, शनिबार का दिन सउलस्थित 서울점프정형외과 (Seoul Jump Orthopedic Hospital) मा हुने छ। शिविरमा सामान्य स्वास्थ्य परीक्षण, आवश्यक परामर्श, बृहत स्वास्थ्य जाँच लगायतका सेवा निशुल्क रुपमा प्रदान गरिनेछ।
एनआरएनए कोरियाका अध्यक्ष पार्वती तामाङका अनुसार कोरियामा कार्यरत नेपाली श्रमिक, विद्यार्थी तथा आप्रवासीहरूको स्वास्थ्य पहुँच सहज बनाउन यो पहल गरिएको हो। उहाँले सबै नेपाली समुदायलाई उक्त दिन उपस्थित भई सेवा लिन आग्रह गर्नुभएको छ।
सम्पर्क व्यक्ति:
• पार्वती तामाङ : 010-8535-8860
• तारा पुन मगर : 010-7342-0412
• मिलन गुरुङ : 010-7375-9085
• दुर्गा प्रसाद ढकाल : 010-2893-2046
• विकास बोहोरा : 010-2625-3645
स्थान:서울 광진구 아차산로 382 (2호선 구의역 4번 출구) 서울점프정형외과
एनआरएनए कोरियाले विश्वास व्यक्त गरेको छ कि यस शिविरले कोरियामा रहेका नेपालीहरूलाई प्रत्यक्ष सहयोग पुर्याउनेछ।
