डिसेम्बर ७ मा सौलमा ’चासोक तङनाम विशेष शुभकामना तथा सांस्कृतिक कार्यक्रम’ हुने
किरात याक्थुङ चुम्लुङ दक्षिण कोरियाको आयोजनामा लिम्बू समुदायको महान चाड ‘चासोक तङनाम’ (येले तङ्बे ५०८५ – उधौली पर्व) को अवसरमा विशेष शुभकामना आदान–प्रदान तथा सांस्कृतिक कार्यक्रम आगामी डिसेम्बर ७, आइतबार का दिन सौलमा भव्य रूपमा आयोजना गरिने भएको छ।
आयोजकका अनुसार बिगतका वर्षहरूझै यस वर्ष पनि आफ्नै भाषा, संस्कृति, कला र परम्पराको संरक्षण तथा संवर्द्धन गर्दै यो पर्वलाई समुदायको एकता, पहिचान र सहकार्यको प्रतीकका रूपमा मनाइनेछ।
कार्यक्रममा चर्चित याक्थुङ गायक–गायिकाहरूको बेजोड प्रस्तुति, साथै मौलिक नृत्य यालाङ (धान नाच), च्याब्रुङ नाच (के–लाङ), र मौलिक परिकारहरू याङ्वेन, तोङ्बा लगायतका विभिन्न सांस्कृतिक प्रस्तुति तथा मनोरञ्जनात्मक कार्यक्रमहरू रहने बताइएको छ।
आयोजकले कोरियामा क्रियाशील विभिन्न संघ–संस्था, राजनीतिक दल, बुद्धिजीवी, व्यवसायी, पत्रकार, विद्यार्थी, याक्थुङ तथा गैर–याक...

