Day: २ बैशाख २०८२, मंगलवार ०३:१९

दक्षिण कोरियामा गैरकानुनी रूपमा बसेका तीन जना नेपालीलाई निष्कासन (डीपोर्ट) गरिएको छ। कोरियाली अध्यागमन प्रहरीले उनीहरूलाई कोरियन एयरको विमानबाट नेपाल फर्काएको हो। निष्कासनमा पर्नेमा नेपाली, गुरुङ र योगी थरका रहेको स्रोतले जानकारी दिएको छ। उनीहरू गैरकानुनी तरिकाले दक्षिण कोरियामा बस्दै आएका थिए। उनीहरूलाई यसै साता काठमाडौं फर्काइएको थियो। यसअघि दक्षिण कोरियाले दुई जनालाई निष्कासन गरेको थियो। निष्कासनमा पर्नेमा श्रेष्ठ र थापा मगर थरका रहेका थिए। पछिल्लो समय गैरकानुनी रूपमा बसोबास गर्ने विदेशीहरूमाथि दक्षिण कोरियाले निगरानी बढाएको छ। अवैधरूपमा बसोबास गर्ने नेपालीहरू पनि त्यहाँको अध्यागमनको निशानामा पर्दै आएका छन्।...

सुदूरपश्चिम समाज, दक्षिण कोरियाले नयाँ नेपाली वर्ष २०८२ को अवसरमा शुभकामना आदानप्रदान तथा देउडा कार्यक्रम सम्पन्न गरेको छ । सुदूरपश्चिममा प्रत्येक नयाँ वर्षको अवसरमा मनाइँदै आएको मौलिक पर्व “विशु पर्व” लाई लक्षित गर्दै समाजले देउडा खेलसहितको मनोरञ्जनात्मक कार्यक्रम आयोजना गरेको हो । आइतबार सम्पन्न उक्त कार्यक्रममा कोरियामा विभिन्न क्षेत्रमा कार्यरत सुदूरपश्चिमका थुप्रै व्यक्तित्वहरूको उल्लेखनीय उपस्थिति रहेको थियो । कार्यक्रममा लोकप्रिय देउडा गायिका गिता चनाराले कर्णाली र सुदूरपश्चिम क्षेत्रका लोक भाका तथा देउडा गीतहरू प्रस्तुत गरेर दर्शकहरूलाई मनोरञ्जन प्रदान गरेकी थिइन् । कार्यक्रममा समाजका अध्यक्ष महेश भट्टले गायिका चनारालाई प्रशंसापत्र र दोसल्ला ओढाएर सम्मान गरेका थिए । कोरियाको राजधानी सउलमा सम्पन्न सो कार्यक्रममा सुदूरपश्चिम समाजका अध्यक्ष महेश भट्टको सभापतित्व रहेको थिय...