धनगढी उपमहानगरका प्रमुख टोलीलाई बिपिन कुमार गुरुङको NRNA दक्षिण कोरियाद्वारा स्वागत, द्विपक्षीय विकास–सहयोगबारे गहन छलफल
धनगढी उपमहानगरपालिकाका प्रमुख गोपी हमाल र उपप्रमुख कन्दकला कुमारी राना सहितको प्रतिनिधि टोलीलाई बिपिन कुमार गुरुङको गैर आवासीय नेपाली संघ, राष्ट्रिय समन्वय परिषद् (NRNA) दक्षिण कोरियाले विशेष स्वागत गरेको छ। स्वागत कार्यक्रमसँगै नेपाल–दक्षिण कोरिया बीचको विकास, प्रभावकारी सहकार्य र दीर्घकालीन महत्वका परियोजनाबारे विस्तृत छलफल गरिएको जानकारी दिइएको छ।
एनआरएएनए दक्षिण कोरियाले कोरियामा बसोबास गर्ने नेपाली श्रमिक, विद्यार्थी तथा विभिन्न वर्गले भोग्दै आएका समस्या, गुनासा र आवश्यकता बारे उपमहानगर प्रतिनिधि टोलीसँग खुला संवाद गरेको छ। साथै, कोरियामा रहेका नेपालीहरूले नेपालमा कसरी सुरक्षित तथा दिगो लगानी गर्न सकिन्छ, नेपालमै रोजगारी सिर्जना गर्ने रणनीति कसरी प्रभावकारी बनाउन सकिन्छ भन्ने विषयमा पनि सुझाव र आग्रह राखिएको अध्यक्ष बिपिन कुमार गुरुङले बताए।
उक्त छलफलले नेपाल र दक्षिण कोरिया बीच...
