Day: १७ आश्विन २०८२, शुक्रबार १२:१३

जङ्गलमा २४ घण्टाभन्दा बढी हराएकी ७७ वर्षीया वृद्धालाई एक नेपाली श्रमिकले भेटी उद्धार गरेपछि उनको योगदानप्रति स्थानीयबासीदेखि परिवारजनसम्मले प्रशंसा गरेका छन्। गत सेप्टेम्बर ३० तारिख साँझ ६:३८ बजे इनजे खिरिनम्योन सेरि गाउँस्थित डाँडामा गएकी वृद्धा हराएपछि परिवारले प्रहरीमा उजुरी गरेका थिए। प्रहरी र उद्धारकर्मीहरूले व्यापक खोजी गरे पनि तत्काल भेटाउन सकेका थिएनन्। वृद्धा डिमेन्सियाबाट पीडित भएकाले स्वयम् फर्किन असम्भवजस्तै देखिएको थियो। तर करिब २४ घण्टापछि, अक्टोबर १ तारिख साँझ ५:३० बजे, सोही क्षेत्रमा बस्दै आएका ३३ वर्षीय नेपाली श्रमिक विसाल खरेलले असामान्य आवाज सुनेपछि शंका गर्दै जङ्गलतर्फ खोजी थाले। कार्यस्थल नजिकै कुकुर असामान्य रूपमा भुकिरहेको देखेर उनी तत्कालै डाँडातर्फ पुगे र काँपिरहेको अवस्थामा वृद्धालाई भेटे। विशालले फलामे भर्‍याङ प्रयोग गरी वृद्धालाई करिब १५० मिटर टाढा रहेक...