कर्णाली प्रदेश समाज, दक्षिण कोरियाको चौँथो अधिवेशन भव्य रूपमा सम्पन्न, तिलक हमालको नेतृत्वमा नयाँ कार्यसमिति चयन
दक्षिण कोरियाको दोङदेमुनस्थित एक नेपाली–थाई रेस्टुरेन्टको सभाहलमा आज आइतबार कर्णाली प्रदेश समाज, दक्षिण कोरियाको चौँथो अधिवेशन अत्यन्तै भव्य, गरिमामय तथा ऐतिहासिक रूपमा सम्पन्न भएको छ।
संस्थाका अध्यक्ष धर्मराज तिवारीको सभापतित्व तथा नेपाली दूतावास, दक्षिण कोरियाकी श्रम काउन्सिलर मैयाँ कँडेलको प्रमुख आतिथ्यतामा सम्पन्न अधिवेशनले कर्णालीवासीहरूको एकता, पहिचान र संगठनात्मक शक्तिलाई थप मजबुत बनाएको छ।
कार्यक्रममा एनआरएनए तथा एनसीसीका अध्यक्षहरू, विभिन्न राजनीतिक दलका शीर्ष नेतृत्व, प्रदेश तथा जिल्लागत संस्थाका प्रतिनिधिहरू, साथै जातीय, धार्मिक तथा क्षेत्रीय संघसंस्थाका प्रमुखहरूको उल्लेखनीय उपस्थिति रहेको थियो। साथै संस्थाका संरक्षक, सल्लाहकार तथा जिल्ला संयोजकहरूको सहभागिताले कार्यक्रमलाई अझ गरिमामय बनाउनुका साथै आपसी सहकार्य, सद्भाव र एकताको सन्देश प्रवाह गरेको आयोजकले जनाएको छ।
अध...