विशाल आवाज: “जिल्ला स्तरीय रूपमा छात्रवृत्ति अक्षय कोष निर्माणर्थ” यही आउँदो जुन ३० तारिखका दिन फारान स्थित लालीगुराँस स्पोर्ट्स हाउसमा संखुवासभा सम्पर्क परिवार दक्षिण कोरियाद्वारा बृहत पुल टुर्नामेन्ट हुने भएको छ।
संखुवासभा सम्पर्क परिवार दक्षिण कोरियाको आयोजनामा संखुवासभामा रहेका दुःखी, पिछडिएका वर्ग जेहनदार तथा अभिभावकविहीन विद्यार्थीहरुलाई लक्षित गरी गृह जिल्ला स्तरीय रुपमा छात्रवृत्ति अक्षय कोष निर्माण गर्ने अभियानका साथ हुने पुल प्रतियोगितामा विजेता र उपविजेता हुने खेलाडीले आकर्षक ट्रफी,मेडल र प्रमाण पत्र सहित क्रमशः २० लाख र १० लाख कोरियन वोन पुरस्कार प्राप्त गर्नेछन् भने सान्त्वना स्थान हासिल गर्ने खेलाडीलाई ५ लाख कोरियन वोन सहित ट्रफि,मेडल र प्रमाण पत्र प्रदान गरिने आयोजक संस्थाका अध्यक्ष पासाङ डि शेर्पाले जानकारी दिनुभयो। विभिन्न पुल प्रतियोगितामा भाग लिइ विजयी भइसकेको अनुभव बटुलेका आधारमा पछिल्लो समय युवा पुस्ताको पुल खेलप्रतिको बढ्दो क्रेजले प्रतियोगिता थप ब्यापक र उत्साहजनक हुने संस्थाको उपाध्यक्ष तथा खेल संयोजक पासाङ शेर्पाले विशाल आवाजलाई बताउनुभयो।
खेलसम्बन्धी टाईसिट जुन २९ मा निर्माण गरिने र ३० तारिखका दिन बिहान ९ बजेदेखि शुरु हुने प्रतियोगितामा खेलाडीलाई प्रवेश शुल्क स्वरुप १ लाख कोरियन वोन निर्धारण गरिएको छ।प्रतियोगितामा खेलाडी नाम दर्ता प्रक्रिया शुरु भईसकेको हुनाले प्रतियोगी दर्ताका लागि 신헌 बैंकमा रहेको LAMA BHOTE JAMLING को 110541728750 खाता नम्वरमा जुन २९ तारिख शनिबार साँझ ८ बजेसम्म आफ्नो नाम दर्ता गरिदिनुहुन कोषाध्यक्ष भोटे जाम्लिङ लामा ले अनुरोध गरेको छ।
साथै पुल प्रतियोगिता कार्यक्रम सफल बनाउन सम्पूर्ण खेलप्रेमी महानुभावहरुलाई सहयोगको अपिल गर्दै उपस्थितिको लागि आयोजकले हार्दिक निमन्त्रणा समेत गरेको छ ।
