विशाल श्रेष्ठ/दक्षिण कोरिया:ओपन हार्ट क्लब बागलुङ दक्षिण कोरियाले यहि मे ५ तारिखका दिन ह्वासङमा प्रथम OHC BAGLUNG ब्याडमिन्टन प्रतियोगिता २०२४ गर्ने भएको छ।
प्रवासमा सम्पुर्ण बाग्लुङ्गेहरुको एउटै आह्वान कला , सस्कृती, खेलकुद र भाइचारा हामी नेपाली हरुको पहीचान” भन्ने मुल नारा लिएर स्थापित OHC बागलुङले दक्षिण कोरियाको ब्याडमिन्टन प्रतियोगिताको इतिहासमै हालसम्मकै सबैभन्दा उच्च राशिको ब्याडमिन्टन प्रतियोगिता गर्न लागेको हो। स्वास्थ्य र मनोरञ्जन लाइ ध्यानमा राखेर आयोजकले २०२४ मे ५ तारिखका दिन हुने प्रतियोगितामा लागि टिम दर्ता गर्न मे २तारिख सम्म woori bank 1002858630603 PAUDEL AMRIT को अकाउन्टमा डबलको लागि 80000 वन र सिङ्गलको लागि 50000 वन ट्रान्सफर गर्नुपर्नेछ। डबल खेल नकआउट २१ पोइन्टको ३ सेटको आधारमा खेलाइने र सिङ्गल खेल ३१ पोइन्टको १ सेटमा खेलाइने आयोजकले जनाएको छ। प्रतियोगिताको सिनियर/जुनियर डबल को तर्फबाट बिजेता र उपविजेता ले क्रमशः नगद ४ लाख ५० हजार वन र ३ लाख वन सहित ट्रफि मेडल प्रमाणपत्र तथा तेश्रो हुनेले नगद एक लाख ५० हजार वन सहित मेडल प्रमाणपत्र पुरस्कार पाउने छन् भने सिङ्गल तर्फको सिनियर र जुनियर क्याटवरीको विजेता र उपविजेताले क्रमशः ३ लाख वन र २ लाख वन नगद सहित ट्रफि मेडल प्रमाणपत्र र तेश्रो हुनेले १ लाख वन नगद सहित मेडल र प्रमाणपत्र पुरस्कार स्वरुप प्राप्त गर्ने छन्।
यसैगरी सहभागी खेलाडीहरूलाई लकी ड्र मार्फत र्याकेट ,टिसर्ट, ब्याग, मोजा लगायत आकर्षक उपहारहरु पनि दिइने आयोजकले जनाएको छ।
OHC ले स्थापनाकाल देखि हरेक परोपकारी कार्यमा आफ्नो उपस्थिति देखाउँदै अन्य संघसंस्थाहरुसँग निरन्तर सहकार्य र हातेमालो गरिरहेको सन्दर्भ उल्लेख गर्दै प्रतियोगिता सफल बनाउन मनकारी व्यक्ति र अन्य शुभचिन्तकहरुबाट आर्थिक,नैतिक र भौतिक सहयोगको अपेक्षा समेत आयोजकले गरेको छ। दक्षिण कोरियाको 경기도 화성시 장남면 덕절리 13 번지 민턴랩 배드민턴아카데미 मा मे ५ तारिख हुने प्रतियोगितामा कोरियामा रहनुहुने सम्पूर्ण खेलप्रेमीहरु लाइ उपस्थित भएर खेलको रौनक वढाइदिनुहुन आयोजकले अनुरोध गरेको छ।
