बोम्जन गुरुङ:२०२५ सालको कोरियन नयाँ बर्ष सलनालको अवसर पारेर कास्की परिवार दक्षिण कोरियाद्धारा आयोजना गरिएको नेपालको लोकप्रिय ब्याण्ड 1974 AD को साथमा “माछापुच्छ्रे सांगीतिक सौगात भाग ४” कार्यक्रमको आयव्यय सार्वजनिक हुने भएको छ । यही जून २२ तारिक दिनको १२ बजे शुरु हुने गरी सउलस्थित निक नेपाल ट्राभल्स दोङ्देमुनको सभाहलमा सो कार्यक्रम आयोजना गर्ने भएको हो ।
नेपाली सम्पर्क समिति (NCC) को सहजीकरण तथा गण्डकी प्रदेश समाज दक्षिण कोरियाको समन्वयमा सम्पन्न भएको उक्त कार्यक्रमको मुख्य प्रायोजक Oasis इमिग्रेसन ग्रुप र SNB कन्सल्ट्यान्सी तथा सह प्रायोजकको रुपमा पोखरा रेष्टुरेन्ट एण्ड बार रहेको उक्त कार्यक्रम “आपतकालीन राहतकोष अभिवृद्धि सहयोगार्थ” नारासँगै गत जनवरी २८ तारिक दक्षिण कोरियाको राजधानी सउल स्थित हान नदी किनारमा रहेको झम्सील रंगशालामा भव्य रुपमा सम्पन्न भएको थियो ।
कास्की परिवारद्धारा आयोजित उक्त “माछापुच्छ्रे सांगीतिक सौगात भाग ४” को आयव्यय विवरण सार्वजनिक कार्यक्रमलाई सभ्य र भव्य रुपमा सफल बनाउन कोरियास्थित सम्पूर्ण संघसंस्था, गण्डकी प्रदेश, नेपाली सम्पर्क समिति एवं आर्थिक नैतिक र भौतिक रुपमा सहयोग गर्नुहुने सम्पूर्णमा आयोजक कास्की परिवारले गरिमामय उपस्थितिको लागि हार्दिक निमन्त्रणा गरेको छ ।
