विशाल आवाज:नेपाली सम्पर्क समिति(एनसीसी) गणतन्त्र कोरियाले दोङ्देमुनमा एक कार्यक्रम गरी सलनालको अवसरमा हुने कार्यक्रम हरुको सहजीकरण गर्ने कार्य सम्पन्न गरेको छ।
नेपाली सम्पर्क समिति दक्षिण कोरियाले आइतबारका दिन दोङ्देमुन स्थित पूर्वी नेपाल समाज दक्षिण कोरियाको सभा हलमा कार्यक्रम गरी कोरियाको महान चाड सलनालको अवसरमा गरिने कार्यक्रम हरुको सहजीकरण गरेको हो। लोचन राइको संयोजकत्वमा ११ सदस्यिय सहजीकरण समिति निर्माण गरी प्रदेश वाट आन्तरिक बाडफाड भएर आएका सलनालको अवसरमा गरिने बृहत सांस्कृतिक कार्यक्रमको सहजीकरण सम्पन्न गरिएको हो।
नेपाली सम्पर्क समितिलाइ कार्यक्रम सहजीकरणका लागि गण्डकी प्रदेश समाज अन्तर्गत कास्की परिवार दक्षिण कोरियाले २०२५ जनवरी २८ तारिखका दिन र पूर्वी नेपाल समाज अन्तर्गत खोटाङ सेवा समाज दक्षिण कोरियाले २०२५ जनवरी २९ तारिखका दिन बृहत सांस्कृतिक कार्यक्रम गर्न निवेदन गरिएको थियो। यसै अन्तर्गत सहजीकरण समितिले जनवरी २८ तारिखका दिन कास्की परिवार दक्षिण कोरियालाई “आपतकालीन राहतकोष अभिबृदि” माछापुछ्रे सांगीतिक सौगात भाग ४ अनुमति दिएको छ भने जनवरी २९ तारिखका दिन खोटाङ सेवा समाज दक्षिण कोरियालाई “सामाजिक कल्याणकारी सहयोगार्थ” हलेसी साङ्गीतिक सौगात भाग ५ गर्न अनुमति दिइएको छ।
प्रदेश लगायत जनजाति महासंघले आफ्नो मातहतको संस्थाहरूबाट बाँडफाँड भइ आएका कार्यक्रम हरुलाइ सबैको सरसल्लाह अनुसार एनसिसीले प्रदेशसँगको विवादलाई टुङ्गो लगाउदै सफलतापूर्वक कार्यक्रम सहजीकरण गरेको हो। सलनालमा हुने कार्यक्रम सहजीकरण कार्यक्रममा दक्षिण कोरियामा रहेका विभिन्न संघसंस्थाका पदाधिकारी लगायत व्यक्तित्वहरूको बाक्लो उपस्थिति रहेको थियो।
