विशाल आवाज:नेपाली बक्स अफिसमा सुनामी ल्याउन सफल चलचित्र “छक्का पञ्जा ५” दक्षिण कोरियाको सुवनको मेगाबक्समा नोवेम्बेर १० तारिख प्रदर्शन हुने भएको छ।
नेपालमा प्रदर्शनको दुइ हप्तामै १७ करोड माथि कमाइसकेको दीपाश्री निरौला निर्देशित ब्लकबस्टर चलचित्र “छक्का पञ्जा ५” “तपाई हाम्रो सुख दुःखको साथी दोलखाली समाज दोलखालीको हितमा” भन्ने मूल नारा रहेको
दोलखाली समाज, दक्षिण कोरियाले दुर्गम क्षेत्रका बालबालिकाको स्वास्थ्य र शिक्षा सहयोगार्थका निम्ति नोवेम्बेर १० तारिख आइतबारका दिन दिउसो ठिक १:०० बजे सुवनको मेगाबक्समा प्रदर्शन गर्ने भएको हो। 수원시 팔달구 행궁로71 2층 메가박스 को मेगाबक्समा प्रदर्शन हुने “छक्का पञ्जा ५” को प्रवेश शुल्क ३०००० वन तोकिएको छ। चलचित्रको अग्रिम बुकिङको लागि भने पोस्टरमा दिइएको आयोजकको सम्पर्क नम्बरमा सम्पर्क गर्न सक्नुहुने आयोजकले जनाएको छ।
दुर्गम क्षेत्रका बालबालिकाको स्वास्थ्य र शिक्षा सहयोगार्थका निम्ति प्रदर्शन हुने चलचित्र हेर्न दक्षिण कोरियामा रहनुहुने सम्पूर्ण नेपाली दाजुभाइ तथा दिदीबहिनीहरूमा उपस्थितिका लागि आयोजकले निमन्त्रणा समेत गरेका छन् ।
आमा सरस्वती मूभिज र आइएमइको ब्यानरमा निर्माण भएको फिल्ममा माग्ने बुढा र निर्मल शर्मा कार्यकारी निर्माताको रुपमा छन् भने दीपकराज गिरी,वर्षा शिवाकोटी, केदार घिमिरे (माग्ने बुढा), राजाराम पौडेल, रमेश बुढाथोकी, प्रकाश घिमिरे, नरेन्द्र थापा,उत्तम केसी, दमन रुपाखेती, निर्मल शर्मा लगायत कलाकारको मुख्य भूमिका रहेको छ।
कोरियाका लागि बुकिङ खुल्ला:
यसैगरी दक्षिण कोरियाको विभिन्न सहरहरूमा नेपाली चलचित्र “छक्का पञ्जा ५” प्रदर्शन गर्न इच्छुक संघसंस्था हरुले दोलखाली समाजलाई सम्पर्क गर्नुहुनसमेत संस्थाका अध्यक्ष अभि थापाले विशाल आवाजमार्फत आह्वानसमेत गरेका छन्।
थप जानकारीकोलागी:01064856041, 01077378727, 01082272599, 01083779316, 01059324321
