आउँदै गरेको कोरियन महान् चाड छुसकको अवसरमा यसै मिति २०२४, ९ महिना १७ तारिख मङ्गलबार छुसकको दिन अन्तर्राष्ट्रिय नेपाली साहित्य समाज (अनेसास) कोरिया च्याप्टरले सौलमा आफ्नो सातौं अधिवेशन र काव्य सुधा १६५ औँ श्रृङ्खला ‘रचना वाचन’ तथा डीइबी सिकारुकृत ‘यौवन हराएको मान्छे’ लोकार्पण कार्यक्रम एकै दिन गर्ने भएको छ।
सौल, थोङ्देमुन शुभेच्छा रेस्टुरेन्टको हलमा बिहान १० बजेदेखि गरिने उक्त कार्यक्रम मा रचना वाचनमा गजल तर्फ दीप प्रदीप कुमार , कवितातर्फ भरत खत्री र मुक्तकतर्फ सञ्जय घिमिरे ज्यूहरूको विशेष रचनावाचन रहनेछ भने अन्य उपस्थित साहित्यकारहरूको पनि रचना वाचन कार्यक्रम रहनेछ।
त्यसैगरी डिईबि सिकारु को ‘यौवन हराएको मान्छे’ कृति लोकार्पण पनि हुँदैछ साथसाथै साहित्यकारहरूको उल्लेखनीय उपस्थिति र विभिन्न संघसंस्थाका प्रतिनिध एवं अनेसास कोरियाका शुभचिन्तकहरूको माझ नयाँ कार्यसमिति गठन हुने कुरा पनि संस्थाका महासचिव लोकराज न्यौपाने ले हामीलाई जानकारी दिनुभयो।
त्यसैले कोरियामा रहेर साहित्यमा कलम चलाउनु हुने र साहित्यिक संस्थामा आबद्ध हुन इच्छुक जो कोही व्यक्तिहरू उक्त अधिवेशनको दिन समय मिलाएर उपस्थित भइदिनुहुन हार्दिक निमन्त्रणा गर्नुभएको छ।
