कोरियन महान पर्व छुसकको अवसर पारी दक्षिण कोरियामा सक्रिय संस्था सिन्धुपाल्चोक समाजले सेप्टेम्बर १५ तारिख सउलमा भेटघाट तथा परिचयात्मक कार्यक्रम आयोजना गर्ने भएको छ।
“आपसी सहयोग, सद्भाव र सदाचार सिन्धुपाल्चोकबासी मिलनको आधार” भन्ने मूल नाराका साथ सन् २०१४ मा स्थापित सिन्धुपाल्चोक समाज दक्षिण कोरियाले यही आउँदो सेप्टेम्बर १५ तारिख आइतबारका दिन साँझ ६ बजेदेखि सउलको होंदे स्थित यति रेस्टुरेन्टमा (서울 마포구 와우산으로 18길 20 홍대예티) मा डिनर सहितको भेटघाट तथा परिचयात्मक कार्यक्रम गर्नेभएको हो। कोरियन महान् चाड छुसकको अवसरमा सिन्धुपाल्चोक घर भई विभिन्न सिलसिलामा दक्षिण कोरियामा रहनुभएको सम्पूर्ण दाजुभाइ तथा दिदीबहिनीहरूलाई एक अर्कासँग परिचित हुने र परिचित गराउने उद्देश्यका साथ भेटघाट तथा परिचयात्मक कार्यक्रम आयोजना गरिएको संस्थाका अध्यक्ष राजु लामाले बताउनुभएको छ ।
सिन्धुपाल्चोक समाज दक्षिण कोरियाले आफ्नो स्थापना कालदेखि नै दक्षिण कोरिया लगायत नेपालमा विभिन्न संघसंस्थाको सहकार्यमा सामाजिक कार्यहरूमा हातेमालो गर्दै आइरहेको छ।
सेप्टेम्बर १५ तारिख आइतबारका दिन साँझ ६ बजेदेखि सउलको होंदे स्थित यति रेस्टुरेन्टमा आयोजना हुने सिन्धुपाल्चोक समाज दक्षिण कोरियाको भेटघाट तथा परिचयात्मक कार्यक्रममा विभिन्न सिलसिलामा दक्षिण कोरियामा रहनुभएका सिन्धुपाल्चोक बासी लगायत गैर सिन्धुपाल्चोक बासी सम्पूर्ण नेपालीहरूमा उपस्थितिका लागि आयोजकले हार्दिक निमन्त्रणा समेत गरेको छ।
