विशाल श्रेष्ठ/दक्षिण कोरिया: युवा पुस्तामा लोकप्रिय चर्चित “THE EDGE BAND” झन्डै एक दशकपछि सेप्टेम्बर १५ तारिखका दिन दक्षिण कोरिया सउलमा आयोजना हुने मर्स्याङ्दी सांगीतिक सौगात भाग-३ मा गुन्जिने भएको छ।
पछिल्लो समय २०१५ को सलनाल फेब्रुअरीमा दक्षिण कोरियामा प्रस्तुति दिए पश्चात लगभग एक दशकपछि “THE EDGE BAND” ले कोरियन महान पर्व छुसकको अवसरमा लमजुङ परिवार दक्षिण कोरियाद्वारा आयोजित मर्स्याङ्दी सांगीतिक सौगात भाग-३ मा आफ्नो लाइभ प्रस्तुति दिने भएको हो।
“आवास गृह व्यवस्थापन तथा आपत्कालीन राहतकोष सहयोगार्थ” सेप्टेम्बर १५ तारिख आइतबारका दिन १२ बजे बाट सुरु हुने “मर्स्याङ्दी सांगीतिक सौगात भाग-३” को कलाकार सहितको पोष्टर आइतबार का दिन दोंगदेमुन स्थित दर्शन नमस्ते रेस्टुरेन्टको सभा हलमा सार्वजनिक गरि आयोजकले कार्यक्रमको बारेमा जानकारी दिएको हो।
“THE EDGE BAND” सँगै नेपाल आइडल सिजन ३ कि विजेता सज्जा चौलागाई, चर्चित लोक तथा दोहोरी गायक मिलन लामा, मेरो डान्स युनिभर्स २०२३ कि विजेता खुसी कार्कीको बेजोड प्रस्तुति रहने
विभिन्न संघसंस्थाका प्रतिनिधि लगायत पत्रकार हरुको बाक्लो उपस्थिती मा सम्पन्न पोष्टर सार्वजनिक कार्यक्रममा मर्स्याङ्दी सांगीतिक सौगात भाग-३ मा नेपालको चर्चित “THE EDGE BAND” को लाइभ ब्याण्ड सहित नेपाल आइडल सिजन ३ कि विजेता सज्जा चौलागाई, चर्चित लोक तथा दोहोरी गायक मिलन लामा, मेरो डान्स युनिभर्स २०२३ कि विजेता खुसी कार्की र दक्षिण कोरियामा रहेका टिकटक स्टार तथा डान्सर सुन्दर घलानको बेजोड प्रस्तुती रहने आयोजकले जनाएको छ।
고려대학교 서울 캠퍼스 화장체육관 मा हुने कार्यक्रमको को प्रवेश शुल्क front standing को ४५००० won र consolation sitting को ४०००० तोकिएको छ। दोङ्देमुन ३ नम्बर गेट र 안암역 को गेट नम्बर १ वाट कार्यक्रम स्थल सम्म जानको लागि बसको पनि व्यवस्था गरिएको कार्यक्रम संयोजक जमान सिंह गुरुङले बताएका छन्।
