विशाल आवाज: नेपाली सम्पर्क समिति(NCC) दक्षिण कोरियाले अगस्ट २५ तारिख आइतबारका दिन दोङ्देमुन स्थित निक नेपाल ट्राभलको सभाहल मा नेपाली नारीको महान चाड हरितालिका तीजको पावन अवसरमा शुभकामना आदानप्रदान तथा दर खाने कार्यक्रम र आउँदै गरेको छुसकमा आयोजना हुन गइरहेको सांस्कृतिक कार्यक्रमको जानकारी सम्बन्धी पत्रकार सम्मेलन गर्ने भएको छ।
पछिल्लो समय कोरियामा पनि चेलीबेटीहरूको उल्लेख्य मात्रामा सङ्ख्या बढेसँगै नेपाली सम्पर्क समिति दक्षिण कोरियाले महिला दिदीबहिनीहरूलाई लक्षित गरेर प्रदेशमा पनि घरदेशको तिर्सना मेटाई कला संस्कृति जोगाउन तीज विशेष कार्यक्रम आयोजना गरेको अध्यक्ष हरि खनालले विशाल आवाजलाई जानकारी दिनुभयो। कार्यक्रम अगस्ट २५ तारिख आइतबारका दिन दोङ्देमुन स्थित निक नेपाल ट्राभलको सभाहल मा बिहान ११ बजे देखि सञ्चालन हुनेछ। हरितालिका तीजको अवसरमा शुभकामना आदानप्रदान तथा आकर्षणमा तीज नृत्य को साथमा कार्यक्रम मा आउँदै गरेको छुसकमा आयोजना हुन गइरहेको सम्पूर्ण सांस्कृतिक कार्यक्रमको जानकारी सम्बन्धी पत्रकार सम्मेलन कार्यक्रम समेत सञ्चालन हुने आयोजकले जनाएको छ।
विशेषगरी दक्षिण कोरियामा रहनुभएको नेपाली चेलीबेटी को लागि नेपालीले नै आयोजना गर्न लागेको कार्यक्रममा सहभागिताका लागि कोरियामा रहनु हुने सम्पुर्ण महिला दिदी बहिनीहरु , कोरियामा क्रियासिल सम्पुर्ण संघ संस्थामा आवद्ध महानुभाव , पत्रकार र सम्पुर्ण नेपालीजनमा उपस्थितिको लागि आयोजकले हार्दिक निमन्त्रणा समेत गरेको छ।
