विशाल आवाज/दक्षिण कोरिया: “सुख-दुःख, खेलकुद र मनोरञ्जनको संगालो” मोक्पो साम्हो साझा चौतारि नेपाल दक्षिण कोरियाको सातौं अधिवेशन आइतबारका दिन हुन्डाइ साम्हो पार्कमा सम्पन्न भएको छ।
मोक्पो साम्हो साझा चौतारिको सम्पन्न सातौं अधिवेशन वाट रिक्कि गुरुङको अध्यक्षतामा २३ सदस्य नयाँ कार्यसमिति चयन भएको छ। नयाँ कार्यसमितिको वरिष्ठ उपाध्यक्षमा विक्रम गिरी, उपाध्यक्षमा सौगात रावल, सन्देश इजम लिम्बु यसैगरी महासचिवमा नवीन गैरे, सचिवमा कुशल गुरागाईं, सहसचिवमा टेकेन्द्र चेम्जोङ, कोषाध्यक्षमा सन्जु तामाङ र सदस्यहरूमा निशान्त आङदेम्बे लिम्बु,गोविन्द शाही, नवीन थापा मगर,विजय घिसिङ मनसुन खड्का, किरण रोकाया, कमल पौडेल, निशान राई ,प्रविण नेङ्बाङ, विश्वास सापकोटा, सुजन अर्याल, नुइन्द्र राई,भीम थापा मगर, अशोक भट्टराई चयन भएका छन्।
सन् २०१३ सालमा दुई तीनजना साथीहरू कुरै कुरामा संस्था खोल्नुपर्छ कि भनेर स्थापना भएको यस संस्थाले आफ्नो स्थापना कालदेखि नै सुख दुःखमा खेलकुद र मनोरञ्जनका साथसाथै दक्षिण कोरिया लगायत नेपालमा विभिन्न सामाजिक कार्यहरूमा सहयोग गर्दै आइरहेको छ।
