भक्तपुर: भक्तपुर स्थित टिबुक्छे,चासुखेल वडा नं ५ स्थित श्री एकान्त कुमारी संस्कृति खल:को २८ औँ वार्षिक साधारण सभा तथा दशौं अधिवेशन बाँसुरी बाजा प्रशिक्षण समापन तथा सम्मान पत्र वितरण कार्यक्रम शनिबारका दिन सूर्यविनायकमा सम्पन्न भएको छ।
“संस्कृति जगेर्नाका लागि एक व्यक्ति एक कला” भन्ने मूल नाराका साथ २०५३ सालमा स्थापित श्री एकान्त कुमारी संस्कृति खल: को उक्त कार्यक्रममा प्रमुख अतिथिको रुपमा भक्तपुर नगरपालिकाका मेयर सुनिल प्रजापति तथा विशेष अतिथिको रूपमा वडा नं ५ का वडाध्यक्ष लगायत विभिन्न व्यक्तित्वहरू अतिथिको रुपमा उपस्थित हुनुभएको थियो। कार्यक्रममा दोस्रो आधुनिक बासुरी बाजा प्रशिक्षण बाट दीक्षित व्यक्तिहरूलाई सम्मानपत्र समेत वितरण गरेको थियो।
संस्कृति खल को २८औं साधारण सभा तथा दशौं अधिवेशनबाट राधेश्याम माकको नेतृत्वमा १५ सदस्यिय कार्यसमिति चयन भएको छ। अध्यक्षमा राधेश्याम माक चयन गर्दै उपाध्यक्षमा न्हुछे राम माक यसैगरी सचिवमा राजेश माक, सहसचिवमा एलिना माक, कोषाध्यक्षमा श्री भक्त माक, सह कोषाध्यक्षमा कमल सिन्ताकल र सदस्यहरूमा केशव माक, नितिश नाक, जीवन माक, रेणु माक, सीताराम माक, विशेष ताम्राकार, रुपेश सितिखु, विष्णु प्रसाद कर्माचार्य, लक्ष्मी प्रसाद सिन्ताकल सर्वसम्मत रुपमा चयन भएका छन्।
श्री एकान्त कुमारी संस्कृति खलले आफ्नो स्थापना कालदेखि नै संस्कृति जगेर्नाका लागि सबै व्यक्तिहरू विभिन्न कलाहरूमा दक्ष हुनुपर्छ भन्दै संस्कृति सम्बन्धी विभिन्न कलाहरूको प्रशिक्षण दिनुका साथै विभिन्न सांस्कृतिक कार्यक्रमहरू सहभागी समेत हुँदै आएको छ।
