विशाल आवाज:आगामी जेठ १० गते (बुद्ध जयन्ती)बाट सार्वजनिक प्रदर्शनमा आउने तयारीमा रहेको ‘राष्ट्रिय अवार्ड’ विजेता दिनेश राउतको निर्देशनमा बनेको फिल्म ‘पुजार सार्की’ आउँदो मे २६ तारिखका दिन किम्हे बुसान मा प्रदर्शन हुने भएको छ।
“आपतकालीन राहतकोष सहयोगार्थ” मे २६ तारिख आइतबारका दिन सल्यानी समाज तथा कालिकोट समाज दक्षिण कोरिया द्वारा किम्हेमा रहेको 가야 대학교 김해 मा 12 बजे प्रदर्शन हुने भएको हो। सुर्खेत समाज दक्षिण कोरियाले दक्षिण कोरियाको प्रदर्शन अधिकार पाएको चलचित्र “पुजार सार्की” कर्णाली प्रदेशमा दक्षिण कोरियाको सहजीकरणमा किम्हेमा प्रदर्शन हुन लागेको हो।
आर्यन सिग्देल, पल शाह र प्रदीप खड्का तिन सुपरस्टार हरुको एकैसाथ मुख्य भूमिकामा रहेको ‘पुजार सार्की’ फिल्ममा आर्यन सिग्देल पुजारीको भूमिकामा छन्, भने प्रदीप खड्का र पल शाहको भूमिका सस्पेन्स राखिएको छ । अभिनेत्रीहरू अञ्जना बराइली र परीक्षा लिम्बुलाई ग्रामीण परिवेशका युवतीको देख्न सकिनेछ ।
जातीय विभेदविरुद्धको कथामा आधारित भएर बनेको फिल्ममा मोहन निरौला, लोकेन्द्र लेखक, सुवास गजुरेल, विद्या कार्की, तारा शर्मा, शङ्कर आचार्य, प्रेम सुब्बा, गोविन्द रमण पराजुली, राजेश बिसुराललगायतको समेत अभिनय देख्न सकिन्छ ।
फिल्मका लेखक विकास सुवेदी हुन् । यसअघि विकास र दिनेशले फिल्म ‘प्रकाश’मा सहकार्य गरेका थिए । फिल्मलाई सुवास भुसालले निर्माण गरेका हुन् ।
किङ्गडम नेटवर्कको ब्यानरमा बनेको यो फिल्म नेपालमा आरआर फिल्मसले वितरण गर्दैछ, भने अन्तर्राष्ट्रिय बजारमा एमएसएम इन्टरटेन्मेन्टले वितरण गर्दैछ । राजेश श्रेष्ठको डिओपी रहेको ‘पुजार सार्की’मा भरत रेग्मीको र हिमाल केसीको द्वन्द निर्देशन रहेको छ।
सुर्खेत समाज दक्षिण कोरियाले सउल शो र सल्यानी समाज तथा कालिकोट समाज दक्षिण कोरियाको आयोजनामा किम्हे बुसान सो मे २६ तारिख आईतवार साथै राप्ती समाज दक्षिण कोरियाले सुवन शो जुन ९ तारिख आईतवार हुने निश्चित भैसकेको छ भने दक्षिण कोरियाका विभिन्न शहरहरूमा पुजार सार्की चलचित्र प्रदर्शन गर्न इच्छुक कोरियामा रहनुहुने विभिन्न संघसंस्था तथा महानुभावहरुले समय मै सुर्खेत समाजलाइ सम्पर्क गरेर बुक गर्न सुर्खेत समाजका अध्यक्ष पुष्कर बुढाथोकीले अनुरोध गर्नुभएको छ।
