विशाल श्रेष्ठ: नेपाली नयाँ वर्ष २०८१ सालको पावन अवसरमा संयुक्त कार्यालय सञ्चालन सहयोगार्थ दक्षिण कोरियाको सउलमा मे ४ तारिख शनिबार पूर्वाञ्चल सरोकार समाज दक्षिण कोरियाले नयाँ वर्ष डान्स पार्टी धमाका गर्ने भएको छ।
“हाम्रो भाषा, धर्म र संस्कृतिमा विविधता प्रवासमा रहेका नेपालीहरूमा एकता” भन्ने मूल नारा लिएर सन् २०१५ मा स्थापित पूर्वाञ्चल सरोकार समाज दक्षिण कोरियाले कोरियामा रहेका विभिन्न १६ वटा सक्रिय संघसंस्थाहरूको सहकार्यमा नेपाली नयाँ वर्ष २०८१ को पावन अवसरमा नयाँ वर्ष डान्स पार्टी धमाका गर्ने भएको हो। सउलको 서울 성북구 동소문로 20 나길 47 Train line no.4 성신 예대입구 मा रहेको 서울 뉴성북라이온스 클럽 मा मे ४ तारिख शनिबार बेलुकी ७ बजे बाट बिहान ५ बजे सम्म कोरियाकै प्रख्यात डिजे RX को साथमा कलाकारहरु दिनेश नाछिरिङ राई, मुस्कान मुकारुङ ,सुनिल गुरुङ को धमकेदार प्रस्तुति रहने आयोजकले जनाएको छ।
प्रवासमा नेपाली कला र सँस्कृतिको संरक्षण र सम्बर्द्धन गर्न अंग्रेजी नयाँ वर्षमा मात्र नभई नेपाली नयाँ वर्ष पनि मनाउनुपर्छ भन्ने उद्देश्यका साथ आयोजित डान्स पार्टीको प्रवेश शुल्क २५००० वन रहनुको साथै डान्स पार्टी हलभित्र खानेकुराहरूको पनि व्यवस्था रहनेछ।
डिजे RX साथमा कलाकारहरुले माहोल तताउने नेपाली नयाँ वर्ष डान्स पार्टी धमाका लाइ सभ्य र भब्य रुपमा सफल बनाउन कोरियामा रहनुहुने सम्पूर्ण नेपाली दाजुभाई तथा दिदीबहिनीहरुमा आयोजकले गरिमामय उपस्थितिको लागि हार्दिक अनुरोध गरेको छ ।
