विशाल आवाज:राष्ट्रिय लोक तथा दोहोरी गीत प्रतिष्ठान नेपाल दक्षिण कोरिया शाखाको आयोजनामा यही आउँदो नेपाली नयाँ वर्ष २०८१ सालको अवसरमा अप्रिल १३ तारिख साझ ६ बजेबाट माउण्ट फिस्टेल रेष्टुरेन्ट,फेन्थेकमा शुभकामना आदानप्रदान तथा सांगीतिक साँझ हुने भएको छ।
“हाम्रो अभियान,लोक संस्कृतिको संरक्षण , स्रष्टाको सम्मान, नवप्रतिभाको प्रोत्साहन” भन्ने मूल नाराका साथ स्थापित सस्थाले नयाँ वर्ष २०८१ सालको शुभकामना आदानप्रदान साथै मौलिक लोकधुन प्रस्तुति समेत गर्ने साङ्गीतिक साँझमा लोक, आधुनिक, पप लगायत हरेक विधामा एकल तथा सामूहिक गायन प्रस्तुति रहने आयोजकले जनाएको छ। लाइभ ब्याण्डको साथमा राष्ट्रिय लोक तथा दोहोरी गीत प्रतिष्ठान नेपाल दक्षिण कोरिया शाखाको परिवारबाट रिले लाइभ दोहोरी समेत प्रस्तुति रहनेछ।
प्रवासमा नेपाली कला र सँस्कृतिको संरक्षण र सम्बर्द्धन गर्न अंग्रेजी नयाँ वर्षमा मात्र नभई नेपाली नयाँ वर्ष पनि मनाउनुपर्छ भनेर आयोजित नयाँ वर्ष २०८१ सालको शुभकामना आदानप्रदान तथा सांगीतिक लाइ सभ्य र भब्य रुपमा सफल बनाउन कोरियामा रहनुहुने सम्पूर्ण नेपाली दाजुभाई तथा दिदीबहिनीहरुमा आयोजकले गरिमामय उपस्थितिको लागि हार्दिक अनुरोध गरेकोछ
