विशाल आवाज:कोरियाको प्रख्यात शहर सुवनमा कोरियन नयाँ वर्षको अवसर पारी साथीभाइहरूलाई भेट्ने उचित गन्तव्यको लागि नयाँ नेपाली रेष्टुरेन्ट “भेटघाट रेष्टुरेन्ट” आरम्भ भएको छ।
सुवन स्टेशनको १० नम्बर गेट बाहिर बाट ३० सेकेन्ड सिधा अगाडी AK प्लाजाको बिपरितमा रहेको पहिलेको हिमालयन गार्डेन रेष्टुरेन्ट भएको ठाउमा नयाँ नेपाली रेष्टुरेन्ट “भेटघाट रेष्टुरेन्ट”संचालनमा आएको हो । खासगरी कोरियाको सबै ठाउमा रहेका नेपाली खानाका पारखीहरुलाइ मध्यनजर गर्दै सो रेष्टुरेन्ट संचालन गरिएको संचालक नारायण पौडेलले बताउनुभयो। पछिल्लो समय कोरियामा नेपालीहरुको संख्यामा वृद्धी भएसंगै नेपाली रेष्टुरेन्टको संख्या पनि बढ्दै गएका छन् ।
अनौपचारिक रुपमा संचालन भैरहेको सो रेष्टुरेन्टको औपचारिक उद्घाटन भने यहि मार्चको पहिलो हप्तातिर गर्ने संचालक ले जानकारी दिनुभयो । साथै औपचारिक उद्घाटन कार्यक्रममा उपस्थित हुन सुवन वरपर र दक्षिण कोरियामा रहेका सम्पूर्ण नेपालीहरुलाइ समेत निमन्त्रणा गर्नुभएको छ ।
रेष्टुरेन्टमा नेपाली खानाका साथै, ढिँडो तथा नानका परिकारहरु, पानीपुरी म:म चाउमिन र अन्य स्वादिष्ट नेपाली परिकारहरु पनि उपलब्ध हुनेछन् ।
