कमला केसी /बिशाल आवाज :गण्डकी प्रदेश समाज दक्षिण कोरियाले, पुर्व स्वास्थ्य तथा जनसंख्या मन्त्री समेत रहनुभएका संघीय संसद साथै नेकपा एमालेका प्रमुख सचेतक माननीय पदम गिरी, नेपाली काग्रेशको केन्द्रिय सदस्य संघीय सासंद प्रदिप पौडेल र नेकपा माओवादीका केन्द्रिय सदस्य एबं पुर्व खानेपानी आपूर्ति मन्त्री तथा पूर्व संघीय संसद बिना मगरको प्रत्यक्ष उपस्थितिमा नोभेम्बर १८ तारिक शनिबार बेलुकी ८ बजे नेपाली थाई रेष्टुरेन्टको सभाकक्षमा भेटघाट तथा अन्तरक्रिया कार्यक्रम गर्ने भएको छ ।
नेपाल-कोरियाको कुटनैतिक सम्बन्धको ५०औं बर्षगाँठको अवसरमा “नेपाल-कोरिया कुटनैतिक सम्बन्ध सुदृढीकरण तथा सहयोग आदानप्रदानका लागि दक्षिण कोरिया आएका मौका पारेर कार्यक्रम गर्न लागिएको हो । यही अवसरमा
“उद्यमशीलता , आत्मनिर्भरता र प्राबिधिक सिप आजको आवश्यकता !नीतिनिर्माण र कार्यान्वयनमा युवा नेतृत्वको भुमिका!! ” बिषयमा कोरिया स्थित नेपालीहरुलाई भेटघाट साथै अन्तरक्रियाका लागी वातावरण सृजना होस् भन्ने उद्देश्यका साथ कार्यक्रम आयोजना गरिएको अध्यक्ष प्रविन गिरिले जानकारी गराउनुभयो । गिरिले कोरियामा रहनु हुने सम्पूर्णमा उपस्थितिका लागी अनुरोध गर्दै कार्यक्रम भव्य हुनेमा आफु बिश्वस्थ् समेत रहेको बताउनुभएको छ ।
उक्त कार्यक्रम तपसिल बमोजिमको मिति र समय र स्थानमा हुने आयोजक गण्डकी प्रदेशले बताएको छ ।
स्थान- नेपाली थाई रेष्टुरेन्टको सभाकक्ष दोस्रो तला
मिति २०२३ नोभेम्बर १८ शनिवार
समय – बेलुकी ८ बजेदेखि दस बजेसम्म
