बुद्धि गुरुङ अध्यक्ष रहेको गैरआवासीय नेपाली संघ दक्षिण कोरिया (NRNA KOREA )को सौलमा आज सम्पन्न अधिवेशनमा सञ्चारकर्मीहरू र मिडियालाई गरिएको उपेक्षा विरुद्ध पत्रकारहरू आक्रोशित भएका छन्। अध्यक्ष बुद्धि गुरुङ नेतृत्वको NRNA समुहले आयोजना गरेको कार्यक्रममा कोरियामा कार्यरत मिडिया प्रतिनिधि र पत्रकारहरूलाई न त आमन्त्रण गरियो, न कुनै जानकारी प्रवाह न त सम्मान नै!
यसरी सञ्चारकर्मीलाई पूर्ण बेवास्ता गर्नु संगठनको पारदर्शिता र जवाफदेहितामाथि गम्भीर प्रश्न उठाउने विषय बनेको छ। कोरियास्थित पत्रकारहरू भन्छन्
“हामी प्रवासी नेपालीको आवाज बन्ने प्रयास गरिरहेका छौं, तर NRNA जस्तो संस्था उल्टै हामीलाई बहिष्कार गर्दैछ।”
NRNA को मूल उद्देश्य भनेको विदेशमा रहेका नेपालीको हक–हितको रक्षासँगै, नेपाली पहिचान र सम्मान बचाउने हो। तर त्यो उद्देश्य पूर्ति गर्न सञ्चार माध्यमको भूमिका अत्यावश्यक हुन्छ।
तर अहिले देखिएको व्यवहारले प्रश्न उठाएको छ —
👉 के NRNA अब सञ्चारमाध्यम विना नै अघि बढ्ने दाबी गर्न खोज्दैछ?
👉 के यो संस्थाको पारदर्शिता समाप्त हुँदैछ?
दुई टुक्रामा विभाजित NRNA कोरिया:
हाल कोरियामा NRNA दुई भागमा विभाजित छ। एउटा समुह बुद्धि गुरुङको नेतृत्वमा बद्री केसिको केन्द्रीय संरचनासँग सहकार्य गर्दै अधिवेशन गरिरहेको छ भने अर्को महेश श्रेष्ठको केन्द्रीय संरचनासँग सहकार्य गर्दै बिपिन गुरुङको नेतृत्वमा रहेको समुह यो संरचनालाई अस्वीकार गर्दै अलग पहिचानमा छ।
यस्तो विवादको बीचमा आयोजना गरिएको अधिवेशनले सङ्गठनलाई एकतामुखी लैजाने अपेक्षा गरिएको थियो, तर सञ्चारकर्मीलाई नै काटेर कार्यक्रम अघि बढाउनुले संस्थामाथि गम्भीर अविश्वासको वातावरण सिर्जना गरेको छ।
एक अग्रज पत्रकारको भनाइमा
“संस्थागत अधिवेशनमा मिडियालाई तिरस्कृत गर्नु भनेको जनताको आँखामाथि पट्टी बाँध्न खोज्नु हो।”
NRNA कोरिया–बाह्य र आन्तरिक दुबै दृष्टिकोणबाट चुनौतीको घेरामा छ। पत्रकारहरूको अपमान, मिडियाको बेवास्ता, र संस्थागत विभाजन — यी सबै मिलेर NRNA को विश्वसनीयता गम्भीर संकटमा पारिएको छ।
यदि तुरुन्त सुधार नआएमा, यो संस्था आफ्नै मूल्य र उद्देश्यमाथि प्रश्नचिन्ह बन्नेछ।
नोटः समाचार प्रकाशन पश्चात र हलमा गुनासो आएपस्चात कार्यक्रम सकेपछी महासंघको नाममा सम्मान पत्र दीएको जानकारी
गत हप्ता सम्पन्न भएको नेपाल डे कार्यक्रममा कोरियाको बिभिन्न क्षत्रमा आवद्द लाई सम्मान गरिरहदा सञ्चारकर्मीहरूलाई भने समेटिएको थिएन । अब कोरियाको संघ सस्था लाई सञ्चारकर्मी नै नचाहिने हो र भन्ने जस्ता प्रश्न हरु उठेका छन।
