विशाल आवाज: पर्वत समाज दक्षिण कोरियाको आयोजनामा आइतबारका दिन आजु विश्वविद्यालय सुवन दक्षिण कोरियामा भएको “तेस्रो पर्वत कप भलिबल प्रतियोगिता २०२५” भलिबल टुर्नामेन्टको कप बाग्लुङ समाजलाई पाखा लाउँदै गुल्मी सम्पर्क समितिले उचाल्न सफल भएको छ।
दक्षिण कोरियामा रहेका नेपाली हरु लाइ खेलको माध्यम बाट जोड्ने हेतुले नेपाल भलिबल सङ्घ दक्षिण कोरियाको मातहतमा रही पर्वत समाज दक्षिण कोरियाको आयोजनामा सम्पन्न २० टिम सहभागी भएको भलिबल प्रतियोगिताको फाइनलमा चिरपरिचित प्रतिद्वन्दी बाग्लुङ समाजलाई पराजित गर्दै गुल्मी सम्पर्क समितिले कप उचाल्न सफल भएको हो। प्रतियोगितामा विजेता र उपविजेता भएसँगै विजेता र उपविजेता टिमले आकर्षक ट्रफी, मेडल र प्रमाण पत्र सहित क्रमशः २० लाख र १२ लाख कोरियन वोन प्राप्त गरे । यसैगरी सेमीफाइनलमा पुग्ने सुदूरपश्चिम समाज र आयोजक पर्वत समाज दुई टिमले पनि चार/चार लाख कोरियन वनसहित मेडल र प्रमाणपत्र प्राप्त गरेका थिए। अन्य विधातर्फ खेल अवधिभरको उत्कृष्ट खेलाडी हुदै गुल्मीका शिशिर विश्वकर्माले १ लाख वन प्रमाण पत्र प्राप्त गरे भने गुल्मीकै कुमार दर्लामी मगर उत्कृष्ट डिफेन्डर, गुल्मीकै श्याम थापा उत्कृष्ट सेटर, बाग्लुङका गणेश नेपाली उत्कृष्ट ब्लकर र बागलुङका सूर्यजंग क्षेत्री उत्कृष्ट स्पाइकर हुँदै जनहि नगद ५० हजार वन सहित प्रमाण पत्र प्राप्त गरे ।
पर्वत शैक्षिक छात्रवृत्तिको स्थापना गर्नका लागि आयोजित “तेस्रो पर्वत कप भलिबल प्रतियोगिता २०२५” लाई सफल पार्नका लागि सहयोग गर्ने दक्षिण कोरियामा रहेका सम्पूर्ण भलिबल टिम लगायत कोरिया मा रहेका बिभिन्न संघ संस्था का प्रतिनिधि, भलिबल खेल प्रेमी खेलाडी, दर्शक हरू , व्यापार व्यवसायी मिडियाकर्मी लगायत सम्पूर्णलाई आयोजकले धन्यवाद ज्ञापन समेत गरेको छ।
