बोम्जन गुरुङ :गुरुङ (तमू) जातीको गौरवमय संस्था तमू धीं थेगु शाखा दक्षिण कोरियाको चौथो अधिवेशन सम्पन्न भएको छ । थेगु सहर स्थितको एक कार्यक्रम हलमा सम्पन्न सो अधिवेशनबाट मदन गुरुङ अध्यक्ष रहने गरी १३ सदस्यीय संरचनाको चौथो कार्यसमिति गठन भएको हो ।
संस्थाको उपाध्यक्ष लिला गुरुङको स्वागत मन्तव्यसँगै शुरु भएको उक्त अधिवेशनमा संस्थाको अध्यक्ष मनी गुरुङको अध्यक्षता, तमू धीं दक्षिण कोरिया केन्द्रकी अध्यक्ष रुपा गुरुङको प्रमुख आतिथ्यता रहेको थियो । विशिष्ट अतिथिहरुमा केन्द्रीय वरिष्ठ सल्लाहकार खोम प्रसाद गुरुङ र सल्लाहकार विजय गुरुङ, तमू धीं थेगु शाखाका पूर्वाध्यक्ष हर्क गुरुङ तथा अतिथिहरुमा आयोजक संस्थाका सल्लाहकार बाबुराम र गुमान गुरुङ, तमू धीं ख्यङ्साङ्नाम्दो बुसान शाखाका अध्यक्ष गीतासिंह गुरुङ, तमू धीं दक्षिण कोरिया केन्द्रीय वरिष्ठ उपाध्यक्ष तेज गुरुङ, उपाध्यक्ष दुर्गा गुरुङ र सदस्य रेशम गुरुङ, सांस्कृतिक विभाग संयोजक मनोज गुरुङ लगायतको उपस्थिति रहेको थियो ।
उक्त अधिवेशनबाट अध्यक्षमा मदन गुरुङ, उपाध्यक्ष कृष्ण गुरुङ, उपाध्यक्ष देव गुरुङ, सचिव निमेश गुरुङ, सहसचिव मिलन गुरुङ, कोषाध्यक्ष भूपाल गुरुङ, सहकोषाध्यक्षमा तिर्सना गुरुङ चयन भएका छन् भने सदस्यहरुमा कृष्णा गुरुङ, बुद्धि गुरुङ, विजया गुरुङ, ईश्वर गुरुङ, लाल ध्वज गुरुङ र किरण घले गुरुङ चौथो कार्यसमितिमा आबद्ध भएका हुन् ।
संस्थाका कोषाध्यक्ष निमेश गुरुङले आर्थिक प्रतिवेदन प्रस्तुत गरेको सो अधिवेशनको कार्यक्रम सञ्चालन सचिव कृष्ण गुरुङले गरेका थिए । तमू धीं थेगु शाखाको चौथो अधिवेश सफल पार्नको निमित्त उपस्थित जनाउनुहुने आमन्त्रित अतिथिहरु, थेगु आसपासका जातीय, क्षेत्रीय, राजनैतिक, शैक्षिक, सामाजिक लगायत संस्था सम्बद्ध समस्त अग्रज व्यक्तित्व, सदस्य र शुभचिन्तकहरुमा तमू धीं थेगु शाखाले हार्दिक धन्यवाद र आभार व्यक्त गरेको छ ।
