विशाल आवाज: गत कात्तिक ३० गतेबाट विश्वभर प्रदर्शनमा आएको नेपाली र भारतीय कलाकारहरूको अभिनय रहेको मल्टिस्टारर फिल्म ‘ह्रस्व दीर्घ’दक्षिण कोरियाको सुवनको मेगाबक्समा पनि डिसेम्बर १ तारिख प्रदर्शन हुने भएको छ।
नेपाली र दक्षिण भारतीय कलाकारहरुको ‘पल्टन’ नै उतारिएको फिल्म ‘ह्रस्व दीर्घ’ जेबि बैङ्क कमलाले सुवन स्थित सुबिधा सम्पन्न हल मेगा बक्समा डिसेम्बर १ तारिख आइतबारका दिन दिउँसो १ बजे प्रदर्शन गर्ने भएको हो। यसअघि पनि धेरै नेपाली चलचित्रहरू सुवनमा प्रदर्शन गरि अनुभव बटुली सक्नुभएकी कमला साउदले पहिलोपटक नेपाली फिल्ममा दुई देशका कलाकारको यो किसिमको गठजोड भएको चलचित्र सुवनमा प्रदर्शन गर्न लाग्नुभएको हो। सुवनको सुविधा सम्पन्न हल मेगाबक्समा प्रदर्शन हुने फिल्म हेर्न दर्शकले प्रवेश शुल्क ३०००० कोरियन वन तिर्नुपर्ने आयोजकले जनाएको छ।
‘ह्रस्व दीर्घ’ दक्षिण कोरियाको विभिन्न सहरहरूमा प्रदर्शन का लागि 01027108855/01042028848 मा सम्पर्क गर्न सक्नुहुनेछ
‘स्टारकास्ट’कै कारण ठूलो ‘हाइप’ दिलाउन सफल फिल्म ‘ह्रस्व दीर्घ’ ले नेपालमा एक हप्तामै ७ करोडमाथि कमाइसकेको छ।चन्द्र पन्त निर्देशित ‘ह्रस्व दीर्घ’ अभिनेत्री नीता ढुंगाना र ज्योतिषी तथा अभिनेता हरिहर अधिकारीले निर्माण गरेका हुन्। फिल्ममा उनीहरूका साथमा प्रदीप रावत, ब्रह्मानन्दम, विपना थापा, सुनील वर्मा, कबीर दुहान, रेखा थापा, सरोज खनाल, सञ्चिता लुईँटेल, किरण केसी, रवीन्द्र झा, गरिमा शर्मा, बुद्धि तामाङ, निर्मल शर्मा, प्रशान्त ताम्राकार लगायत कलाकारको अभिनय छ।
नीता फिल्म्सको ब्यानरमा बनेको फिल्मको कथा र पटकथा हरिहरको हो भने संवाद प्रतीक पौडेलले लेखेका हुन्। फिल्म भारतीय छायांकार कवीरलालले छायांकन गरेका हुन्।
