विशाल आवाज:दक्षिण कोरियामा सक्रिय जातीय संस्था किरात याक्थुङ चुम्लुङ दक्षिण कोरियाको १३ औ महाधिवेशन दोङ्देमुन स्थित पूर्वी नेपाल को सभाहलमा सम्पन्न भएको छ। १३औं महाधिवेशनबाट बिनोद सौदेनको नेतृत्वमा २८ सदस्यीय नयाँ कार्यसमिति चयन भएको छ।
दक्षिण कोरियामा सक्रिय रूपमा क्रियाशील सामुदायिक जातीय समाजिक उत्तरदायित्वको हिसाबले अब्बल ठहरिएको आफ्नो अलग्गै २४ वर्षे इतिहास बनाउन सफल लिम्बु जातिहरूको सर्वोच्च संस्था किरात याक्थुम चुम्लुङ दक्षिण कोरियाको आइतबार भएको १३औं ऐतिहासिक महाधिवेशनबाट विनोद सौदेन लिम्बुलाइ अध्यक्ष चयन गर्दै २८ सदस्य नयाँ कार्यसमिति गठन गरिएको हो।सन्तोष मादेनको संयोजकत्वमा शुन्दरदिप आङ्देम्बे, मिराक पन्दाक(अग्नी), र पबित्रा थेबे सदस्य रहेको निर्वाचन मण्डलले नयाँ कार्यसमितिमा विनोद सौदेनको नेतृत्वमा बरिष्ठ उपाध्यक्षमा मनोज मादेम्बा,उपाध्यक्षमा बिरेन लिङदेन ,माङ्सालुङमा तुम्बापो, दुर्गा चेम्जोङ माबोहाङ,विराज ऐक्तेन, डम्बर केदेम,सरोज योङहाङ, रमेस लक्सम यसैगरी महासचिबमा हर्क सुब्बा चेम्जोङ ,सचिवमा डि बी योङहाङ ,सहसचिबमा उत्तम कुमार लिम्बु ,कोषाध्यक्षमा बिरेन खेवा लिम्बु ,सह कोषाध्यक्षमा राजन सौदेन र सदस्यहरूमा,समिर योङहाङ ,मणि संयङ लिम्बु ,रण बा आङदेम्बे ,सागर खजुम,रूपेस पालुङवा ,चन्द्र लिम्बु,श्रेहाङ ईधिङगो,धिरेन लिङज्याङ ,बुद्धि वल लिम्बु,प्रकास सौदेन,दिल कुमार लिम्बु,रिस्ता सौदेन,सिर्जना नेम्बाङ,रचना सौदेन चयन गर्नुभएको हो।
नेपाल आदिवासी जनजाति महासंघ दक्षिण कोरीयाका अध्यक्ष विशन राई प्रमुख अतिथि रहेको ऐतिहासिक महाधिवेशनमा दक्षिण कोरियामा सक्रिय रहेको प्रदेश, जातिय र क्षेत्रिय संस्थाका अध्यक्ष तथा प्रतिनिधिहरू, राजनैतिक पार्टीका भातृ संगठन र बिभिन्न सामाजिक संघ-संस्थाका अध्यक्ष र प्रतिनिधिहरु , पत्रकार हरु ,बिभिन्न क्षेत्रका प्रतिष्ठित ब्यक्तित्वहरू र लगायत दक्षिण कोरीयामा रहेका व्यक्तिहरूको बाक्लो उपस्थितिले पूर्वी नेपाल को सभाहल भरिएको थियो।
एउटा मिठो यात्राको अन्त्य जिम्मेवार ऊर्जाशील टिमलाई हस्तान्तरण गर्दै आफ्नो कार्यकालमा संस्थालाई व्यक्तिगत एवं संस्थागत सहयोग पुर्याउनु हुने कोरियाको सम्पूर्ण संघ संगठन तथा व्यक्तित्वहरुलाई हार्दिक आभार तथा धन्यवाद व्यक्त गर्दै नवनिर्वाचित सम्पूर्ण कार्यसमितिलाई बधाई तथा शुभकामना दिदै निवर्तमान अध्यक्ष हुनुभएका दिर्ज काङ्भा लिम्बूले संस्थामा आफ्नो सहयोग सध रहने समेत जनाउनु भएको छ।
यसैगरी नव निर्वाचित अध्यक्ष विनोद सौदेन
ले आफ्नो नेतृत्वमा बनेको किरात याक्थुङ चुम्लुङ दक्षिण कोरीयाको १३ औँ कार्यसमितिले संस्थाको गरिमा र प्रतिष्ठामा कुनै पनी आँच आऊने खालका संथागत क्रियाकलाप नगर्ने र संस्थालाई संधै शिरमा राखेर संस्थाको बिधान बमोजिम संस्था र समुदायका निम्ति सामाजिक कामहरू गर्दै आफ्नो, रितिरिवाज, संस्कार, संस्कृतिलाई संरक्षण र सम्वर्धन गर्ने काममा संधै तत्पर रहने ,संस्थाको गरीमा र प्रतिष्ठाको ग्राफलाई अझ उचाईमा पुर्याऊन हर्दम कोसिस गर्ने प्रतिबद्दता समेत व्यक्त गर्नुभएको छ।
