विशाल आवाजःदक्षिण कोरियामा सक्रिय रहेको राष्ट्रिय लोक तथा दोहोरी गीत प्रतिष्ठान, दक्षिण कोरिया शाखाले नोभेम्बर २ र ३ तारिख कोरियाको विभिन्न सहरहरूमा दुइ दिने “बृहत देउसी भैलो कार्यक्रम २०८१” आयोजना गर्ने भएको छ।
नेपालीहरूको महान पर्व शुभ दीपावलीको पावन अवसर पारी “कला केन्द्र स्थापनार्थ” प्रतिष्ठानले नोभेम्बर २ तारिख शनिबारका दिन साँझ ५ बजेदेखि राती १२ बजेसम्म फेन्थेक र सुवनमा रहेका विभिन्न रेस्टुरेन्टहरूमा र यसैगरी नोभेम्बर ३ तारिख आइतबारका दिन बिहान ९ बजेदेखि साँझ ६ बजेसम्म सउलमा बृहत देउसी भैलो कार्यक्रम गर्ने भएको हो।
“हाम्रो अभियान,लोक संस्कृतिको संरक्षण , स्रष्टाको सम्मान, नवप्रतिभाको प्रोत्साहन” भन्ने मूल नाराका साथ स्थापित सस्थाले “कला केन्द्र स्थापनार्थ” आयोजित देउसी भैलो कार्यक्रममा शुभ दीपावलीको शुभकामना आदानप्रदान साथै प्रतिष्ठानको लाइभ ब्याण्डको साथमा कलाकारहरूको बेजोड प्रस्तुति रहने आयोजकले जनाएको छ।
प्रवासमा रहेर पनि आफ्नो देशको मौलिकताको संरक्षण र सम्बर्द्धनमा टेवा पुग्नुको साथै नेपालीहरु विचको अपनत्वको अनुभूतिसँगै आत्मियता र भाईचारा अभिबृद्धि बढाउन आयोजित कार्यक्रमलाई लाइ सभ्य र भव्य रुपमा सफल बनाउनुहुन कोरियामा रहनुभएका सम्पूर्ण नेपाली दाजुभाई तथा दिदीबहिनीहरुमा गरिमामय उपस्थितिका लागि आयोजक संस्थाले हार्दिक निमन्त्रणा समेत गरेको छ ।
