केशब पोखरेल:दक्षिण कोरियामा सक्रिय रहेको संस्था अर्घाखाची सम्पर्क मन्च दक्षिण कोरियाले राजधानी सौलमा नोभेम्बर २ तारिक सुपा देउराली देउसी भैलो तथा सांस्कृतिक साझ २०२४ भाग २ आयोजना गर्ने भएको छ।
नेपालीहरूको दोस्रो ठूलो चाड शुभदिपावलिको अवसरमा यही नोभेम्बर २ तारिख शनिबार साँझ दोङ्देमुन स्थित निक नेपाल ट्राभल्सको सभाहलमा कार्यक्रम हुने भएको हो।
मञ्चले आयोजना गर्नलागेको सुपा देउराली देउसी भैलो तथा सांस्कृतिक साँझमा कोरियामा रहनुभएका नेपाली जोसुकैले उपस्थित जनाउन सकिने आयोजक टिमले जनाएको छ। कार्यक्रममा तिहारमा बनाईने विशेष परिकारहरु पनि बनाइने छ । कार्यक्रममा स्थानीय कलाकारहरूको उपस्थितिमा कला संस्कृति र मौलिकतालाई जगेर्ना गर्ने हेतुले मौलिक देउसी भैलो सङ्गै अन्य मनोरञ्जनात्मक सांस्कृतिक कार्यक्रम हरु पनि प्रस्तुत गरिने अर्घाखाँची सम्पर्क मञ्चका कार्यबाहक अध्यक्ष बाबुराम पोखरेलले जानकारि दिनुभयो ।
प्रवासमा रहेर पनि आफ्नो देशको मौलिकताको संरक्षण र सम्बर्द्धनमा टेवा पुग्नुको साथै नेपालीहरु विचको अपनत्वको अनुभूतिसँगै आत्मियता र भाईचारा अभिबृद्धि बढाउन आयोजित कार्यक्रमलाई लाइ सभ्य र भव्य रुपमा सफल बनाउनुहुन कोरियामा रहनुभएका सम्पूर्ण नेपाली दाजुभाई तथा दिदीबहिनीहरुमा गरिमामय उपस्थितिका लागि आयोजक संस्थाले हार्दिक निमन्त्रणा समेत गरेको छ ।
