बोम्जन गुरुङ:कोरिया स्थित स्याङ्जा परिवार थेगु शाखाले सेप्टेम्बर २९ मा आयोजना गरेको दशैं धमाका “चौथो भलिबल कप २०२४” मैत्रीपूर्ण खुल्ला भलिबल प्रतियोगिता को उपाधी कोरियास्थित क्षेत्रीय संस्था गुल्मी सम्पर्क समितिले चुमेको छ । गुल्मी सम्पर्क समितिले फाइनलमा २-० सोझो सेटको स्थितिमा अग्रता निकाल्दै उक्त उपाधी चुमेको हो ।
“राष्ट्रका लागि खेल, स्वास्थ्यका लागि खेल” भन्ने नाराका साथ थेगु खुजी स्थितको खेलमैदान (대구광역시 달성군 구지면 예현리 764-3) मा आयोजना गरिएको सो मैत्रीपूर्ण खुल्ला भलिबल प्रतियोगितामा फाईनलमा सुदुरपश्चिम समाज कोरियालाई पाखा लगाउँदै शानदार विजयी निकालेको गुल्मी समाज प्रथम र द्धितीय स्थान हासिल गर्ने सुदुरपश्चिम समाजले आकर्षक ट्रफी, मेडल र प्रमाण पत्र सहित क्रमशः २५ लाख र १२ लाख प्राप्त गरे भने सान्तवना पुरस्कार स्वरुप दुई टीमहरु नेपाली परोपकार समाज खुजी र मोक्पो भलिबल क्लबले मेडल र प्रमाण पत्र सहित जनही ४/४ लाख कोरियन वोन प्राप्त गरेका छन् ।
कूल २४ टीमको सहभागिता रहेको स्याङ्जा परिवार दक्षिण कोरियाद्धारा आयोजित उक्त दशैं धमाका “चौथो भलिबल कप २०२४” लाई सफल बनाउन आर्थिक, नैतिक र भौतिक रुपमा सहयोग गर्ने साथै सहभागी टीम, रेफ्री समूह, विभिन्न व्यवस्थापकीय समूह लगायत कोरियामा रहनुहुने समस्त शुभचिन्तक महानुभावहरुमा आयोजक संस्थाले हार्दिक धन्यवाद व्यक्त गरेको छ ।
